ياغريب اشلون تغمض عينك ومتشوف ناسك
اشلون تمشي بين غربة اشلون كلي اتشيل راسك
ابلاية أم..........
ابلاية كاع......
الكاع أم........
الجدم فـــــــــــاس
وكاعك اتحن وتون لشفاف فاسك
وجانت أتحضنك اذامر الشته والبرد جاسك
وهسه تسألني عليك ؟
اشلون نام؟
اوين نام؟
ومنهواليدثرة اذا يشمر غطاه ؟
ومنهو اليسكته اذا فز من منامة؟
وطيف خوف بساعة متأخرة لفاه؟
بس . تعال؟
تعبت عيون الشوارع
من كثر ما جانت الجيتك تباوع
وتذكر الشارع البي انته ربيت؟
الخلصت عمرك بحضنه ومادريت
ومن سمع بيك انته أجيت
والله شارعكم حنين
أي حنين
ركض كبل أهلك يهلل
وصعد فوك أعلى عمارة
وحط رصيفه على عيونه
الجيتك رايد يباوع
وصرخ من طلعت إشاعة
ورد حزين..........
رجع بذيالة يجر مكسور خاطر
وصلّت الوادم جماعة
ورفعت جفوف الدعاء
ومدت من عيونهه
من عيونهه الوادم دمع بسم الرجاء
وجان يشبه جف حزين العوز كل عمره خذاه
وطلبوا من الباري زخه أتمرعليهم
أي انته اتمر عليهم
وتروي كيض افراكهم لمن تجيهم
والله زحمةاعليك
مو شانك يبو الغيره خلية اترد اديهم
يا ابن هالكاع بسم امك اصيحك
مو أعيرك
لا أذكرك
وارداحلفك بالشهامة؟ بالمضيف؟
أرد أسأل؟
هم تمر ساعات بالغربة وتحن لعيون ابوك؟
العراق المحني ظهره على افراكك.
على افراكك هو ابوك
عيون ابوك
الجرن من زاخو لعد جدم الكصب
جروح جانن مو عيون
وفركتك نار وحنين الأب حطب
ياغريب
تدري انته بحال ابوك؟
الجان يسكت لو حجه احجايه السلف
أخلاف عينك؟
صار يسكت من يمر طاري الشرف
ياغريب
تدري انته عكال ابوك ؟
الجانت الوادم اتهابه
اخلاف عينك
ممشى لنعال السرف!!!!!!
ياغريب بس تعال ؟
عدنه كلشي
عدنه خير
والوضع هسه تغير
أي تغير
عدنه مرضه
وعدنه أرضه
تنخر بظهر الفقير
وعدنه اكبر عين بالعالم تضخ للدنيه فقره
وعدنه اكبر برلمان
أديرة آفات المجاعة
وكلهم ايصلون لو حل الأذان!!!!!
وكطعو الحصة ولغوا كطع الإذان
حتى يتوضون بدموع الجواعة
وبس على الراتب يصلون الجماعة
وخطوا اكبر لافته بعقل الفقير
لازم اتسود القناعة ، ابلا امان ، ولازم اطب الجنان
وخلي كلهه اتموت ، كلهه اتجوع الاّ البرلمان
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري