دارمي كوم

حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..مع التقدير.
اخوكم رعد الاسدي
دارمي كوم

دارمي/ابوذية/موال/شعر/شعبي/قصائد/قصص/شعر فصيح/خواطر/ /نكات

انت الزائر رقم

ادعمونا في الفيسبوك

ساهم في نشرنا في الفيسبوك

المواضيع الأخيرة

»  دارمي اعجبني
الجمعة مارس 25, 2016 9:41 pm من طرف احمد جابر

» دارمي يموت
الأحد مارس 13, 2016 2:19 pm من طرف احمد اعناج

» ترحيب
الأربعاء يناير 20, 2016 4:16 am من طرف جاسم

» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة

» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي

» انه بدونك طفل
الإثنين مايو 25, 2015 7:02 am من طرف شاعرة الحنين

» ابتسم
الأحد مايو 17, 2015 4:11 am من طرف كاظم موسى قسام

» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام

» شجرة دارمي كوم
الأربعاء مايو 13, 2015 6:31 pm من طرف abbaslife1

» دارمي وقصته الحزينه..
الأربعاء مارس 04, 2015 11:10 am من طرف احمد اعناج

» عضو جديد
السبت ديسمبر 27, 2014 11:55 pm من طرف الكفاري

» صوت الظليمه ((كعده))
الأربعاء نوفمبر 26, 2014 8:13 pm من طرف خالد محمد مهدي الحجار

» رجوع السبايا (( أربعينيَّه))
الإثنين نوفمبر 24, 2014 1:19 pm من طرف خالد محمد مهدي الحجار

» مجلس لزيد الشهيد عليه السلام
الأحد نوفمبر 23, 2014 5:32 pm من طرف خالد محمد مهدي الحجار

» ردّينه ردّينه يبن أمي ردّينه
الأحد نوفمبر 23, 2014 1:32 pm من طرف خالد محمد مهدي الحجار

أفضل 10 أعضاء في هذا الأسبوع

أفضل 10 أعضاء في هذا الشهر

أفضل 10 أعضاء في هذا المنتدى

بلاد الزوار

free counters

اجمل ما قيل في الحب

اجمل ما قيل في الحب

    مجلس لسيدي ومولاي مسلم بن عقيل عليه السلام

    شاطر

    خالد محمد مهدي الحجار
    عضو مشارك
    عضو مشارك

    ذكر
    عدد الرسائل : 57
    العمر : 56
    الطاقة :
    0 / 1000 / 100

    الجنسية : عراقي
    تاريخ التسجيل : 22/10/2014

    مجلس لسيدي ومولاي مسلم بن عقيل عليه السلام

    مُساهمة من طرف خالد محمد مهدي الحجار في الخميس أكتوبر 30, 2014 1:04 am



    من الكوفه الرسايل للمدينه** اتحشم بالحسين اعتني علينه

    وعدها أتوفي لعهود ـــــ خط واضح المقصود

    *************************

    الكوفه كتبت لبو اليمه ** ياأبن خير البريــــــــه

    اقدم علينه وتلاكــــي ** مشرعه سيوف اعربيه

    ترفض الباطل واهله ** امناصره العدهم حميّــه

    هذا عهدنــــــــه والعزم

    والخانه موش من الزلم

    امرك نطيعــــــه ونلتزم ** وياك نتاحده المنيّـــــه

    ماخيب الظن وارسل سفيره

    باب الحاجه مسلم ابو الغيره

    متأمل أله ايعود ** خط واضح المقصود

    *****************

    وصل مسلم وبيقينه ** العاهدوا فد كلمه وحده

    تاخذايمينه وتبايع ** اتصير ويّه حسين جنده

    يوم واثنسين وثلاثه ** صلّه بالجامع ابوحده

    خانوا عهود اموثقه

    طاعوا امير الزندقه

    صعبه اعله مسلم لوبقه ** وناس صارت كلهه ضدّه

    مسلم صفه بغربه او بين عدوان

    ظل بالسجج حاير ماله عنوان

    ودرب الرجعه مسدود ** خط واضح المقصود

    ******************

    بالشوارع بقه ابروحه ** انسدت البيبان كلهه

    جنهه ماودّت رسايل ** وحنّت الناس الاصلهه

    من سنين ابعمه غدرت ** هذاللعتره وصلهه

    وحدّها طوعه اّوتــــــه

    وبحب علي ماي اطته

    نذرت عمرهااو حامته ** هاي طوعه وطبع اهلها

    ابمصباح الفجر غاره اعله غاره

    ومسلـم البـطل ثاـبت قـــــــراره

    ابروحه الوفي ايجود ** خط واضح المقصود

    ************

    بروحه هل المعركه احياهه ** لجل دين الله ورسوله

    عن يقين او عن درايـــــــه ** ورسم بيمينه البطوله

    ماثنه عزمه وتــــــــــعذّر ** وصف معناة الرجوله

    من أول خيوط الفجر

    بينّت نيّات الـــــّــغدر

    شتريد تلكه الهم عذر ** الباعو الدين وأصوله

    ينفي ابسيفه هجمه ابأثر هجمه

    سفير الرحمه منّك يبو اليمه

    ابد ماخان لعهود ** خط واضح المقصود
    ***********************

    اجتمعت الوادم الجتله ** وحفرت ابوسط الشوارع

    ومن سطوح الدور ترمي ** حجاره الجانت تبايـــع

    من قطام وغدر جعده ** ابينهم دين الله ضايـــــــع

    مسلم لبن عمه وفه

    نال الشهاده ابموقفه

    بالكوفه نوره منطفه ** صحنه شاهد صحنه واقع

    سفير حسين من نال الشهاده

    ابصبره واجه الموت ابسعاده

    مايحتاج لشهود ** خط واضح المقصود

    ******************


    (( مسلم بن عقيل الثقه السفير))

    ****--------------------------****

    مسلم كصد للكوفه والرايه بيمينه **جف أبو اليومه أبجفه عالموزمه أيعينه

    -------------------------------------

    واثق خطه بخطواته وبكل خطوه رحمه

    منهو السمع منكــــــم سفير أبجفه نعمـه

    وبمسجد الكوفه عليه الناس زحمــــــــه

    كالتله شاهد العهد الله ورسوله

    ------------------------------------

    أكصد يبو اليمه أعتني بعد الرساله

    الناس أظنها عالعهدبهاي المقاله

    لبن الزجيه من شرح حالته وحاله

    للكوفه يحسين اعتني من أرض المدينه

    ----------------------------------

    أيـــام مرت بالعدد وتغير الحــــــــــــــال

    مال الضمير من الطمع والخوف من مال

    أشباه جانت الزلـــم ماجانت رجـــــــــال

    صف واحاعله الباطل ومسلم تدينه

    --------------------------------------

    ظل وحده أبو طاهر ومطهر من يوتاليه

    كلها عليه صارت عده الجانت تراضيـه

    محَّد أله بالكوفه بس سيفه اليحاميــــــــه

    مسلم ثبت دينه أبصدق عزمه ويقينه

    -----------------------------------

    من فوك لسطوح أنرمه أو وسط الشوارع

    ياعجب هاي الناس للذلَّه تســــــــــــــارع

    ياهو الكدرله أبهمته للكل يصـــــــــــارع

    تاليه بالحفره وكع ومجتفينه

    ------------------------------------

    مجتوف ومخضَّب خذوه لأرض الاماره

    ومن أنرمت جثته صارتله منـــــــــــاره

    يلي تمر شوف القصـــــر أو شوف داره

    باب الحوايج صحنه وتحس بجنينه

    **********************************

    خل نعزيها الحميده

    *********
    جرن دمعات ابو اليمه **ݘتل مسلم زاد همه
    جابها يتيمته يمّه ------- خل نعزّيهاالحميده
    *****
    اگبلت خايفه وتبجي ** والدمع لحسين يشݘي
    نادنه ياعمي شحݘي ----- خل نعّزيها الحميده
    *****
    ياحميده الراح منّݘ **أيّسي وكطعي ظنّݘ
    خل يگابل ونّي ونّݘ --- خل نعزّيها الحميده
    *******
    حگها لوصاحت اريده **اتريد تغفه عله أيده
    رجعته صارت بعيده --- خل نعزّيها الحميده
    ******
    عله أفراكه شلون أگدر**افراڰ ابوي الگلبي فسّر
    اظل ببعاده اتصبّر ---- خل نعزّيها حميده
    ******
    دمعت الايتام تجرح **صبح نوح ومسه يذبح
    ظلمه هذا اليوم صبّح --- خل نعزّيها الحميده
    *******
    تعلم ويعلم گلبهـــــــا ** الزمن يغدر باليحبها
    باليتم شنهو ذنبها ---خل نعزّيها حميده
    ******
    صيحة اطفال ويتامه**ترف بجناح الحمامه
    دموع من بيت الامامه--- حل نعزّيها الحميده
    *****
    يبو الايتام عله بابـــك **ياعلي كلهم احبابك


    الصرخت الطف رد جوابك --- خل نعزّيها الحميده

    *******************************

      الوقت/التاريخ الآن هو السبت ديسمبر 03, 2016 11:38 pm