(( المستهل ))
لائك تبقى هو المصدر ................... يا حسين
يهلك بيها كل متكبر ........................ يا حسين
انت الاسست الثورات ........................ ودمرت عروش الطغاة
وانت الاصل وانت المحور يا حسين
كلما نشاهد ثورة اليوم وكلما نسمع من اخبار
ونشوف العالم تتجمع بكل الدول والاقطار
وبحقها اطالب واداعي من كل ظالم وجبار
يهتف كل واحد وبصوتة لا للذلة لا للعار]
كل هاية منك تتعلم...............شلون يفوز اعلة السيف الدم
والما يتبع نهجك يخسر................... يا حسين
وعراق حسين البي صارت ابشع صورة للاجرام
من ظالم يحكم الظالم ومحكومين احنة باعدام
قتل وجوع وفقر وجهل يرضى بهذا يا اسلام ؟
والينهض ايريد ويصلح يزيد محظرلة الاعلام
ضدة كل الناس يحشد .............. ارهابي هذا ومتمرد
واليمشي بدربك يتكفر ............... يا حسين
]اشكد رادوا ايحجبونك ويخلون الناس اتمل
ويصورونك انت دمعة عالخد من العين تهل
واهداف الثورة التحملهة تخلي كل فاسد ينشل
واقسم لو تُبعث من قبرك تهتف كلا للمحتل
ثورة انت على الباطل ...........وعالحق ابد ما اجامل
والي يتبعك ما يتقشمر............. يا حسين
كل هذا الي بينة صار وكل الي ممكن يكون
ما نتكاسل احنة ونفشل وللنصرة عدنة افنون
وجم مسلم عدنا وجعفر وجم عابس عدنا وجون
تنتظر كلهة وتتامل طلعة المهدي المكنون
ايا الغايب يمتة نشوفك ............... وراية الكمر بجفوفك
وناخذ ثارك ممن قصر ................ ياحسين
منقوله
[/size]
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد