الاسم ليره
المهنه مهندسه معماريه
السكن بابل\الحله
هذا تذكير بشخصيتي اللي دخلت بيها للمنتدى وماعندي غيرهه
سمعت البارحه من الاخ اسير كلام صادم فعلا فاجأني ..طبعاعرفتوا انه اسير متهم بانه يدخل بصورة بنيه للمنتدى من خلال الموضوع النزله قبل فتره بس الكارثه انه بعض الاعضاء متهميه انه هاي البنيه اليدخل باسمهه هي
ليره(يعني اني).......
طبعا هذا الكلام صدمني وجرحني كللللش مع كل الاسف يااعضاء دارمي كوم
يااخوتي واخواتي مثل ماجنت اسميكم .............طبعا مع احترامي لبقية الاعضاء انما كلامي موجه للاعضاء اللي اتهموني باطل وطعنوني وبدون اي دليل او وجه حق علما هاي مو اول مره ينفتح هذا الموضوع لان تكرراكثر من مره وهسه من حقي احاسبكم واكلك ليش؟وشنو دليلكم
يعني لان اني واسير نتشابه باسلوب الكتابه؟ اصلا احنه منتشابه بالاسلوب ولو فرضنا ...هل هذا يعني انه اني ولد؟
او انه اسير نفسه ليره؟
مع الاسف والله ..معقوله اكو ناس تفكر بهالسطحيه والتفكير المحدود
وهيج عدكم سهل جرح كرامة الناس ومشاعرهه ابد ماالهه اي قيمه عدكم؟
ارجع واكول مع احنرامي للاصدقاء اللي دافعوا عني المفروض اذا جان واصللهم هذا الحجي لان اني اول مره اسمع بيه البارحه من الاخ اسير بس الظاهر صارله فتره واني ماادري
لا والمصيبه انه تلت ارباع مساهماتكم تحجي عالغدر والخيانه ووكل واحد بيكم يحجي قصة معاناته من قبل اخ اوصديق او حبيب..وهسه انتو غدرتوني وجرحتوني لعد شنو فرقكم عنهم يااصدقائي الكراام
اذا هذا مفهوم الصداقه عدكم ..على الصداقه السلام
جماله اني جنت احاول اواسيكم واخفف عنكم لان فعلا معتبرتكم اخوتي وخواتي والقرااان
واللله ماادري اضحك مدري اضوج
طبعا هسه حضرتني مقوله للامام الصادق سلام الله عليه
ان ظلمت فلاتظلم وان خانوك فلا تخن وان كذبت فلاتغضب وفكر فيما قيل فيك فأن عرفت من نفسك ماقيل فيك فسقوطك من عين الله اعظم عليك مصيبةً مماخفت من سقوطك من عين الناس! وان كنت على خلاف ماقيل فيك فثواباً اكتسبته من غير ان يتعب بدنك!!!!
واني الظاهر كسبت ثواب من وره هاي السالفه لان ياغافلين الكم الله ولان عمري محاجيه على اي احد وره ظهره بلعكس احجي كدامه وانطيه فرصة التبرير والدفاع موبس بالنت حتى بحياتي العاديه
امااللي حجوا عني ظلماً فاكلهم حسبي الله ونعم الوكيل بيكم
ومشكولين الذمه دنيه واخره كل اللي جرحوني بقول او تصرف
ومااسامحهم ابد..ابد..لان اتهموني وهم ميعرفوني ولااعرفهم
مجرد اتبعوا ظنهم المريض
ختاما اني اعلن انسحابي من المنتدى نهائيا لان بعد ماريد اصير جزء من هذا المنتدى وماريد انتميله ولا بأي شكل من الاشكال
لان الظاهر اني انخدعت بيه ..........جان عبالي واحة امان ومشاعر صافيه وقلوب طيبه واحترام
طلع بؤرة نفاق وكذب لان على صفحات المنتدى يحجون شكل ومابينهم الله واعلم شيحجون
بس فعلا
الماء يغسل كلشئ تقريبا اللسن السيء
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري