دارمي كوم

حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..مع التقدير.
اخوكم رعد الاسدي
دارمي كوم

دارمي/ابوذية/موال/شعر/شعبي/قصائد/قصص/شعر فصيح/خواطر/ /نكات

انت الزائر رقم

ادعمونا في الفيسبوك

ساهم في نشرنا في الفيسبوك

المواضيع الأخيرة

»  دارمي اعجبني
الجمعة مارس 25, 2016 9:41 pm من طرف احمد جابر

» دارمي يموت
الأحد مارس 13, 2016 2:19 pm من طرف احمد اعناج

» ترحيب
الأربعاء يناير 20, 2016 4:16 am من طرف جاسم

» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة

» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي

» انه بدونك طفل
الإثنين مايو 25, 2015 7:02 am من طرف شاعرة الحنين

» ابتسم
الأحد مايو 17, 2015 4:11 am من طرف كاظم موسى قسام

» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام

» شجرة دارمي كوم
الأربعاء مايو 13, 2015 6:31 pm من طرف abbaslife1

» دارمي وقصته الحزينه..
الأربعاء مارس 04, 2015 11:10 am من طرف احمد اعناج

» عضو جديد
السبت ديسمبر 27, 2014 11:55 pm من طرف الكفاري

» صوت الظليمه ((كعده))
الأربعاء نوفمبر 26, 2014 8:13 pm من طرف خالد محمد مهدي الحجار

» رجوع السبايا (( أربعينيَّه))
الإثنين نوفمبر 24, 2014 1:19 pm من طرف خالد محمد مهدي الحجار

» مجلس لزيد الشهيد عليه السلام
الأحد نوفمبر 23, 2014 5:32 pm من طرف خالد محمد مهدي الحجار

» ردّينه ردّينه يبن أمي ردّينه
الأحد نوفمبر 23, 2014 1:32 pm من طرف خالد محمد مهدي الحجار

أفضل 10 أعضاء في هذا الأسبوع

أفضل 10 أعضاء في هذا الشهر

أفضل 10 أعضاء في هذا المنتدى

بلاد الزوار

free counters

اجمل ما قيل في الحب

اجمل ما قيل في الحب

    حجاية مبيوكه (نخوة عشاير)

    شاطر

    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    حجاية مبيوكه (نخوة عشاير)

    مُساهمة من طرف كاظم الشيخ موسى قسام في السبت أكتوبر 15, 2011 10:18 am

    تبوك احجايتي وتعّيب اعليها
    وتسميني الشروكي النوب تاليها
    ****
    تاليها تشوف وتعرف آل حجيم
    كلها معدله حجايتهه مو ترهيم
    بس يلطوف شو تركص لركص الهيم
    اخاف اغتاظ وانته اللي تكع بيها
    ****
    تكع بيها ولك بس لا توازيني
    ضنهي الجايبك تنبش روازيني
    يلطينك وغف جالي وحمر طيني
    وعله صفحة اخدودي يفيض جاريها
    ****
    جاريها براد شما حمه صيفك
    خلها مبطنه وضمهن سواليفك
    اخاف مرادم اتصير وتذب سيفك
    وتطلع عورتك واتمضحك اعليها
    ****
    اعليها احجايتي يالماتعرف الها
    بحرهه اظلم غميج وما تطب الها
    ولا تعرف لغزها وظل صعب حلها
    تراهي الحسجة سيف السان راعيها
    ****
    راعيها الحجاها يخاف لتجرحه
    وانت الما عرفت اشلونها اتذيحه
    الحسجه تلوك يغبر بس لهل وضحه
    علي صويلح وفدعه وحمد واليها
    ****
    واليها العرفها ويندل السجه
    كل عفريت بيها كباله حط ملجه
    شنهي الجايبك ما تعرف الحسج
    غم هذا الوكت وياي تكظيها
    ****
    تكظيها بوكت واشلون منواها
    وروحي شما تغط متزهره الكاها
    مثل الكفت وبيضات جواها
    بس ما فرخن ثارت جزاويها
    ****
    جزاويها عليها وشامت اليكفل
    يوزعلهم حصو والمسعده اتهلهل
    ما تكتل تفك بس ضحجته التكتل
    تكوم وتكعد السيف ابجلاويها
    ****
    بجلاويها ويجرها الزور واويه
    ساعه اصفك جفوفي وساعه رجليه
    صاب ابن اليول يتمرجل عليه
    وصار الذيب لكمه بحلك واويها
    ****
    واويها الولاني شلون هذا هذا ايصير
    اخاف انفخ عليك كشاش تالي تطير
    اجيتك يامضيف وكمكم آل بدير
    احجي حجايتي لو سكته اخليها ؟
    ****
    اخليها وتهيج نار جمراتي
    وشنهي الجايبك وتعيب جلماتي
    آنه ابن الظوالم هاي جيلاتي
    شطب شعلان يلماتعرف شبيها
    ****
    طلب ليرات عشره من حديد السيف
    يعني زلام خشنه وما عليها زيف
    موش ابن اللعد واليول وابن الكيف
    هاي الحسجه يلما تعرف اشبيها
    ****
    شبيها وما تعرفها ودثو خللك
    اكتب بالتعرفه هواي احسلك
    طحن ابعين جير ومنهو يندلك
    والبوكه الخذتها النوب تنطيها
    ****
    تنطيها واحشملك عشايرها
    وأهل الفاله والمكور اخبرهه
    هلي للباشطات انطت مناحرها
    وحكك من تهد تخسف رواسيها
    ****
    رواسيها تهد وتصير مرتجه
    انصحك غاد خلك لاتظل فرجه
    ابن جياش آنه وشيخي ابن عجه
    وعزاييل يفحط من يلاويها
    ****
    يلاويها ويحوش الروس ما ينحاش
    من يحجي ويسولف بس حجي الرشاش
    يلكطهن اصوال اصوال ابن جياش
    واصوال آل اسيود من يلم بيها
    ****
    يلم بيها ويطشها بزود ابو الحملات
    وكون اسوالفك يسمعها ابو جفات
    وابو خزعل والاصفر وابن ابو عبيدات
    وىل حويش حته تهوس اعليها
    ****
    اعليها اتهوس ويد تفتل ايد
    وين الراح طارش حشم آل فهيد
    وين الجابلي خيالة آل زبيد
    والخيكان لو جتني بصواريها
    ****
    صواريها تجيني بس تجيني افواج
    من تفتل تهوس يثكبلها اعجاج
    بس راح اشتكي بمضيف أهل دراج
    تراني اتمحنت وانخبط صافيها
    ****
    صافيها انخبط بس حكي اريدنه
    باك حجايتي الفاهي ومشه وغنه
    إذا ما جبتو حكي وجلمتي منه
    تره انحر للسواعد غاد الاكيها
    ****
    الاكيها واطبها مغضب وعابس
    اشيل شراع راسي وللهوه تارس
    وين الضام راسه ولابد وخانس
    يجرونه من اذانه النوب تاليها
    ****
    تاليها الزمطلي صرنه يمه اضيوف
    ذوله أهل المراجل كشختلها اسيوف
    جم شامت يشوف وجم زنيم يشوف
    وناري التلهب ومحد يطفيها
    ****
    يطفيها جذب ما تنطفي ناري
    فرهدني ونهبني وفرهد اشعاري
    ما يدري الجرف يتلكه كل جاري
    وما يدري الخزاعل تذب سليها
    ****
    سليها تذبه وشامت العيب
    جذاب النكرني وشاهد الجذب
    غارت والأصايل تطلب الملعب
    عدكم يال عامر كون اكضيها
    ****
    اكضيها واصدن يم بني لامه
    وين اللي تجفن والكشف هامه
    موش ابن اللعد وابن اليول لامه
    وين البحرب لمعت مواضيها
    ****
    مواضيها اصبحت بجفوف الاشويلات
    وهاي اخيول عميه وهدت العميات
    وين العكر رجله ورادم الكلفات؟
    بانت والمراجل بان راعيها
    ****
    راعيها ابن فتله واخوة اسكينه
    والمبيوك يمهم بس تكر عينه
    بيكم تنعدل ميلة ميازينه
    ذوله البكرم تضحك صوانيه
    ****
    صوانيها الكرم والخير بيها يزود
    ياخنياب الاحمر والوكت صيهود
    اريد افرش عباتي بكوسرالشدود
    خلها تكوملي وتذب مزاويها
    ****
    مزاويها تذبهه وعالعده تجزي
    صارت مملحه وغص بالملح مرزي
    وين النفخ صدره وكال ابن غزي
    صبخه مصخرجه وجلت مساحيها
    ****
    مساحيها بصخر ومشنيصه زياده
    تريد اجفوفكم ياعين الاكلاده
    ياشبة بني حمدان والساده
    ياكوم آل ازيرح كون تلفيها
    ****
    تلفيها آل ازيرج ما تتيه الفات
    بس تدبج تجيها سيوف الاحسينات
    وال سعيد والركبان وعبيدات
    تفك صدورها ملكه وتلاكيها
    ****
    تلاكيها الزلم وعيونهم شعواط
    وين الجاب حكي ودك رجل وزماط
    جا نذرن عليه السادة البطاط
    خرفان أربعه وكرونهن بيها
    ****
    خرفان اربعه وحافي اعتني الساده
    وافل احزامي يمهم واكطع اشداده
    عدكم يال هاشم يلتكه مراده
    اجيكم لو ابطل بعد ماجيها
    ****
    ماجيها واجيت وحكي ظل يمكم
    ناوي صوب الاشريفات احشمهم
    وارحون لال ابو صالح وافزعهم
    والمشرف وأهل صفوان تكظيها
    ****
    تكظيها وجذب يكتر المنصور
    كل واحد ألف جني اعله راسه يدور
    ميط السانها وجفوفها من اسيور
    ما تقبل العيبه ولا تخاويها
    ****
    ما تقبل العيبه وانت ظل واوي
    بس احجي واصيحن يلحميداوي
    يجينه مدرعم ويطلع حسيناوي
    خلك بالعد واليول كاضيها
    تبوك حجايتي وتعيب عليها
    الشاعر
    كاظم جابر السماوي

    العزاوي
    عضو برونزي
    عضو برونزي

    ذكر
    عدد الرسائل : 176
    العمر : 26
    الطاقة :
    0 / 1000 / 100

    الجنسية : iraq
    تاريخ التسجيل : 09/01/2011

    رد: حجاية مبيوكه (نخوة عشاير)

    مُساهمة من طرف العزاوي في السبت أكتوبر 15, 2011 12:37 pm

    صح السانك شيخنا العزيز
    بس قول لي هذا باگ چلماته ما خله عشیره
    بالعراق ما حشمها
    لو بایگ فلوسه اشسوه
    مع تحیاتی لک من القلب

    ابوسيف العويسي
    عضو مجلس ادارة
    عضو مجلس ادارة

    ذكر
    عدد الرسائل : 5588
    العمر : 46
    العمل/الترفيه : شاعر شعبي
    المزاج : ترف ومتفائل
    الطاقة :
    70 / 10070 / 100

    الجنسية : عراقي ابن بابل
    تاريخ التسجيل : 16/08/2010

    رد: حجاية مبيوكه (نخوة عشاير)

    مُساهمة من طرف ابوسيف العويسي في السبت أكتوبر 15, 2011 1:56 pm

    صح السانك شيخنا الغالي
    ابوحيدر القسام
    رائع هذه القصيده
    تحياتي



    _________________




    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    رد: حجاية مبيوكه (نخوة عشاير)

    مُساهمة من طرف كاظم الشيخ موسى قسام في السبت أكتوبر 15, 2011 8:33 pm

    عزيزنا العزاوي سرقو أموال العراق وخيراته ودمروا حضارته وشوهوا تاريخه الناصع ولم يكتفوا بذلك كله حتى نزو على تراثنا ألأصيل وعاداتنا الخالدة التي تنبعث من أجيال عديده من البشرية، من ضرورات حياتها وعلاقاتها، من أفراحها وأحزانها، ومن جهادهم ونضالهم، وثورة العشرين خير شاهد على ذلك وكم كان للكلام الجاد والصادق من تأثير في أشعال النار في ساحات الجهاد وأيصالها إلى المحب والمخاصم بأسرع وقت لأنها تأتي من الحب والأخلاص:

    وهذا الشيخ غالي العميري من عشيرة العبود:

    معدان وعرب وعراك جــرهه .... التشله بالحـماد شلون جرهه
    الدرده الذيب للنهران جــرهه .... (بـــزعيـــمه ابمركب طكينه)


    وأرسل الحاج عجه من شيوخ الثورة إلى عزاره المجون قوله:


    هـــذا العـــلم للحـــرب منــــشور .... اودمنه اعله الملاكه ابكل مسيه ايفور
    دوك اسرع يطارش كل لبن مذكور .... (نــــــــتلاكه احـــنه اوياه الصوجر)


    وعند وصول هذا البيت أجابت عليه امرأة من اتباعه قائلة:


    عد وجهك "يعجه" العلم خله يرف .... اوعلى روس النشامه ابهل الوطن يشرف
    (عزاره) ايكول حاضر والصبح يجتف .... (الخوش ازلام اتبين بيه)


    وهذا قليل من كثيروأنت سيد العارفين وعذراً


    المخلص
    ابو حيدر القسام

    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    رد: حجاية مبيوكه (نخوة عشاير)

    مُساهمة من طرف كاظم الشيخ موسى قسام في السبت أكتوبر 15, 2011 8:46 pm

    عزيزي
    ابـــــــــــو ســـــــيف
    مع حبي وتقديري واعتزازي
    بشخصكم الكريم
    أتقدم بشكري الجزيل لكم مع أحلى الأماني
    اخوك
    ابو حيدر القسام

    أسير الحب
    عضو مجلس ادارة
    عضو مجلس ادارة

    ذكر
    عدد الرسائل : 3585
    العمر : 31
    العمل/الترفيه : مهندس كهرباء
    المزاج : متفائل وطموح ومرح
    الطاقة :
    70 / 10070 / 100

    الجنسية : ابن الرافدين
    تاريخ التسجيل : 21/07/2010

    رد: حجاية مبيوكه (نخوة عشاير)

    مُساهمة من طرف أسير الحب في السبت أكتوبر 15, 2011 8:49 pm

    احسنت يا شيخنا العزيز
    قصيده رائعه وممتعه جدا
    ومعبره كثيره عن اصول اهل الاصول

    لك تحياتي
    أســـــــــــير الحب


    _________________

    العزاوي
    عضو برونزي
    عضو برونزي

    ذكر
    عدد الرسائل : 176
    العمر : 26
    الطاقة :
    0 / 1000 / 100

    الجنسية : iraq
    تاريخ التسجيل : 09/01/2011

    رد: حجاية مبيوكه (نخوة عشاير)

    مُساهمة من طرف العزاوي في السبت أكتوبر 15, 2011 10:22 pm

    عزيزي الشيخ القسام
    أدام الله بقاءه
    أنا أعتذر شيخنا الجليل إن كنت أسأت الأدب
    و لكن قصدت الطرفة فقط
    أما من ناحية العراق و تاريخ العراق فأنا جاهل
    لأني عشت بالغربة و ذقت الغصص و مازلت هائما لا ألوي على شيء
    و لا أخفي عليك سرا أني سرق أعز شيء في حياتي والدتي التي لم أقف على جنازتها
    لك تقديري

    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    رد: حجاية مبيوكه (نخوة عشاير)

    مُساهمة من طرف كاظم الشيخ موسى قسام في السبت أكتوبر 15, 2011 11:06 pm

    هذا
    من أصلك الطيب ياطيب
    عشت ياعزيزي
    تحياتي
    الى العزيز اسير الحب
    المخلص
    ابو حيدر القسام

    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    رد: حجاية مبيوكه (نخوة عشاير)

    مُساهمة من طرف كاظم الشيخ موسى قسام في السبت أكتوبر 15, 2011 11:30 pm


    عزيزي الفاضل
    العـــــــــــزاوي
    رحم الله الوالدة وتغمدها برحمته
    وحاشاك من أسأت الأدب
    وعُدمت لو كنت أقصد هذا
    وأنما الذي اعنيهم لصوص الوطن وتجار الشرف
    حما الله الوطن وحما الطيبين من خبثهم وجرمهم
    عزيزي كلنا في غربه
    وكما يقول اخوانا
    (لتشكيلي أبكيلك)
    فقد عصرتنا الغربه وأنهكتنا
    جمع الله الطيبين على أرض الوطن
    ارجوك أن تقبل عذري
    تشفعلي تحياتي لكم


    من الغربة

    اكتب لك


    العراقي
    ابو حيدر القسام.

      الوقت/التاريخ الآن هو الإثنين ديسمبر 05, 2016 12:21 pm