الى كل الامهات العراقيات اللواتي
فقدن اعزه واحبه
اهدي هذه القصيده اتمنى ان تنال استحسانكم
آنه الوالدة وجور الوكت ذبني وأحس الروح راحت من رحت يبني
***
أنصبت وسط القلب مهدك يضي العين وأضلوعي تحرسك من مرام البين
وإعلى هز المهد يبني أسهرت سنتين وأشباح السهر جانن يبارني
***
تكبر والأمل يبني كبر وياك لدارك من تطبها بلهفة أتلقاك
تصد عيني إعلى طولك والكبد يرعاك ماأدري تروح وتنفقد مني
***
وين سنين عمري الجانت تباريك وين السهر يبني اللي سهرته إعليك
بسرعة تروح مني ماجنت أدريك فقدك وأنقطع منك بعد ظني
***
تنوح الوالدة الغاب الولد عنها اشلون اللي أبنها ينفقد منها
مايبطل بجاها ولايخف ونها وأنا خلافك يفت صم الصخر وني
***
عشت ويا النباب وبقلي ربيتك مني تنفقد وتروح مدريتك
آنه لو أدري بسواد عيوني ضميتك لامن بعدك أحمل هالغصص ذني
***
يامن جنت شمعة زاهية بداري وياوجه البراءة العاش بأفكاري
أحن إعليك يبني ليلي ونهاري وحتى الفاجدات أجزعن من حني
***
من بعدك أقضي بالحزن يومي يجيني الليل وأتوسد على همومي
كل لحظة أفز مرعوبة من نومي جنك مامتت آنه المتت جني
***
رحت وبقلبي كم لوعة حزن خليت ومثل ون الحمامة الفرقتك ونيت
جنت أتمنى تحظر دفنتي ياريت وبيدك ياشريك الروح تدفني
» دارمي يموت
» ترحيب
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد
» صوت الظليمه ((كعده))
» رجوع السبايا (( أربعينيَّه))
» مجلس لزيد الشهيد عليه السلام
» ردّينه ردّينه يبن أمي ردّينه