بوري ابو 6 اشهر قصيده لاتفوتكم

حبيتك صدك ... معقوله ما حسّيت
وآنه الجنت اظنّك تدري وتحبني
طلع كلبك اناني ويه أني أنغرّيت
ما وفّه لمحَبتي وبالعجل ذبني
وحيد بلا حبيب ولا عشك ضلّيت
شجره بلايه ميّ ولا شمس جنّي
صلب مثل الجبل بالشدّه منهزّيت
بس بُعدك عليه بهالوكت هزني
حيّرني الزمان وبيك أنه أحتاريت
وجن بيك الزمن رايد يعذبني
نطرت محبتك والهه شكثر تانيت
لحظات العشك وياك نستني
جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
جنت بعيني ليلى وجنت الي جوليت
وجنت آنه قيس وروميو بذنّي
وصرت كبالي عبله ووالله لو مرّيت
اصيرن عنتره وابن امه اليكظني
شجاك تغيرت وبروحي ما خليت
بس حسره ودمع وجروح أذتني
وشجاك تغيّرت صدكني ما ظنيت
تنساني بسهوله وتبتعد عني
أشتريت محبّتك بالغالي كلّي شلون
فلس ونص محبتك هسه باعتني
يا ذنب الجنيته وكلي انه شسويت
حتى انت بعذابي لوحدي تتركني
كلبك هذا كلبك لو حجر سجيل
حالك والله والعباس صفنّي
جنت آنه الحبيب الما يزيحه الكون
واحد هسّه زاحه شلون فهمني
تمشي كبالي تضحك منشرح وياه
ما عندك قصد كل قصدك تغثني
مو صوجك ابد لا بيه كل الصوج
كلبي بهل المواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وقلبك ما يدك فد يوم صدكنّي
وما تعرف بعد محبوب مثلي يصير
واذا واحد يصح لك مثلي عاتبني
ست اشهوراحبك تالي هذا الصار
طول المده وانت بحبي خادعني
آنه اتكنّسلت هذا الغشيم شلون
اذا ما عفته بعد اسبوع خابرني

تسلمين ميوشه على مروركِ همزين بس انتي علقتي
عبالي امسح المساهمه لان صارسبوع تقريباً محد
مر عليها شكراً لمروركِ ولو البوري موقوي
تحياتي لكِ

حبيبي ابو علاوي شكراً لمرورك بس اني اختلف وياك
لان موالكل يستغل قلوبنه صاحبة القلب الطيب
تبقى على موقفها مهما كان انا افهم ماتقصده
لكن يجب تقوية قلوبنا كي لا نكون فريسه
تحياتي لك

شكراً لمرورك حبيبي جروح الزمان رأيك على عيني وعلى راسي
حبيبي ابو سيوفي عجبك هيج بوري معدل هذا بس للطيبين
من ايد الحبايب ههههههههههههههههههه
تحياتي لكم احبتي الغالين