(( [size=24]وارث حـــيدر))
ابن حيدر علي اليتسمة حامي الجار
وابن ام البنين التحضر الشدة
واخو الحوراء زينب والحسن وحسين
اذن لاشك محمد هم صبح جده
نورك من سطع غطة الشمس مولاي
واتحدى الشمس لوتسطع أبكده
أبميلادك صبح كل الشجر فرحان
وحضر كل أيبشر الوردهالفراش
والجبل لمن سمع عباس مولود
جمع كل الجبال ولاذو أبسده
منو بكدك مجد يحمل يبن كرار
اذا وارث طبع حيدر علي ومجده
ومنو ألمثلك شجاع وبالشدد ضرغام
ومنو أحزام الشهامة على الظهر شده
ومنو الضحى ابجفوفه بسبيل الدين
ومنو الصان الامانه ووفه أبعهده
وكع منه يمين وطاح منه أشمال
ولا لحضه العلم فكر أيهده
ولالحظة نسة أسكينة تريد الماي
ولالحظة خلف لحسين وعده
ولان حامي الخدر حيدر علي الكرار
إذن حامي الخدر عباس من بعده
واذا حيدرعلي أيرد الشمس عباس
يكض العلكمي الزينب أيرده
ومنو اليكدر يشيل السيف عالكرار
ومنو اليكدر على العباس يتعده
لمن صلت يابا الفضل عالكوم
أشجعهم وكف مايندل الشرده
سيفك بالغمد وايطيح كلمن جاك
كلي اشحاهم من سيفك أتجرده
مايدرون حكهم انت سيف الله
وذا بيهم تثلم حيدر أيحده
بس يحسب جثث ضل يمة ملك الموت
وماكمل حسبهم تيه أبعده
كمش بيده النهر وابجفه شاله وصاح
ياهو اليوصلك ياعلكمي اشحده
ولان شال النهر غدرو غدر عباس
ومن طاحت يمينه العلكمي اتبده
الشاعر
إبراهيم هاشم ألشكري[/size]
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد