يا صديقي الدنيا ما تسوه غرور
ادروس بيها ومنها لازم نعتبرمن سلالة ادم احنه ومن تراب
اشما كبرنا ازغار لايغرك كبر
لانعلي اخشومنا بعلو النجوم
من يفك بابه ويناغينه اليسر
تبقى طيبتنه القديمه ابلا حرام
ونفس ذيچ اخلاقنه بوكت العسر
صدگ النجمات تخضع للقياس
وازغر من اعيونه انشوف البدر
لاتذل روحك بوكت النايبات
ولا تساوم على الزينات اقتصر
ولاتأمن اي شي بحظان السان
گتلك بطياته مزروع الغدر
ولا تبيع اسرارللگال اشتريك
باجر ايبيعك تره بابخس سعر
فكرت بالموت شمخلي وراك
وگلي ذيچ الساعة منمن تعتذر
ازرع بگاعك بذورالمستحيل
وغرك بدمعاتك الواح البذر
وحصد بمنجل اسنينك ماجنيت
مر تحصل مثل ماطشيته مر
هذا حال الدنيه مابي شي جديد
ثلج يوم ويوم احر من الجمر
خلي گلبك عامر بذكر الاله
وبمنصة شفتك اتعيد الذكر
وبدرب من تمشي لاتعاين وراك
العينه ليگدام لا تضن ينكسر
احنه فقره بس نفوق الاغنياء
وما نبدل ثوبنه بطول العمر
ومثل ما تحتاجك الناس وتجيك
اتدور بيك وترجع ايام الفقر
الگمر وحده بليل لاتگلي جميل
الفخر للنجمات ضافنله سحر
والتكبر عوفه ما لايك عليك
الواحد اشويه تره ابلايه صفر
تحياتي
ابوسيف العويسي
» دارمي يموت
» ترحيب
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد
» صوت الظليمه ((كعده))
» رجوع السبايا (( أربعينيَّه))
» مجلس لزيد الشهيد عليه السلام
» ردّينه ردّينه يبن أمي ردّينه