مرحبا اخواني الاعزاء
اليوم جايبلكم دارميات تتحدث مع
ابراج الحظ اتمنى تنال اعجابكم
الحمل
-------
الكلب صح وياك ينضح مشاعر
بس خلي يطغي اعليه صوت الضماير
الثور
-----------
صح جرحك ايأذيك بس بالك اتصيح
واوكف صخرجلمود من تجبل الريح
الجوزاء
----------------
الدنيا صح وياك تمشي ابهداوه
تنكلب مره اوياك بعد الحلاوه
السرطان
----------------
بالك تخاف العوز ذب كلشي بالجيب
ثق يجي اعليك الخير من منهل الغيب
الاسد
-------------
العشك مامرغوب لاتكرب احذاه
تاليهه نص تموز اتصيّح اشاه
العذراء
---------------
صح عندك افليسات وامنشنش الحال
بس عندك انت اهموم ما اضنهه تنشال
الميزان
----------------
عندك افكار اكبار عندك مواعيد
تابعهه تلكه الخير بدروبك ايزيد
العقرب
-----------------
عندك ربع واخوان من تحسب اهواي
مثل السراب اوياك صدكني موماي
القوس
-----------------
حضك صعب ياصاح حضك مصيبه
الدمع من الغيم عينك تجيبه
الجدي
-------------------
بالصبر والايمان تتعده الهموم
من توكع اعله الكاع هم ترجع اتكوم
الدلو
------------------
وقتك ذهب والماز وقتك جواهر
الفرح صار اعليك مثل الدوائر
الحوت
--------------
ضيف اعتناك ابليل بالك ترده
تدري العشك لوراح حيلك يهده
للعلم والاطلاع انا من برج القوس
واتمنى ممن يشاهد هذه المساهمة ان
يخبرنا ببرجه الجميل بصراحة وبدون احراج
مع تحياتي وحبي للجميع
أخوكم لؤي عباس المهندس
» دارمي يموت
» ترحيب
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد
» صوت الظليمه ((كعده))
» رجوع السبايا (( أربعينيَّه))
» مجلس لزيد الشهيد عليه السلام
» ردّينه ردّينه يبن أمي ردّينه