طير الغدر

جنيت اطيور موش اطيور .. هم كعكوله هم ورده .
. ولعب تلعب فلا تندك
ارافل وشحلاته الطير من يصفك جنح فوك الجنح يطبك
واذا طارت رفيف اجناحه امن ابعيد يومي اوبيه اتعشك
وجاهن وبصباح العيد طير او والف ابنصهن
لكط ذبيت اله ياكل نجر شفته ابعدت عنهن
اخذت امسايس انا اوياه وبنص الصطح كل ساع انشنهن
فتحت امنالبرج فتحه !! ردت يدخل يفل حط اعله حايطهن
اخذت الشكفه اله تعنيت وبحركة كلب وشكفته من عدهن
لزمته مسكي ومدكدك حسبت احساب اطيرهن
وهو بص البرج مجتوف متجنكل يتافت يريد ايطير وياهن
عزلته منالطيور انوب وصرت اهواه جي حبهن
وخذت امنالطعم ذبيت لن هالطير زاققهن
وخذت امنالصطح صفحه اوكعدت اوشفته غازلهن
عجيبه اوعجباني الطير وفوكاهه يرد ينفش سنابكهن
شجاك او والفت يمهن
حسبت احساب هديته طلع حيال وغدرهن
نكر كل الملح والزاد وطيور الغير والفهن
يمر عله الصطح مره اولاجنه اكل منهن
ويمر ابجوكة المطيار يطركهن
حرام الحنطه والملحه الكلته اونايم ابصفهن
وحرام اتخونهن ترحل تعاشر غيرهن وترد تواجهن
شنوكلبك دغش متروس ليهن جنت تتلبك
حسافه اووجرت يمهن فهمتك تالي تتلوك
حلفت اعليك الزمنك وكص جنحانك امن الطك...
وعلمك من تمر بطيور وتوالفهن او تشبك
وتغازلهن دغش مغشوش تراك النوب تتعلك
افهم من تحط النوب بيه النوب لاتندك
انا اليث بيه النوب لاتندك
ابوالفرزدق