اريد وياج ليله وليله شتظر بيج
ولو ماضنهه ليله تريح الحسره
اريد الكمر يطفه منج انتي النور
ويطفي الشمس الله ويندعم فجره
اظل وياج وحدي وبيج اكظي الليل
وانه وياج نبقه ونقفل الحجره
الشمس بيدج اليمنه بلصدك مو طيف
الكمر غافي بسبات بايدج اليسره
واضافيرج كواكب تشتعل بلايد
معناهه مجره كلهن العشره
ودموعج نجوم تطيح من تبجين
وتطيح السمه لو كظتج عبره
انذرلج عمر بس انتي شفتج بيه
بلكن من يودج ينقبل نذره
والعرفو احبج واني دايخ بيج
كالولي بحسنه راسك تفره
صح دوختي راسي اعترف وياج
لان لغز الله بيج ومحد يفسره
لان قدرته الصور عندج هلالين
هلالين الحواجب قدرته قدره
ومو طفره وراثه الحسن عندج لا
معجزت الجمال وابد موطفره
يامريم وكتنه وما تجيسج ايد
وسموج بوكتنه مريم العذره
اكص ايد الهوه لوحط اصبعه اعليج
اذا لامس كذلتج لويغث شعره
اباوعلج وشعرج من يغطي العين
يظل يبوس بيدج لمن توخره
البروده اعله صدرج ابرد من دهوك
ودفو حظنج يحلوه جن دفو البصره
مثل زهره حديقه خدودج مفتحات
وماي النده دموعج بلل الزهره
يلطولج قصيده ما تخلص بيوم
وبقه طول القصيده مالي الذكره
يلدولاب عينج حيره هاي العين
ما خلتني انام عيونج الخظره
لو اني امن ابوج اقفل عليج الباب
واجيبنلج مدارس حتى بلذره
واجيبنلج الشارع بس بدون الناس
واذا تطلعين بره احرك البره
صوتج من اسمعه جنه حس شيرين
والضحكه المسيقه المومن تكفره
» دارمي يموت
» ترحيب
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد
» صوت الظليمه ((كعده))
» رجوع السبايا (( أربعينيَّه))
» مجلس لزيد الشهيد عليه السلام
» ردّينه ردّينه يبن أمي ردّينه