دارمي كوم

حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..مع التقدير.
اخوكم رعد الاسدي
دارمي كوم

دارمي/ابوذية/موال/شعر/شعبي/قصائد/قصص/شعر فصيح/خواطر/ /نكات

انت الزائر رقم

ادعمونا في الفيسبوك

ساهم في نشرنا في الفيسبوك

المواضيع الأخيرة

»  دارمي اعجبني
الجمعة مارس 25, 2016 9:41 pm من طرف احمد جابر

» دارمي يموت
الأحد مارس 13, 2016 2:19 pm من طرف احمد اعناج

» ترحيب
الأربعاء يناير 20, 2016 4:16 am من طرف جاسم

» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة

» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي

» انه بدونك طفل
الإثنين مايو 25, 2015 7:02 am من طرف شاعرة الحنين

» ابتسم
الأحد مايو 17, 2015 4:11 am من طرف كاظم موسى قسام

» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام

» شجرة دارمي كوم
الأربعاء مايو 13, 2015 6:31 pm من طرف abbaslife1

» دارمي وقصته الحزينه..
الأربعاء مارس 04, 2015 11:10 am من طرف احمد اعناج

» عضو جديد
السبت ديسمبر 27, 2014 11:55 pm من طرف الكفاري

» صوت الظليمه ((كعده))
الأربعاء نوفمبر 26, 2014 8:13 pm من طرف خالد محمد مهدي الحجار

» رجوع السبايا (( أربعينيَّه))
الإثنين نوفمبر 24, 2014 1:19 pm من طرف خالد محمد مهدي الحجار

» مجلس لزيد الشهيد عليه السلام
الأحد نوفمبر 23, 2014 5:32 pm من طرف خالد محمد مهدي الحجار

» ردّينه ردّينه يبن أمي ردّينه
الأحد نوفمبر 23, 2014 1:32 pm من طرف خالد محمد مهدي الحجار

أفضل 10 أعضاء في هذا الأسبوع

أفضل 10 أعضاء في هذا الشهر

أفضل 10 أعضاء في هذا المنتدى

بلاد الزوار

free counters

اجمل ما قيل في الحب

اجمل ما قيل في الحب

    السراق في الحكومة العراقية

    شاطر

    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    السراق في الحكومة العراقية

    مُساهمة من طرف كاظم الشيخ موسى قسام في الإثنين أكتوبر 17, 2011 4:28 am


    مساجله منقوله حدثت بين شعراء تابعين لأتحاد الأدباء الشعبين
    وهو مما راق لي أتمنى أن يروق لكم
    وإليكم المساجلة:

    كاظم السماوي
    لحد يدور احكوكه .... عد الحكومة البوكه
    مكرود يبقه ابن الوطن
    حسباله حسباته انتهن
    يعتقد زردومه اندهن
    ما يدري بس هالضوكه .... عند الحكومة البوكه


    حاتم الهاشمي
    مكرود ابن الأهوار
    وابن النجف والأنبار
    بوك ونهب للستار
    والشعب نازل سوكه .... عند الحكومه البوكه

    كاظم السماوي
    نازل السوك ومنعرف
    ياحاتم اترك هالوصف
    هسه الألف يلهم الف
    والميت الف مسحوكه .... عند الحكومه البوكه

    كريم كاظم السعداوي
    مكرود ياهذا الوطن
    بالظيم عايش والمحن
    ياهو اليحكمه بها لزمن
    يلعب لعب بطروكه .... عند الحكومه البوكه

    ماجد الحلاوي
    نشكي ولا واحد سمع
    عيشونه بوهام وبدع
    للثوب ماتنفع ركع
    كلش جبير شكوكه .... عند الحكومه البوكه

    ماجد الحلاوي
    إحنه اللي سلمنه الوطن
    بيدين حسنه أم اللبن
    حك الفقير إبهل الزمن
    نامت عليه طابوكه .... عند الحكومه البوكه

    كاظم السماوي
    مسحوك ظل هذا الشعب
    طوبه اصبحوا بعد التعب
    البرلماني بي لعب
    وشبجه الهدف مشكوكه .... عند الكومه البوكه

    اسامه العبيدي
    طعنه المنافق والخبل
    وهواينه رخينه الحبل
    ديل الجلب ما ينعدل
    لو بينه خير انسوكه .... عند الكومه البوكه

    علي الغريب
    من يوم سقطنه الصنم
    ونجماته شالوهه العلم
    لاطفل .. لا شاب السلم
    سموم وسرت بعروكه .... عند الحكومه البوكه
    شنسوك اذا هوٍّ انجلب
    ما شايف اوشاف العجب
    عدنه حكومه بلا أدب
    كل ميت الف خاشوكه .... عند الحكومه البوكه

    علي الغريب
    مظلوم من يومه الوطن
    مّرنه أشكال المحن
    شكواته بس للهبقن
    مسلوبه كل حكوكه .... عند الحكومه البوكه

    باسم السماوي
    مسكين ياشعب الذرى
    ودوك جنهم للورى
    باكوك وعيونك ترى
    أمريكا وي هل الجوكه .... عند الحكومه البوكه

    علي الغريب
    مرينه بيكم ياحمد
    مامش بعد شي أنحصد؟
    كل ظنتي الظلم انوئد!
    لابد طريقه انعوكه .... عند الحكومه البوكه

    أحمد الصالح
    ياكاظم اوزاد البخل
    والخل بعد ماضلّه خل
    حتى النهر عاف النخل
    من كطعوها اعثوكه .... عند الحكومه البوكه

    حاتم الهاشمي
    بيدين حسنه أم اللبن
    احلامنه كلهه انتهن
    صارت العبره بلا ثمن
    ويه اللبن مطروكه ..... عند الحكومه البوكه

    علي الغريب
    عاب الضمير وما رجع
    والشعب مل من الوجع
    لغير الله صدك ما ركع
    وحدوده ما مغلوكه .... عند الحكومه البوكه

    أحمد الصالحي
    هاي الحكومه امخالفه
    ما ظن بعد بيهه وفه
    امبينه القضيه امزيفه
    وبالكصه هالمدكوكه .... عند الحكومه البوكه

    علي الغريب
    شيجب عدلك باعلي
    شوف الوطن هالمبتلي
    أرضي وصفت ماهي إلي
    ولابيها إلي طابوكه .... عند الحكومه البوكه

    حمودي الحياوي
    الدستور كلي شوصه
    كطعو علينه الحصه
    والشكر باكو نصه
    خلونه بس انضوكه .... عند الحكومه البوكه

    علي الغريب
    رغم الجرى ياهالوطن
    وأهوالك الراحن وآجن
    تبقى عراق النه حظن
    عاشك وفي المعشوكه .... عند الحكومه البوكه

    حاتم الهاشمي
    محروم كلش ياشعب
    نفط العرب مو للعرب
    نركض ومامش بس تعب
    واعصابنه محروكه .... عند الحكومه البوكه

    علي الغريب
    عين الوطن لتظن غفت
    دم مو دمع هيه بجت
    عالوالده الما قط شكت
    شمعه وصفت محروكه .... عند الحكومه البوكه

    اسامه العبيدي
    معروف شعبي بعادته
    مو اي بطن هالشالته
    جانت الدنيه ابعازته
    كلهه ونطه من احكوكه .... عند الحكومه البوكه
    يابرلماني اسمع ولك
    كبلك على الكرسي هلك
    ربك ابلحظه ايبدلك
    ياجهرة العكروكه .... عند الحكومه البوكه

    جلال البطاط
    هذا الشعب هم مبتلي
    دايخ ويندب ياعلي
    والله لحشم كل هلي
    وثورة غضب معلوكه .... عند الحكومه البوكه

    جلال البطاط
    ظلمه غدت ياهالربع
    والواوي صايرلي سبع
    صار الوطن للمنتفع
    افلان صاعد سوكه .... عند الحكومه البوكه

    كاظم جابر السماوي
    ريسهم يحك كفشته
    وبليس نافخ كرشته
    بستوكه ظمهه اعله الشته
    وينشد على البستوكه .... عند الحكومه البوكه

      الوقت/التاريخ الآن هو الخميس ديسمبر 08, 2016 5:44 pm