دارمي كوم

حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..مع التقدير.
اخوكم رعد الاسدي
دارمي كوم

دارمي/ابوذية/موال/شعر/شعبي/قصائد/قصص/شعر فصيح/خواطر/ /نكات

انت الزائر رقم

ادعمونا في الفيسبوك

ساهم في نشرنا في الفيسبوك

المواضيع الأخيرة

»  دارمي اعجبني
الجمعة مارس 25, 2016 9:41 pm من طرف احمد جابر

» دارمي يموت
الأحد مارس 13, 2016 2:19 pm من طرف احمد اعناج

» ترحيب
الأربعاء يناير 20, 2016 4:16 am من طرف جاسم

» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة

» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي

» انه بدونك طفل
الإثنين مايو 25, 2015 7:02 am من طرف شاعرة الحنين

» ابتسم
الأحد مايو 17, 2015 4:11 am من طرف كاظم موسى قسام

» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام

» شجرة دارمي كوم
الأربعاء مايو 13, 2015 6:31 pm من طرف abbaslife1

» دارمي وقصته الحزينه..
الأربعاء مارس 04, 2015 11:10 am من طرف احمد اعناج

» عضو جديد
السبت ديسمبر 27, 2014 11:55 pm من طرف الكفاري

» صوت الظليمه ((كعده))
الأربعاء نوفمبر 26, 2014 8:13 pm من طرف خالد محمد مهدي الحجار

» رجوع السبايا (( أربعينيَّه))
الإثنين نوفمبر 24, 2014 1:19 pm من طرف خالد محمد مهدي الحجار

» مجلس لزيد الشهيد عليه السلام
الأحد نوفمبر 23, 2014 5:32 pm من طرف خالد محمد مهدي الحجار

» ردّينه ردّينه يبن أمي ردّينه
الأحد نوفمبر 23, 2014 1:32 pm من طرف خالد محمد مهدي الحجار

أفضل 10 أعضاء في هذا الأسبوع

أفضل 10 أعضاء في هذا الشهر

أفضل 10 أعضاء في هذا المنتدى

بلاد الزوار

free counters

اجمل ما قيل في الحب

اجمل ما قيل في الحب

    الأديب الكبير حسين قسام النجفي (2)

    شاطر

    كاظم الشيخ موسى قسام
    شخصية مهمة
    شخصية مهمة

    ذكر
    عدد الرسائل : 1896
    العمر : 69
    العمل/الترفيه : مستثمر
    المزاج : جيد
    الطاقة :
    60 / 10060 / 100

    الجنسية : عراقي
    تاريخ التسجيل : 01/04/2010

    الأديب الكبير حسين قسام النجفي (2)

    مُساهمة من طرف كاظم الشيخ موسى قسام في الأربعاء فبراير 08, 2012 11:30 am

    ثانياً : نصوص مختارة

    الشكوى والنقد المبطن :

    قولنا النقد المبطن لا يلغي ظاهرية النقد ووضوحه ولكن قولنا منصرف الى النقد الحاذق للسلطة الحاكمة عهدذاك ولرجالها القوامين على الناس من الإقطاعيين والمتجلببين بلبوس الدين والتجار الجشعين !! فهو اي الشاعر يخاطب ربه تارة ليشكو اليه ما آلت اليه امور الناس من السوء ويضرب مثلا على قوله حال حسين قسام نفسه !! ثم يفند مزاعم رموز ذلك العهد بانهم ادخلوا العراق عصر النور والتنوير يفند المزاعم الأبوية للسلطة وازلامها تفنيدا موجعا وهادئا في آن ولكن بشكل تراجيكومك فاقتضت الإشارة !! .
    وحگـ عزتك يربي استفلست آنه – مثل اكميل من گابل الحنانه
    وحگـ عزتك يربي امخربطة احوالي – وخاف وياي يبگَه الفگر للتالي
    لازگلي على اعباتي وعلى انعالي – ويضربني الوكت دانه باثر دانه
    وحگـ عزتك يربي ما بگالي حال – أثاث البيت كلها باعها الدلال
    عندي ابنات كلها ازغار عندي اطفال – كل اللي تشوفه امهلِّبه اردانه
    وحگـ عزتك يربي ما نبات ابلاش – وحوشي بعد ما يعتازله وحّاش
    مسجد صار بيتي ماكو بيه افراش - مابي صفر وتمزگَت حصرانه
    يعصر النور مو يزك بعد وياي – صرت مجنون وآنه ما بگالي راي
    اهم للشكر مدري لو اهم للچاي – وهذا گبل كلَّه ينگضي بعانه
    يعصر النور ماظل بعد عندي حال – ما غيرك المفتي وشده مني البال
    الله ايساعد المفلس وعنده اعيال – لو صار الغني ياناس جيرانه
    يعصر النور والخباز بي حاله - يخبطه للطحين انخاله واسحاله
    اتصيح اعلى الخبز ميديرلك باله – والمذهوب ما يرحم الجوعانه
    يعصر النور خليت الگلب ممرود – انخه ابصالح وانخه المشكر هود
    مامش عجم تلفي اتزورهم وهنود – والعُرْبي اليجينه انزوره مجانه
    يعصر النور يحچي العربي والكردي – من فُگري دمعتي تنـزل الخدي
    مگصودك ابيعن مسجد الهندي – وبفلوسه اگوم اوفي الديانه
    هم هاي ابكتب تاريخ مذكوره – عصر النور عنه منحجب نوره
    علينه الدهر كوَّر ظُلْمه وجوره – ولسهام النوايب صرت نيشانه
    گلي اشبعد منها وتخلص المده – من هذا العصر نخلص وهل شِدَّه
    بشرني الفكر يمته يذب جَرده – ويمته نجلي همّ الفگر واحزانه
    لتلوم الحچه وياي ما ينلام – حربك صار ويه احسين بن گسّام
    اريد وياك احچي وارد اشك الخام – نورك غاب چنّك صرت جنگانه
    الأبوذيــة :
    هلـه يلـي سليم الذات وابساط
    البيابي افراش إلك ياترف وبساط
    بيمينك لا تلـوع المـحب وابساط
    امفوَّض كلما سوِّيت بيه
    * * *
    *لجزر غثني وجرح گلبي والگطين
    السَّبْزي خـربط احوالـي والگطين
    مـده البصل مـاضگتـه والگطين
    الفجل والثـوم متعـيقل عليه
    * * *
    طحت مابيـن شلغمـها والخيار
    السفرجل ما يضر حالي والخيار
    بعمري ما كلت چمري والخـيار
    عسنك يلفـجل لاتلفـي ليه
    * * *
    زماني عذب احوالي وفرني
    سلگني بجدر ايامـه وفرني
    الحلاوة خصم صارت لي وفرني
    بشهر رمضان ما حصلت بديه
    الزهيـري :
    *عل هِزِل شديت غوجي والقوافي غنم
    وما شوف واحد سبقني من الرفاكَه غنم
    مكَلوب نظمي ولا جن بالصحيفة غنم
    لو شفـت هـذا وذاك بمنهجي فلاح
    ملاح بـارض الزراعه وبالبلم فلاح
    من قدرة الله اصبحت ياصاحبي فلاح
    للصوف بيدي ازرعت لاجن طلع لي غنم
    * شايف له شوفه تشيب الراس كل كالوش
    لا هي صحيحه ولا كَايل جذب كالوش
    جم شرك ذبيت ما بيهن صدت كالوش
    ومن بحر رمل السويج استخرجت قندره
    واحد طلع لي كَصير طويل لا قندره
    برجليه عركجين وبراسه جعب قندره
    وكَدَّرْنه ظهره طلع ميتين الف كالوش
    *واحد لكَيته عكس لجن بغير اشماغ
    وعيونه خمسه واصابيع اربعه واشماغ
    مفرع وعريان متحزم بنص اشماغ
    من ياعشيره وبلد جيتك يكَلي اعكَال
    واهلي بعيدين والبلدة اسمها اعكَال
    جا شنهو جيتك كَلتله كَال اريد اعكَال
    والرايد اعكَال كَتله ايكون عنده اشماغ
    الهوســة :
    *وين ابن الحلال اليلتفت ليه ضاعت لي مكنسه وچعب نفطيه
    حطيت النشد عند التنكجيه كَالولي ابـ(دلهي) تلاكَيها
    ذوله اربات عمشه وبالحرب بلوه وتشهد لعد صولتهم السعلوه
    أبوهم آدم وأمهم صدكَـ حوه يا ما فرگعـنه وصبينه
    مترهي الجزر كودن صفاره الوان يتفاخر غده ويشتم البيذنجان
    ولاية البيها يفتي البني والگطان والبايگـ بوگه ايحگونه (2 )

    ثالثاً : منعطـف حسـين قسـام

    الشيخ حسين قسام بن الشيخ عبود الخفاجي 1898 – 1960وفق التوريخ الميلادي و 1319 – 1373وفق التوريخ الهجري ( 3 ) ولد ونشأ وترعرع ومات في النجف الأشرف وقد عرف ابو ولدان بسدانة النبيين هود وصالح عليهما السلام وهما مدفونان في منطقة موحشة ونائية في مقبرة وادي السلام اكبر مقبرة في العالم وبعد فشل ثورة آذار 1991 وسقوط مدينة النجف الأشرف بيد الحرس الجمهوري الأسود والقوات البعثية الخاصة واستباحة المدينة لسبعة ايام بنهاراتها ولياليها !! امر صدام حسين بحرث القبور في مقبرة وادي السلام فبدأت البلدوزرات تنبش القبور وتسحنها وقد كانت بايدي الجيش قوائم بالمقابر الشهيرة لتفجيرها بالديناميت ورأيت بعيني هاتين تفجير قبر العلامة الدكتور مصطفى جواد وقبر أمير ولاية المحمرة الشيخ خزعل !! وازالت البلدوزرات جزءا من قبر النبيين هود وصالح وثمة خبر متواتر ان سيدنا آدم وسيدنا نوحا عليهما السلام مدفونان في مقبرة وادي السلام النجفية التي حرثتها بلدوزرات الحقد الطائفي القومي الشوفيني الفاشي !! فماذا عسى حسين قسام ان يقول لو نهض من قبره وشهد هذا المنظر العجيب بعينيه !! لم تكن سدانة النبيين هود وصالح لتسد حاجة عائلة حسين قسام الكبيرة ( تسع انفس ) وغائلة الغلاء الذي فاجأ الطبقة الفقيرة من الناس ضمن عقابيل الحرب العالمية المجنونة !! ومعظم الحفلات الفكاهية والتي يحضرها الصغير والكبير كما ان النساء يحرصن على حضورها من خلال السطوح والشبابيك ومن وراء الستور فقد كان حسين قسام النجفي نجم المدينة دون منازع وبخاصة الأفراح !! ولكن الحفلات العامة او الخاصة التي تقام له مجانية !! كان لا يأخذ عليها اجرا رغم حاجته الموجعة وتردي وضعه المعيشي والصحي ولكنه كبرياء الفرسان والمبدعين !! ولو اراد اجرا على حفلاته لغدا مليونيرا بحساب ذلك الزمان !! ويكفي انه صديق الملك غازي الذي كان لا يستغني عنه وبخاصة حين تشتد عليه الكآبة وصديق الملك فيصل الثاني ومرافقه الأقدم عبد الله المضايفي كان اول ما يفعلانه حين ينتجعان في القصر الملكي في الكوفة هو استقدام الشيخ حسين القسام ليقيم فترة اقامة الملك وكل العائلة المالكة تهش وتبش للشيخ قسام ذي الملامح الصارمة الكئيبة والروح الفكهة العجيبة !! وكذلك كانت للشيخ القسام الحضوة لدى وزير المالية الحاج محسن شلاش والدكتور فاضل الجمالي والسيد عطية السيد سلمان الزكَرتي العوادي والسيد عطية ابو كَلل والحاج صالح الجوهرچي والسيد علي الحبوبي والسيد علي المرعبي الصائغ والدكتور محمود صفوت و الوجيه السيد هاشم الشريفي الرادود وسواهم من اثرياء العراق وموسري النجف .

    وقد تزوج من سيدة نجفية فاضلة فانجبت له ثلاث بنات هن : حورية وفردوس وجنة وثلاثة بنين هم ولدان ومالك ورضوان !! والمبهج حقا ان يكتب حسين قسام سيرته في قصيدة طويلة ويسمي سيرته وفق الإصطلاح العلمي للسيرة وهي الترجمة !! وفي هذه الترجمة الوثيقة يؤرخ هذا العلم لزمنه متوقفا عند ادق التفاصيل !! فلم تفته مثلا العاب الأطفال والصبيان وقد شهدت بنفسي معظم الألعاب التي ذكرها القسام وكنت بسبب طول الزمن ومشقة العيش قد نسيتها كلا او جلا وهاهو القسام يذكرها وبقي على الباحثين في التراث الشعبي الجميل مساعدتي في وصف الألعاب التي ذكرها القسام في ترجمته ! زد على ذلك ان حسين القسام حين ترجم لنفسه لم يسلك طريق من سبقه او عاصره او لحقه في الترجمة فهو لم يصفِّ حساباته مع خصومه كما يفعل كتبة السيرة الذاتية غالبا !! ولم يرتدِ القسام لبوسا غير لبوسه ففي كلامه صدقية عالية وتواضع لا يقدر عليه سوى من اوتي نفسا كبيرة وثقة عالية بخطاه ورؤاه !!

    ترجمتي ابحياتي بالجره اعليه بايام الجهل اوله وتاليه

    ترجمتي ابحياتي بالسدة واجره والدتي تكَلي وتجذب الحسرة

    ييمه تدري لمن تطلع الكَمره تبجي اتكَول اريدن فرد كَمريه

    جنت تبجي وترفس رجلك اعلى الكَاع يكَلك والدك هل كَمر ما ينباع

    ما تسكت واجيبنلك قرص نعناع عمك يشتري من الشكرجيه

    لمن صارلك بالعمر خمس اسنين جنت يحسين انت اتحب البزازين

    تحصل افلوس تشري بيها قمر الدين ما تنطي اليطلب منك اشويه

    جنت يحسين تتعارك ويا الجهال تجيني امفشخ وانت بارده حال

    مره ياوليدي اتكَول اريد ازمال ومرة اتكَل لبوك اشريلي بعَّيه

    كل هذا الحجي تسولفلي بي امي تذكرني ابجهلي من جنت امي

    وعند الشيخ شغلني ابن عمي من اشرد يفلقني على رجليه

    عمري صار عشر اسنين جنت العب اسوي هزل للشبان تتعجب

    ما حسب بكل شي آكل واشرب متونس وما مش مصرف عليه

    آنه العبت ازيد من الف نوبه جنت العب ابحنجيله ولعب طوبه

    خصوص اللعبة هذي هواية مرغوبه والجهال تلعب بيها عصريه

    ابهل لعبات جنت اتونس اعليها لعبة كلكلي هم العبت بيها

    شجاخات وزوازات اشريها اذكر من اوزوز جنه جمعيه

    عكَدنه خابصه من جنت آنه ازغير جنت العب ابسنكاسير سير وسير

    رده للطفال اتكَول وين اتطير واليشرد ربح لو شافله ازويه

    بعد ازيد وامر للي يكمشونه كل اللي نلزمه انشدلك اعيونه

    بئيدة اربع اقماجي يضربونه فرد واحد كمشني وگرمع ايديه

    ربعي اثنين صادق ورزاق (4 ) كل لعبة لعبتها وبيه چنت اشتاق

    جيرب حاش ومحيبس وقاق وقاق وازيد لعبتي لعبة القمچيه

    اذكر يوم احنه للعكَد جينه والجهال كله التمت علينه

    من العبت صمينة الصمينة مفرع جنت مو لابس الچفيه

    ابن اثنعش لمن صرت هالدوره لبست اعگال ابيض بيه زاگوره

    اتعلمت الهزل وادرست كل طوره لبست القندره ولبست خاچيه

    وعرفتني الخلگـ بالهزل خاص وعام ونصبتلي المجالس مدة الأيام

    كلها اتگول جيبوا حسين بن گسام فني الهزل وآنه چنت راعيه

    انا ابعصر الشباب اللي جنت معلوم لا مقهور لا محتار لا مهموم

    لا حسب بعيشه ولا بحال اهدوم چان الوالد وكل هاي مگضيه

    ادري يمن تسمعني شتريد اتكول گضيت العمر كله ولا شفت محصول

    صرت مثل الشمع بالمثل يامدلول هوه احترگـ ولغيره يشع ضيه

    تشهد إلي الناس ابفني وتدري وحقيقة ها الوكت بيه انكَضه عمري

    فن الشعر واعلوم الهزل بحري يفاخرني شلون الشرب من ميه

    خل غيري بهذا البحث يتغاوه اليوم الگرعه وام الشعر تتساوه

    آني الچنت أوكل الغير بقلاوة وعلي اليوم متحرمه الراشيه

    أبويه الچان حافظني ولي رايح چنت بوجوده آني باللبن سابح

    مخليني ابخدمة هودن وصالح گبل چانت تجي الزوار يوميه

    گًلت آنه اشتغل بالمدرسه يحباب وليله من الليالي چان درسي احساب

    ادرس والمدرس گالي يشباب اشضايعلك ابهل مدرسه الأهليه ؟

    طردني وگال لي اطلع من الغرفه گتله طلعتي ياسيدي كلفه

    يگلي روح هذا الدرس متعرفه ولا آني ادرس بعد ليليه

    تركت المدرسه وظليت اسوي اشعار گمت انظم هزل واستعمل الما صار

    أگول البغل عنده اجناح مني طار بي تضحك الوادم من معانيه

    لمن مات ابويه عندي اخوة اثنين علي وامحمد وآنه اللي اسمي حسين

    ذاك اليوم عمري قبط اثلاثين جنت املك ابجيبي اهدعش ربيه

    عرفت اللي يحبني والذي يبغض تمام انشلع كَلبي وجفني ما غمض

    يوم افلوس عندي ويوم اتقرض ومن فن الهزل ما شفت ماليه

    كَالولي انريد انعرسك يحسين كَتلهم اجماله العرس فوكَـ الدين

    لو كَتولي عرسص امنين اجيب امنين وآنه جني فختايه لحيميه

    كَول الباري سهل هالأمر كله جابولي المرايه وصارت الدخله

    لا كنتور لا جربايه لا كله لحاف ودوشكَـ وصندوكَـ وثريه

    كَبه امبيضه وتسوه العينه كار بيها ساهرت ونظمت خوش اشعار

    لمن نمت املك لي ربع دينار وعّوني الصبح يردون صبحيه

    بيدي شلعت كَلبي وجبت هل ورطه اجيب التمن الكَي خالصه الحنطه

    ايهون الأمر لو يحجولي بالصنطه حيل اتصيح شو خلصت الكَونيه

    ثلث اسنين ظليت اعل هذا الحال لا بزاز لا كَصاب لا بكَال

    فوك الحمل تعلاوه اجوني اطفال اول ما أجت للدارحوريه

    كَلت هذي الرحمه وما اظل مأيوس وعكَب حوريه جنه صارت وفردوس

    وكل مصباح يردن مني تسع افلوس ويوم الماكو عندي إيلكَلكَن بيه

    شلت راسي الربي وكَلت يارحمن ثلث بنات ازرعتهن إلي ابفرد امجان

    جبرني الخالكَـ ب رضوانها وولدان لا جن بعد بس عايز الخرجيه

    عيالي اتمحنت بيها زغار اكبار وبهودن وصالح ما تجي زوار

    اظنه ركب صالح على الناكَه وطار شرد هود وبكَت كَبته مبنيه

    لمن شفت صالح راح عني وهود وبعد ما تجي الكَبتهم عجم وهنود

    بكَيت آنه اروح ما ارد اردود يس اعلكَـ ضوه وكت المغربيه

    عندي تسع تنفس صايره للآن وكَبه مهدمه بحوش وفرد ليوان

    .

    لو وقع بيدي اصعدت سابع سمة إبلا درج واركب بعيرة محزمة

    امحزمة وحزامها امقوّة وتنك بيها اريد اوصل وطيرن للفلك

    واقلب البرغوث والبرغش فلك خاطر اشتل فوقهن شجرة جمة

    وبالسمة السات ارد اسوي لي فعل اقلب الثيران تفاح وفجل

    ابميل اقلبهن امعصي ومنشجل واقلب القبطان ناقة معممة

    وبالسما الخامس اسوي لي اخبار اقلب الجاموس كله بيض فار

    وباذن ارنب اردن ازرع لك اخيار ومنه افصِّل قمر جُبْتَه امقلِّمة

    ........

    وشفت واحد بالسمه راكب بلم الدواية البير والقوغة القلم

    گاعد ايقيد بزازين العجم وكل العتاوي عليه متلملمة

    معذباته مدوخاته تصيح ماو هذا تفسير الحجي يردن ابلاو

    شي اصغار وشي اقصار وشي علاو وجوهها بجعب القدر متصخمة

    وشفت واحد طالع ابخشمة قرون لا حلق عنده ولا عنده عيون

    وشفت بقَّة تسحل الها ابفاركون اذنة عمية عينة طرشة امقرعة

    شفت شوفة موش فوق ولا حدر لا هي بطة ولا هو فيل ولا نسر

    لا جلج فوق السطوح ومنحدر طلع مركب خوص طاير من حلب

    وشفت واحد فوق راسه نخلة طوخ اربع اجناحات إله واربع اجروخ
    من تفوره ينگلب معجون خوخ ومن تنسفه منه يطلع لك شعب.

      الوقت/التاريخ الآن هو الأحد ديسمبر 04, 2016 3:44 am