ثَأرالله
***
ياوريث الأنبياء حسين ياثار الصَمد
لوله جدّك يبو اليمه الكون كلّه مَنْوِجد
ٱتجسَّد ٱبْحراب نحرك قُل هَوَ اللهُ أحَد
صلّه راسك عالرماح وعالتُرب جسمك سجد
تَبْكيكَ كُلُ عين حبيبي ياحُسين
***
شمسك ٱبرفعة سماها كسفت ابأرض الطفوف
بكربله جثّتك كعبه طافت ٳعليها السيوف
نزلت أملاك العَوالي بكعبة اجروحك تطوف
أنبياء ومُرسلين وأوصيا عندك ضيوف
بالدمعِ والأنين حبيبي ياحُسين
***
هِشْموا اضلوع الرساله ٳمْنِنْهِشَم منّك ضلع
وكسرضلع أُمّك الزهره ابْكسر ضِلعَك مِنْطبع
وراس جسم الكون كلّه ابگطِع نحرك مِنْگطع
بمصرعك وجه النبوّه وسِر مُحمد منجمع
ياغايَةَ اليقين حبيبي ياحُسين
***
رادوا ٱبگطعة وريدك ينگطع نحر الصَلاة
ما دروا شريان نحرك وَهَب للدين الحياة
رايتك راية مُحمد هِدْمت اعروش الطُغاة
ٳنته كل قَطره ابدِمائك سيف بچفوف الأُباة
أَفديكَ بالوَتين حبيبي ياحُسين
***
ٳحنه من حگنه بمُصابك نِدْمي يحسين الصدور
الكون كلّه بدم وريدك وبأهل بيتك يدور
يِحِج بيت الله الشريف اليگصِد الصحنك يزور
عاصمة رب الخلايق گبرك اليوم النِشور
فَكيفَ أستكين حبيبي ياحُسين
***
ياغريب وياذبيح وياقتيل وياشهيد
حُبَك ٳتْمَلّك مُهَجْنه ويجري وي دم الوريد
انذوب بيك انموت بيك وغيرشخصك مانريد
اتصافح ٳرگبنه اللسيوف ومانِصافح چف يزيد
للموتِ نادِبين حبيبي ياحُسين
***
أبو ياسر الكعبي
***
ياوريث الأنبياء حسين ياثار الصَمد
لوله جدّك يبو اليمه الكون كلّه مَنْوِجد
ٱتجسَّد ٱبْحراب نحرك قُل هَوَ اللهُ أحَد
صلّه راسك عالرماح وعالتُرب جسمك سجد
تَبْكيكَ كُلُ عين حبيبي ياحُسين
***
شمسك ٱبرفعة سماها كسفت ابأرض الطفوف
بكربله جثّتك كعبه طافت ٳعليها السيوف
نزلت أملاك العَوالي بكعبة اجروحك تطوف
أنبياء ومُرسلين وأوصيا عندك ضيوف
بالدمعِ والأنين حبيبي ياحُسين
***
هِشْموا اضلوع الرساله ٳمْنِنْهِشَم منّك ضلع
وكسرضلع أُمّك الزهره ابْكسر ضِلعَك مِنْطبع
وراس جسم الكون كلّه ابگطِع نحرك مِنْگطع
بمصرعك وجه النبوّه وسِر مُحمد منجمع
ياغايَةَ اليقين حبيبي ياحُسين
***
رادوا ٱبگطعة وريدك ينگطع نحر الصَلاة
ما دروا شريان نحرك وَهَب للدين الحياة
رايتك راية مُحمد هِدْمت اعروش الطُغاة
ٳنته كل قَطره ابدِمائك سيف بچفوف الأُباة
أَفديكَ بالوَتين حبيبي ياحُسين
***
ٳحنه من حگنه بمُصابك نِدْمي يحسين الصدور
الكون كلّه بدم وريدك وبأهل بيتك يدور
يِحِج بيت الله الشريف اليگصِد الصحنك يزور
عاصمة رب الخلايق گبرك اليوم النِشور
فَكيفَ أستكين حبيبي ياحُسين
***
ياغريب وياذبيح وياقتيل وياشهيد
حُبَك ٳتْمَلّك مُهَجْنه ويجري وي دم الوريد
انذوب بيك انموت بيك وغيرشخصك مانريد
اتصافح ٳرگبنه اللسيوف ومانِصافح چف يزيد
للموتِ نادِبين حبيبي ياحُسين
***
أبو ياسر الكعبي
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد