دارمي كوم

حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..مع التقدير.
اخوكم رعد الاسدي
دارمي كوم

دارمي/ابوذية/موال/شعر/شعبي/قصائد/قصص/شعر فصيح/خواطر/ /نكات

انت الزائر رقم

ادعمونا في الفيسبوك

ساهم في نشرنا في الفيسبوك

المواضيع الأخيرة

»  دارمي اعجبني
الجمعة مارس 25, 2016 9:41 pm من طرف احمد جابر

» دارمي يموت
الأحد مارس 13, 2016 2:19 pm من طرف احمد اعناج

» ترحيب
الأربعاء يناير 20, 2016 4:16 am من طرف جاسم

» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة

» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي

» انه بدونك طفل
الإثنين مايو 25, 2015 7:02 am من طرف شاعرة الحنين

» ابتسم
الأحد مايو 17, 2015 4:11 am من طرف كاظم موسى قسام

» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام

» شجرة دارمي كوم
الأربعاء مايو 13, 2015 6:31 pm من طرف abbaslife1

» دارمي وقصته الحزينه..
الأربعاء مارس 04, 2015 11:10 am من طرف احمد اعناج

» عضو جديد
السبت ديسمبر 27, 2014 11:55 pm من طرف الكفاري

» صوت الظليمه ((كعده))
الأربعاء نوفمبر 26, 2014 8:13 pm من طرف خالد محمد مهدي الحجار

» رجوع السبايا (( أربعينيَّه))
الإثنين نوفمبر 24, 2014 1:19 pm من طرف خالد محمد مهدي الحجار

» مجلس لزيد الشهيد عليه السلام
الأحد نوفمبر 23, 2014 5:32 pm من طرف خالد محمد مهدي الحجار

» ردّينه ردّينه يبن أمي ردّينه
الأحد نوفمبر 23, 2014 1:32 pm من طرف خالد محمد مهدي الحجار

أفضل 10 أعضاء في هذا الأسبوع

أفضل 10 أعضاء في هذا الشهر

أفضل 10 أعضاء في هذا المنتدى

بلاد الزوار

free counters

اجمل ما قيل في الحب

اجمل ما قيل في الحب

    جميع القصائد اخواني واخواتي بالمنتدى المتميز ونقلها عنهم بموضوع مختصر تحياتي

    شاطر

    الحنووووون
    عضو جديد
    عضو جديد

    ذكر
    عدد الرسائل : 5
    العمر : 28
    الطاقة :
    0 / 1000 / 100

    الجنسية : عراقي
    تاريخ التسجيل : 01/10/2010

    جميع القصائد اخواني واخواتي بالمنتدى المتميز ونقلها عنهم بموضوع مختصر تحياتي

    مُساهمة من طرف الحنووووون في السبت أكتوبر 02, 2010 5:37 pm

    من رخصه المشرفين واخواني المشتركين خطر ابالي فكره للمشتركين الذين يبحثون عن الشعر العراقي فاني كنت احدهم فنقول اني مررت بالتجربه هيه لفائده المنتدى ولفائده المشتركين فحبيت ان اجمع من المنتدى ازيد القصائد والابوذيات وانشرهن بموضوع واحد لتسهيل عله من يبحث عن الشعر ونسخها والستفاده منها ونشرها فارجو الموافقه عليها واعتذر منكم اخواني واخواتي


    اذا تلوح النجم اكَرب الك يهواي
    وكَلبي لا تجيله وتوصل الحدة
    يالجفك ذبح كَلبي ودفنته أبليل
    تريد بكل جسارة الميت اتكَعدة
    لا تفتح جرح بالكَوة خيطناه
    لو ينزف بعد متكَلي شيظمدة لو حسبت جرح صدكَني هم تهون
    جم طعنة غدر بحشاي متوسدة
    الشاعر من تجرحه ابياتة ينزفها
    جرح منك نزف ديوان وتعده
    ضنيتك مطر واترجة منك فيض
    ما ادري برصاص أغيومك أمرعدة
    لجلك حاربت أهلي وجميع الناس
    وسيفك للأسف بضلوعي وتحده
    بابك منفتح للرايح وللجاي
    وانته بكل صلافة بوجهي وتسده
    يالحبك رمل ودموعي ضاعن بيه وبحرك من جمر نيرانه مشتدة
    لتحاول تجي انته البديت بهاي ماي الينجفي متكَلي شيردة
    ماريدك بعد خلي الكَلب يرتاح
    مليت العشَك والروحة والردة
    مليت العشَك والروحة والردة

    ++++++++++++++++++++++++++++++++++++
    سفينة بيهه ظلت ذكريات الماي
    على كل شبر منهه ظل اثر لمسة
    بخام شراعها آثار لمخالب ريح
    حاول يمشي ضدهه ماكدر شرسة
    ذبهه الروج كوة يم جرف مهجور
    وهي كبلة بمواني مارضت ترسة
    كلة تريدهه... الرمل كل للروج
    لا كلة انته اخذهه هاك اخذ هسه
    جان الماي يقسة من تهب بي ريح
    هسه الرمل بيهه لاي سبب يقسة
    تمربيهه السفن والخشب مابي عين
    والمايبجي دمعــــه ينكطع نفسه
    تسمعهن يضحكن روجهن بي صوت
    واهي تسكت مسلمة للرمل خرسة
    لان يمهه الجرف فالماي ماتنساه
    الروج يلوحهه وبروحهه تحسه
    واتفز حتى تحلم رايحتلة بشوك
    تعبر علرمل وانقاظها تمسة
    ويتعبهه المشي وتنتجي عللمجذاف
    وبخصر الرمل مجذافهه تغرسة
    وتوصل للبحريترس حظنهه الماي
    اتوشلة احلامهه وجروحهه اترسة
    وتفز من حلمهه والرمل مافـــــــاز
    ابد مامشت خطوة والوضع نفسه
    نسى كلشي البحر واوجد بديل الراح
    واهي عرفت لذلك قررت تنسه

    ++++++++++++++++++++++++++++++++++++
    انتهت أجمل علاقة أبلا وداع
    جنها ما صارت ولا حبينه..
    ذابت أحلام الصبا مثل الشموع
    ونهدم جرفه ويبس شاطينه..
    جان ظني العشرة صعبة وماتهون
    واليحب يفدي اليحب ضي عينه..
    أقرة بعيونج غزل وأحلى كلام
    جان كَلبي لوعطش تروينه..
    كَلتي أني وياك يكفينه القليل
    وبيت مبني من كَصب يكفينه..
    ولوبردنة أبليل لو ساعة نهار
    كَلتي حبك نار ويدفينه..
    لسة بخدودج اثر بوسة غرام
    جنة بالملكَة نذوب اثنينه..
    بعتي ذيج احلامنة وتعب السنين
    جنها ما جانت علاقة ابينه!!
    أنتي صح أبعيني جنتي أحلى البنات
    وجنت أقدم كَلبي لو تردينه..
    ثاريمخدوع اطلعت بيج وهويت
    قطرة من دمعي فلا تسوينة..
    أنتي طير وتايه أبنص الضباب
    تالي يوكَع يسحل ابجنحينه..
    ++++++++++++++++++++++++++++++++++++

    ادمنت السهر والدمعه بالعين
    واني ادري السهر للعين مو زين
    بنارك احترك بس عاشك النار
    هيجي اتخلص ايام المحبين؟
    تدوركم صفنتي وابقى محتار
    يمته احظى بوجهكم يل بعيدين
    رماد سنين عمري وبختك الريح
    كافي اتهب علي واطشر سنين
    اكو واحد يصب ادموعه من ماي
    واكو واحد يصب ادموعه من طين
    بنه تمثال دمعي اتطوفه عشاك
    وخذوا مراد من عنده المساكين
    شكد شايف جروح بعالم اشكال
    مثل جرحي ابد ماشايف اثنين
    جرحي يريدك انته وكلشي ميريد
    وهم سامع جرح محتاج سجين؟؟
    وهم زين انه شايل عندي تذكار
    لو ما صورتك جا متت همزين
    ابوس بصورتك وتدير الخدود
    حتى بصورتك وتكلي بعدين؟
    ++++++++++++++++++++++++++++++++++++

    شفتني شلون مــــن اشتاك واشتاك
    الفرح عالجاي والــــــــــــــــرايح اوزعه
    واطش سنين عمري اعله المسافات
    وامــــــــــــل بعيون عاشكتك ازرعــــــــه
    اسدعيني اعلــــه طيفك واقفل الباب
    فص العين مــــــــــــن تطلـــــــــع تشلعه
    يالطيوفك اخوتي وكلهم اعــــــــزاز
    اليموت بياكلب لــــــــــــــــــومات اشيعه
    الك بيه حنين يرجـــــــــــــــع المات
    عــــــــــــــــــــدل جاليش طيفك مايرجعه
    اجامل طيف غيـــــرك من يمر يوم
    واسولف عالجفــــــــــــــــــن خاطر اقنعه
    يسد بابه الجفن ومبينه زعــــــلان
    بوجه كـــــــــــــــــــل طيف مايقبل يرفعه
    ابجي بلادمع من يوم الفـــــــــــــراك
    خايف مــــــــــــــــــــــن ترد ماالكه دمعه

    ++++++++++++++++++++++++++++++++++++
    سولف گول الك واهس تضل اوياي ؟؟؟
    واذا ما الك واهس گول لاتخجل
    ما اقبل احبك وانت مامرتاح
    وما ارتاح احبك وانت ماتقبل
    اذا متشدني بيك وبيه اشدك حيل
    انحل بسهوله منك وتنحل
    بكيفك من اجيت وما جبرتك يوم
    وماجبرك بكيفك لو ردت ترحل
    فكر باليهمك والمهم شتريد ؟؟؟
    انه كل اليهمني المهم لاتزعل
    ما مليت منك اگدر ابقه اوياك
    بس المشكله خاف اني راح انمل ؟
    ميهمني الدرب صار امشي بيه اسنين
    ما اندل گبل بس هسه گمت اندل
    وماگولن خساره الراح مني وياك
    وي كلمن تحبه الروح ماتبخل
    روحي الحبتك تتحمل بلياك
    وماينقص صبرهه بغيبتك يكمل
    مجنونه نعم بس تدري روحي شلون
    تنجن بالعشگ وبلا عشگ تعقل؟؟؟
    حبيتك صدگ والوكت چذبه اهواي
    وبمعركة الدغش انه انزلت اعزل
    وتعرفني ولو عندك شكوك اهواي
    وادريلك شكوكك چان عندك حل
    من شفتك سنابل روحي اجت ترويك
    ماي ولا تظن تصيرلك منجلــــــــــ

    ++++++++++++++++++++++++++++++++++++
    احبّنك دگلي شلون انساك؟
    واذا انساك گلي شلون اگدر
    لا اگدر احبك لا اظل وياك
    واذا ظليت ما نرسى على بر
    دگلي شلون اعوفك جاوب ارجوك
    لا تسكت وناري بگلبي تسعر
    اشوف الناس تسكر لو تمس الكاس
    وانا بلمسة ايدك روحي تسكر
    كضيت احلى العمر يا خلي وياك
    ولو ترضى جنت لعيونك انذر
    تعال الكلب متيّتم بلياك
    دشوفة شحالة من فركاك يكفر
    اريدك ما اريد الغير يحجون
    يكولون اليحبها دار وافتر
    اريدنّك تحبني بكثر ما ريد
    وياريتك تحبني شوية اكثر
    بحر عينك اضيع بموجة واحتار
    وهمس شفتك موسيقى وبيها نشعر
    صدك تنسى الحجي واحلاها الايام
    وصدك عندك احبك حجي مسطّر
    خلّصت الحروف وياك آهات
    وما بقّيت بس حروف من جر
    عليمن ومن شنو وليش انا وياك
    جنة وانت نار تريد تسعر
    راح انساك احاول وانسى الايام
    ولتظن انا راجع وراح اصبر
    جنت من اشوف عيونك ارتاح
    هسة انا من اشوفك راسي يفتر
    اكولن هم صدك حباني فد يوم
    لو شمسة جنت وبشوفي يحتر
    دجاوب لا تظل ساكت اريد اليوم
    جوابك آخذة لو حتى انضّر
    مو انا الجنت اغتر على الناس
    صرت بيك انا يم الناس انغر
    صدكني من اعوفك اشكال والوان
    بغرامي تطيح لو بس صبعي اشّر
    لتظن حايرة لو غبت فد يوم
    اذا انت الذهب غيرك من الدّر
    ما حبك بعد كافي ولحد هنا
    (اكول انا عليك (الـــلـــــــه اكبر


    ++++++++++++++++++++++++++++++++++++
    أبـــــــدي بذكرياتي وياك أعيد الراح,,,,, وأعد أذنــــــــوبك الوياي ماتنعد
    ياأسود كلب ردت انة اغير البيك,,,,,,, وتتغيــر أشلون ودمك انت اسود
    حبيتك نعم واعترف كلبي أنطاك,,,,,,, بس أشكـــد غشيم الكلب ماوجـــد
    فاجأني الزمان وكشف زيف البيك,,,, وبلحظـــــات احس احلامي تتبدد
    تعاملني أعلة روحي وجنت اكلك شيل,,,أخذ روحي بعتلك مابعت لاحـد
    أخذ عيني بثكلها وبيت الك سويت,,,,, أخذ ضلعي مخدة اعليه تتــــــــوسد
    ولاتبجي اعلة خدك أنة اخاف عليك,,, راح انطيك جاهز دمعة وي الخـــــد
    بعد شتريد اسوي وانة الك ممنون,,, لاتحجل ولامـــــــن عندي تتــــــــــردد
    تذكر لو اذكرك بعد شنهو الصار,,, وانة النار بية وجذب ماتبـــــــــــــرد
    أغض النظر عنك مااكلك ليش,,,, عمت عينج يروحــــي بالصبر هاكـــــد
    يل خاين ضميرك من يسعفك يوم,,,ياخلة ضميـــــــــــر الماظن تنســــــــــد
    تبـــــــا للبشر لومثلك يصيرون,,, ولو متـــــــــــــــاكد اني مثلك انت اشكد
    خســـــرت اهواي منك والربحت اجروح,,, جرح لايلتئم لايرضة يتضمد
    انة انطيتك العندي وماعرفت البيك,,, يل مجهولة روحك وانة بيك اشهد
    نـــــــــدري احنة اليموت ومنة تصعد روح,,,بس انتة الوحيــــــد الروحة ماتصعد
    ++++++++++++++++++++++++++++++++++++

    يــا عمـر الفراشة الــ بربعينة أيـضيع ..مجبـور العمـر ويـاك ضيعته
    گلبــي اعله العشـگ مـا رهـم بـي مفتـاح..مفتـاحك عليـه اشلـون رهمتـه
    شعــرة الـ بـالعقـل عتيتهـا امـن أسنيــن ..الـ چـانت للعقـل .. ويـاك لازمتـه
    معـذور الــ يحبـك لـو كفـر بهـواك ..او لـو حبـك نبـي .. هــم چـان كفـرتـه
    بلبـل عـــ الغصـن ﮒلبـي وشمرتـه أحجـار ومكسـور الجنــح للــ الگــاع طيحتــه
    خليتـه ابــ قفص و اتعـرفـه يـاكـل تيـن جــاع وخبـز يـابس .گمـت وكلتـه
    و اتعلـم عليـك و گـام مـن يطيـر ..يـرجـع للـقفص ملهـوف علمتـه
    ومـن عاشـرت ذيب وگـالك جـوعـان ..وجبـه البلبـل المسكيـن قدمتــه
    ورحـت اتصيـد ثانـي بكـل وكاحـة عيـن والأول بالقفـص منصوبـة فاتحتـه
    كفيـت العتب مـا عاتبـك عــ الصـار و شيفــيد النفخ بالنـار حـارگتـه ؟!
    يـا حلـم الطفـولة الصـرخ بـذنـه الشــوگ عــاف اهـل الـوفه او صـدگك مـن صحته
    حـب ربـاني أحبـك مكتـفي الغــايـات ..وشيطـاني دعانـي ومـا رحـت شفتـه
    يـا اول نهــر . يحتــرك بــ التاريــخ ..طلعـت ريحتـه ومـا يـوم چـذبتـه
    وأنت أول ضميـر ابــ نص مـزاد انبـاع ..وأول حلـگ يـاكل لحـم خـاصرته
    سامحتـك رغـم كـل الصفـات الــ بيــك يــا أول ( شمـر ) بــالكون سامحتــه

    ++++++++++++++++++++++++++++++++++++

    على اجروحك ... غفيت ابليل الهموم ... وتلگاك الصبح بالهم يوعيك
    اذا راد الفرح . يتسامر وياك ... يلم حزن الوكت ... كلة ويبجيـــك
    تعلم بيك وكتك ... يزرع احـــزان ... وگبل وردك يحصدك ما يخليك
    عماك وخلة عينك متر متشوف . وتظم روحك ... اذا صاحب يلاگيك
    يرد بيك التعب وافراشك الگاع ... ويگص بيك ... البرد محد يغطيك
    على اجروحك مشت كل السجاجين ... تگص منك لحم واعظام ترميك
    فقير ودمعتك مو مثل الدموع . ولا من تبجي .... دمعاتك تسليك
    الفقر مو عيب لكن يشده البال . ويخلي الناس ... بأسمك ما تسميك
    نعم ترتاح اذا تاجر وشبعااااااان ونعم يكتل... اذا جوعك يوازيك
    غناة النفس اعظم من غنى المال وضل نفســـــــــــــك ابية وكلشي يرضيــــــــــك
    ماكو انسان يكتب رزق لأنسان اذا رب العرش ما راد ينطيك
    ولو دنياك عگرب مالهة إعيون تكتلك وبذنب غيرك تداعيك
    انصحك لا تطخ راسك للايام ولا ايدك تمدهة إشما قست بيك
    ولا إيـــــــــــــدك تمدهة اشمــــــــا قست بيـــــــــك
    ++++++++++++++++++++++++++++++++++++

    ما اروف اجروح مدمن علجروح
    ومن تهيد اجروحي اذرله ملح
    ومااسامح بعد ماريد السماح
    ولاتظن جفي امدنه ابصلح
    اني ادري اليل مجمن الهموم
    شماتطول الظلمه يكشفه الصبح
    اتريد ابجلك عمر فوك الخدود
    اوانه حتى الدمع بعيوني وكح
    موش عشره اوياك ماريدك حبيب
    واعله جيتك انه افرفح منذبح
    صح حلو بلعين واتسر الانظار
    ومشتهيك ابروحي لاكن ماتصح
    يلتعبت اعليك من عودك رهيف
    اشلون تعبت علورد ايد الفلح
    انت ماضي وحاضر وكل الي جاي
    ولااظن تلكه مثل كلبي سمح
    طعنتك عذبه احسه بلدليل
    ورد اشوفك غمك نيشان الرمح
    يلمحبتك خرسه ماناغتني يوم
    يمته تحجني وعرفه المنمسح
    تبخل ابضجكت بطر علي هواك
    وانه اسولف بيك اكللهم مرح
    مامش ابكلبك جذب ذرة حنان
    واني وصط الروح بانيلك صرح
    روح بس خليلي عاد الذكريات
    وما اردله لو يكلولي نكلب كله فرح

    ++++++++++++++++++++++++++++++++++++

    وليش خلينه الدمع ينزل رخيص ؟
    وليش كل لحظة جرح نكتب شعر
    وليش ذبينه الفرح والهم جبير
    وليش رغم اخطائنه نحب نستمر
    ليش مذبوح الوفه بلحظة خداع
    وليش مات الشوك والحب يحتضر
    وليش خلينه المشاعر بس كلام
    وبالعتاب شفافنه شكد تعتذر
    اه منك يازماني تغيريت
    وجسرطبعك صاير وماتنكدر
    المشه بصفك خذيته ومدري وين
    والرفض يمشي انوله من كل كتر
    والغدر ناسه رفعته عللجتاف
    وصاحب الصاحب كضه سنينه عسر
    اه يادنيه صدك مابيج امان
    وفرق بين اليوم وايام وايم الزغر
    جانت كلوب البشر تنصع بياض
    هسه لون كلوبهم ماينحزر
    ممكن بلحظة يجيك بكل هدوء
    وممكن بلحظات يتحول نمر
    وانه محتار ويروحي بهالزمان
    ساعه اشد روحي مثل شد الحديد
    وساعه الين الروح حد ماتنعصر
    وساعه احس روحي على هدومي غريب
    وخلص صبري ومابعد بيه صبر
    وساعه اذب دمعي وانه كبال
    وبيني بين الموت ساعتهه شبر

    ++++++++++++++++++++++++++++++++++++
    گلش بـــــــ أتصالك واضح الصوت
    بس مو واضحة گلش .. نبرتك
    فرق گلش چبير .. ابين الاثنين
    احرورة دمعي .. وبرودة ضحكتك ..
    صوچك علمتني افتهمك بساع
    تسكت .. وافتهم گلشي بنظرتك
    امّسح جفن عينك من الدموع
    گبل لا تخنك بصدرك عبرتك
    فهمتك .. وانا گلبي يعجبك بهاي
    صوتك يوصله .. حتى بسگتتك
    ولا تعتذر.. عذرك عندي مقبول
    خلها مساتره .. وهيچي افتهمتك
    بعد لازم وراي .. ارجع للاحلام
    ارّد امسح صور بيهن رسمتك
    اجيت ابالي مرة .. وصدگت جاي
    بچيت.. وشبگت مسودن شبگتك
    شبعد عندك حجي وشرايد تكول ..!؟
    تريد تعوفني ..! وصلت فكرتك ..
    حبيبي ادلل .. ادري تريدني انساك ..
    عفوا ..... قصدي تدلل حضرتك
    مدري شجابني .. وگلت اتصل بيك ..
    اچه الليل.. وجنت وحدي .. وذكرتك ..
    عّرفتك من ردت تحجيلي موضوع
    حجيته.. وغُمضت حروفك حسرتك
    وعرفتك من حجيت بطاري الوداع
    عرفتك.. يمكن اتطول سفرتك ..
    قفلت احلامي.. والخط بعده مفتوح
    وكلتلي وياي ...أي ... گتلك سمعتك ..
    ردتني اوصف وگتها احساسي وياك
    وردت تعرف الحصلته بعشرتك ..
    وبچيت .. وگتلك انت اتخيل تكون
    ابنص المعركة ... وتعثر مهرتك
    على كل الخلص من عمري ندمان ..
    وعلى كل الـــي وصل منك .. شكرتك
    واهي حيرة .. من اودعك ارجع منين
    والمن جايك... والمن تركتك
    امن ارد للشمس هسه .. بعيني ما اشوف
    يا ليل .. انسيتها بگد ما سهرتك
    يالحالفلي بس ما تارك اشهود ..
    بس افراشك .. وحايط غرفتك
    انعم الله اعليك گتلي ... وانه ممنون
    منك على الوفه الشفته بعشرتك
    وبعد ما تفرق .. انت تعود ... لو لا
    على كل حال خسرتك ..

    ++++++++++++++++++++++++++++++++++++
    كل عقلك فرح تلكه بحلك بي ناي
    من تلمح عيوني رح تلكه الرد
    اشترجه من المكابر غير طاري الموت
    ومابيها المشانق غير حل وشد
    صدكت ألحجي وأملت ببك أحلام
    لكن مالكيتك لمن صارت جد
    آنه رتك تجيني بوكت بي شمات
    جنت اسمع حجيهم من امر يشتد
    إلى إن أيسو منك ذروني ارتاح
    لكو غيرك وغيري والحديث انسد
    تجي هسه شبعد قصرت لو ماجاي
    وين ألكه الشماتة حته أكلهم رد
    إلك يد بحياتي اعترف ما ناسيك
    بس انته مماتي هم إلك بي يد
    انه رتك تجي ألساف الوكع تبنيه
    هسه ألساف خله بس أساسه أنهد
    حجر عثرة الجرح حطيته كبل الروح
    ومأمن بجيتك راح بي تصطد
    ولو حد بالبداية إلك ماخليت
    بس حاولت تالي ردت احطلك حد
    أتريد أشفاف تفرح آنه شرد انطيك
    أريد افرح ولكن مستحي من الخد
    غرك خدي دمع وشلت بيه مفاد
    أتصور فوك جفني رد أحط سد
    جنت اسكت كبل لو هدتني أتروح
    أخاف أتروح مني عن زعلتي ارتد
    هسه أنت رحت وانه أخاف منين
    آنه أتناسيت كلشي واعتبرتك ند
    شغير بيك كلبك مستحيل أتصير
    هو اللون الأسود يبقه لون اسود
    كل ما جايني جاي اقتنع وأنساك
    وبكل أمنياتي جاي احس ازهد
    اله أسباب الزعل مو عن فراغ يصير
    ماصار الجزر لو ما يصير المد
    نفسهن ما جبت فدشي جديد وياك
    يا جرح الاشوفه عندي منه شكـــد
    وعى بيك الورد شافك شتلت إسهام
    نايم سوه روحه حتى ما يشهد
    واسأل جفن عيني حته أدينك بي
    على لا يحجنته بيها جنت أرمد
    أشيل اضماد جرحي تريد لا مو هيج
    أنت أسألني الأول آنه جرح انشد
    يستشري الحزن واستأصله كل يوم
    إلى إن اخبروني إن حزنك قد
    وصل حاله منك صعب بنشال
    جروحك بيه امجلبه جذره بيها امتد
    كظه وكته مثل ما خلص وكتي بيوم
    وين أتريد أحطك باب كلبي انسد
    رذاذ على الورد صح نده لو طاح
    يتغير أوصافه مو نده ينعد
    بس أيجوز إذا حر الشمس يجوي
    يتبخر يجوز وللورد يصعد
    على ما أشوف دمي ينكطع لو لا
    من حرة أصوابي تنطفي وتبرد
    زين انته بقى صوتي وراي وياك
    آنه من رحت عني ما بقالي احد
    مو جرة مكص بس ما كسر جفين
    جا بصمات ضلت لو فعلت يد
    فرق يوسف بريء اتضح من تهموه
    تقنعني قميصك من دبر ينقد
    يوسف من لبس جان القميص اكدار
    بس انته قميصك بي صغر ماقد
    أريد اقضي بجريمة مابيها شهود
    بس كلمة أنساني والزعل والصد
    عندي المشكلة بين الجرح والسيف
    سيفك جرحي كلي ياهو منهم هد
    ولو هذا انه كل ما أوصل أنطي إحكام
    أكول الجلسة هسه تترفع للغد

    ++++++++++++++++++++++++++++++
    على شفاف الجرح طعم الخسارة ايطيح
    يدري بطعمه مر ويشتهي مجبور
    بي خيرته ماخيرته بيـــــــن اثنين
    مااسمح بغيره وماعدا محضور
    ردته يموت جرحي وخاطرة مجبور
    حي ماردته يبقى وخاطرة مكسور
    ينزف ذكرياتك ضال احتـــــــــــــــار
    انتــــه اتدوربية لوالدم اتدور
    لان حافر بخدي للدموع كبــــــــــور
    من امسح دموعي جنت اهدم كبور
    تعرفهه القصيدة الالي من الدخــان
    رمــــــاد يطير منهه لاتظن طيور
    من يدري القلم كاتبهه الك يغتاض
    ويشكك صورك والقوافي اتثور
    مملكتك بروحي انقاظ ظلت ليش؟؟
    مالك اثر بيهه بس بقايا قصور
    لاعرشك لكيتة لااثـــــــــــر للتاج
    لاظلت رعية لاحـــرس عالسور
    انه دورتك ورديـــــــــت مالاكيك
    رد جيش امنياتي منسحب مكسور
    وانه خايف لان عد ذكرياتك سيف
    انه بس جرح شايل من خفت معذور
    حتى أبياتي احس صارت مشانق ليش؟
    على ركبة خيالي المفردات أتدور
    بارض اوراقي اكو معتقل مابي باب
    بي مقصلة لشعري وبي كبر محفور
    على كل سطر ملتف سلك شائك حاد
    خاف الكه القصيدة ذابحتهه سطور
    تدري شكمت اسوي حتى اوصف بيك؟
    كمت اترك المطلع على اوراقي شهور
    اذب جرحي طعم حتى الصور تلكاه
    اذا حسن خيالي بي جرح منثور
    واتناساه جذب بس انه بالي وياه
    ويلتمن واكضهن واكتشفهن زور
    اردقلمي مثل كلكامش من يعود
    من فكرة بخيالي عابرلهه بحور
    وتلاكي نوارس ذكرياتك بيض
    بس من يوصلنله يكتشفهه صكور
    صح شارد فكر بس عن حذر مو خوف
    لان مملحة ضعفي علجروحي تجور
    انه شفتك بعت ماطاح بذني السوم
    لوعالسمع سهلة علسمع مكدور
    اذل روحي نعم بس موالك للزين
    انه يم الشماته بالعكس مغرور
    اضم جرحي بقبو حتى الضوة يعميه
    شني من جرح عندي ينعمي بالنور ؟؟
    من تحطني بجمر شتريد ثلجي يذوب؟؟
    خل تبرد جروحي وانجمد مشكور
    صح ابرد اذا بعيوني دمعة اتطيح
    بس اكتشف بيهه شاعريتي تفور
    ++++++++++++++++++
    كون تشوف

    عفت كلشي ...وجبت كلشي
    ومدري شلون اجيت امشي ..
    اجيتك ردت اگلك شوف ...
    ردنه نعوف كلشي وماگدرنه نعوف
    كون اتشوف حالي اشگد الك ملهوف ؟..
    ******
    جبت كلشي اليسولف بيك
    خيالي وصحوتي وطيوف
    جبت دگات گلبي الگطعن گلبي بجفاك اسيوف
    جبت صفنات روحي
    السودنت روحي .....
    مثل جن بمسيه وعل يتيمه يحوف
    كون اتشوف .....
    بشفافي الحزن ماخله بسمه تعيش
    وكلمن كمت ابوسه بخده اطبع اوف
    كون اتشوف .....
    دموع الجدم مايدري وين يروح
    والخطوات عميه
    وتايه بلاشوف
    كون اتشوف ....
    ..خلصت الوجوه وشفت كل الناس
    كلها وجوه غربه ولا وجه معروف
    وين الگاك يلموصوف
    اليه أنه والك موصوف ؟...
    يلفرگاك غربه وكلشي مامألوف ...
    انه بلياك مدري شبيه مابيه ..
    زلف وبلايه ترچيه ...
    درب مابيه كل جيه...
    نهر فاض وتبع ميه
    رجع بس مالگاله اجروف
    كون اتشوف....
    روحي شخله بيها الخوف
    مطلوبه نذر وتخاف ...
    ماتوصل حضرتك
    من بعيـــــــــــــد طوف
    كون اتشوف....
    روحي شخله بيها الخوف
    مثل دمع العروس الجايه اعله اجناب
    ويصبر عليهه
    وجابها الزافوف
    وشوف اشخله بي الخوف
    مثل حلت مدارس
    روحي احسها اطفال
    حلت وتركتني ...
    وباقي بس صفوف
    ويا وحشة صفوفي ومن يجيني الليل
    ويالون الوجه
    بعدك الضل مخطوف
    ويا قسوة ضنوني الماتريد ارتاح
    وانه الصاير اسير
    وبيدهن مجتوف
    كون الگاك واشكيلك
    على جروحي الگيت
    الغشمه بيها تروف
    وكون الگاك وابجيلك واسوي خدودي سبوره
    ودمعتي حروف
    وكون الگاك واحجيلك
    بكتاب السنين انحذف كلشي الچان
    بس اسمك لگيته الباقي مامحذوف
    واذكرك من مسحت دموعي
    باخر يوم على خدودي
    احس لهسه طبع اجفوف
    وكون اتشوف....
    اعيوني مضيف تصير وكت النوم
    وهلبت بلحلم لنك
    تجينه ضيوف
    كون اتشوف حالي

    +++++++++++++++++++++++++
    خذني يمك .. بعد ماضل كل عذر لاتعتذر
    ليل عمري وعمرك مخلص بعد مابي صبر
    خل نلم احلامنه ونحفض صورهن
    كبل لاياخذهن بدربه الفجر
    وخل نلم الباقيات سنينني وسنينك نسويهن عمر
    وهنه ميكفن عمر.......
    ونبدي من جده وجديد بواهس سنين الزغر
    ولو وازانه الكبر
    خلي تمشي ايامنه بخطوة العاقل
    من عثر مره ورجع يمشي حذر
    وخل نعيش الحب ستر
    خل نضم ارواحنه ابيناتنه ويه اسرارنه ولاننشهر
    وافتخر بيه ويه روحك وانه وي روحي اضل بيك افتخر
    خل نسوي العشره ورقه ونصنصنع من الدمعه والضحكه حبر....
    حته كل لحضه التمر بالجاي نكتبها شعر
    وخل نكول الماضي غلطه وذنب يتسجل ذنب من ينذكر
    حبني لتضل تعتذر
    حبني واجبرني اعله حبك
    الروح ماتعشك لون ما تنجبر
    السيف ماينهاب لوما كو الطبر
    واعترف راح اعترفلك
    واحنه شو نفس الامر
    ثنينه انبكنه حدر شمس الظهر
    ثنينه انبعنه بسعر جوه السعر
    ثنينه السجين تانتنه نذر
    ثنينه توهمنه بالحب ننتصر
    ثنينه انعاني الغدر
    واعترف راح اعترفلك
    كلبي جان شكد جسر
    وانه جتفت الجسر
    وانه وزيت الحمامه اعله النسر
    واسمع السر الخطر
    صنم سويته بديه
    وادري ماينفع يضر
    وحاطه اكبالي وعجيبه الشوك من عده انتظر
    وانته مثلي بهالامر
    صنم سويته بديك شتنتظر
    خل نهدم اصنامنه وكافي كفر
    وبلكي نهده ونستقر
    وبلكت وياك وانه وياي استمر
    وبلكت المامر كبل هسه يمر
    وبلكت اجناح العشك لبعيد ياخذنه ويفر
    ونترك الممنوع والميصير
    خل نغط بالماي موصرنه جمر
    وبلكي نصحه من السكر
    خذني يمك
    كبل لايخلص صبرنه ويطفه دم وجوهنه وتطلع صفر
    كبل لاينحك ذهبها اطباعنه وتطلع صفر
    كبل لارمضان يفطر
    ويفكر العالم مثل جية صفر
    حطني يمك كبل لايم الصفر ينحط صفر

    +++++++++++++++++++++++++
    اثر سهم المضة منك اداوي
    واحضرلي مكان السهمك الجاي
    اتلكة الحزن منك واهم بيك
    وياملكة اليسرك مثل ملكاي
    مثل صبيرة اموت من العطش موت
    اشرب دمعتي وما اخسرك ماي
    وكل روحي صبر وأتحمل جروح
    اجرح لا تخاف اتحمل هواي
    صبيرة وصديقي العطش يفلان
    حسبالك اذل من تكطع الماي
    هينة اشما شفت منك اجازيك
    ارد اضعاف الك دكاتك وياي
    شجرة اني واكيد اتردلي فد يوم
    من ادكك شمس وتدور فياي
    تاخذ يسرتي ساعتهة يفلان
    كل زين الالك منتطيته يمناي

    +++++++++++++++++++++++++++
    حبيتك صدك ... معقوله ما حسّيت
    وآنه الجنت اظنّك تدري وتحبني
    طلع كلبك اناني ويه أني أنغرّيت
    ما وفّه لمحَبتي وبالعجل ذبني
    وحيد بلا حبيب ولا عشك ضلّيت
    شجره بلايه ميّ ولا شمس جنّي
    صلب مثل الجبل بالشدّه منهزّيت
    بس بُعدك عليه بهالوكت هزني
    حيّرني الزمان وبيك أنه أحتاريت
    وجن بيك الزمن رايد يعذبني
    نطرت محبتك والهه شكثر تانيت
    لحظات العشك وياك نستني
    جنت ليّه الاهل انت وجنتلي البيت
    وبس انت الجنت بالدنيا عاجبني
    وجنت انت التذوّب قلبي لو عدّيت
    وأطيحن لو عيونك مرّه تنظرني
    جم مرّه الوكت يجرحني متأذيت
    بس زعلك عليه الجان يألمني
    بشر غيرك أبد بكليبي ما حطيّت
    وكل واحد بعد بالدنيا ما همني
    جنت بعيني ليلى وجنت الي جوليت
    وجنت آنه قيس وروميو بذنّي
    وصرت كبالي عبله ووالله لو مرّيت
    اصيرن عنتره وابن امه اليكظني
    شجاك تغيرت وبروحي ما خليت
    بس حسره ودمع وجروح أذتني
    وشجاك تغيّرت صدكني ما ظنيت
    تنساني بسهوله وتبتعد عني
    أشتريت محبّتك بالغالي كلّي شلون
    فلس ونص محبتك هسه باعتني
    يا ذنب الجنيته وكلي انه شسويت
    حتى انت بعذابي لوحدي تتركني
    كلبك هذا كلبك لو حجر سجيل
    حالك والله والعباس صفنّي
    جنت آنه الحبيب الما يزيحه الكون
    واحد هسّه زاحه شلون فهمني
    تمشي كبالي تضحك منشرح وياه
    ما عندك قصد كل قصدك تغثني
    مو صوجك ابد لا بيه كل الصوج
    كلبي بهل المواقف هوّه اليحطني
    صح آنه انجرح بس الجرح استاذ
    قاسي بشرحه لكن درسه علمني
    تعلمت ابقى صادق بالعشك للدوم
    ومنه اصنع تجارب خبره تكسبني
    روح خطيه انت ولا تظن بيوم
    تعرف شنهو حُب وتمسي متهنّي
    ما تكدر تحب تايه تظل حيران
    وقلبك ما يدك فد يوم صدكنّي
    وما تعرف بعد محبوب مثلي يصير
    واذا واحد يصح لك مثلي عاتبني
    ست اشهوراحبك تالي هذا الصار
    طول المده وانت بحبي خادعني
    آنه اتكنّسلت هذا الغشيم شلون
    اذا ما عفته بعد اسبوع خابرني

    ++++++++++++++++++++++++++++++++++++

    من تزعل عليه الشمس ما تطلع
    ولا نكدر نعيش ويزعل وياك الكمر
    يعني تصير هندس والعمر ساعات
    بلا حبك نعيش شلون ؟؟ ما نكدر
    ما نكدر نعيش بلايه حبك يوم
    ولا تغفه العيون ولا نعرف النوم
    حل انته-- وحرام --افطار انته وصوم
    مثل الدين عندي مو شكل جوهر
    جوهر انته عندي والبقايا كشور
    من شافتك كل الناس كام تفور
    ومو بس الانس غارت قبلها الحور
    حسن الحور منك حك لمن تنغر
    من تنغر عليه حقك وادري لان ما شفت منك ابد كل عمري
    الصبح يسحر بياضك والمسا خمري
    الورد من لون خدك اخذ لون احمر
    اخذ لونه الورد من لون وجناتك
    واصل حسن البشر من حمرة شفافك
    مو حقه البشر ينبهر من شافك
    يهيم وينسطر وبحجيه يتعثر
    يتعثر الشافك لان كمره يشوف
    ومو حاجب يشوف على العيون سيوف
    حقي من اكضي عمري لشوفتك ملهوف
    بيك الخالقك شمس وكمر صوّر
    صوّر شمس بيك وكمر وانته انسان
    واخذ من وجنتك قوس القزح الوان
    وانطه من دلالك رقه للغزلان
    ومن نور العيون الصبح من اسفر
    الصبح يسفر اذا تفتحهن عيونك
    وغيمه تروح ترجع رمشة جفونك
    واغار وافرح من الكل يحبونك
    لان كلك حلو وع الناس بيك افخر
    بيك افخر حبيبي ماكو منه اثنين
    والغنـّه عليك القصد بالشمسينٍ
    اريد اسألها امك جابتك من وين
    وحتى امك تجاوب هاي ما تكدر
    ما تكدر لان تجهل الغيبيا ت
    وانته وحسنك وحبك من الآي
    اتكبل ما تنخلق مكتوبه مصفوفات
    تبشر بيك كلبي وكلبي متحضر
    متحضر يريد يشوفك ويلكاك
    لان قبل الخليقه انه جنت اهواك
    بصلب ادم جنت اتسامر انه وياك
    وكل الي حجينه مسجله بدفتر
    بدفتر سجلت كل الحجي الكلنا
    هوكلت بالدنيا اكوله بيوم من الكاه
    لكن من اجه اليوم الي بيه شفناه
    حجه نبض الكلب ولساني تعثر
    كلك بس احبك واخذته الصفنه
    لان ماكو كلام الينطي حق حبنه
    بعدك نار تجوي وكربك الجنه
    واذا قصرت وصفك منك اتعذر

    =============================
    صعب من دونك اعيش وغيرك اختار
    لان بس انت وحدك تفهم الروح
    وصعب انساك وانسى ايامي وياك
    من بعدك اعيش العمر مجروح
    وصعب تصبح محبتك بس بالعيون
    لان كلش احبك حبي مفضوح
    يا أجمل نغم غنيته بالكون
    ويا أعذب لحن وتعزفك الروح
    ويا أجمل قصيدة واحلى كلمات
    يا لوجهك كمر وعيونك نجوم
    يا نور الشمس الما غابت بيوم
    ويظل وجهك ينور رغم الغيوم
    تلوم الناس بيه يردوني انساك
    وما اسمع حجيهم واترك اللوم
    وما اعوفك ابد ماخذ عهد عالروح
    وعدتني تحبك هي للدوم
    وما انسى حبك ابد والله
    لان حبك ختم بالكلب مختوم
    يا لجيتك افراح وضحكتك عيد
    لا تبخل عليه بجيتك و ضحكك
    ولا تزعل عليه وعن عيوني تغيب
    لان انت وعدتني وكلت مااتركك
    وما اريد اعذبك ابد يا لمحبوب
    اريدك يا حبيبي توفي بوعدك
    =============================
    انه بكلبي سوالف ماتلمهه اسطور
    وارد احجي بصراحة وياك عل المكشوف
    مو طبعي النفاق ولا حجي الوجهين
    ولو احجي الصدك مااعرف انه الخوف
    تعارفنه وحجينه بطيبة النية
    ورتنه السوالف والحجي معروف
    اريدك تفهم المضمون مو كلمن
    يدك الباب نوكفله ونمدله اجفوف
    ولاكلمن تبسم لو ضحك
    النه يصير ابينه مالوف
    تره الينظر فصال الثوب
    من تفصاله يعرف اصلي لو مريوف
    انه الحبيت روحك كبل لاشوفك
    وصغتلك بالكلب سجة اعله مد الشوف
    وصرت انت الفرح للروح
    مثل شوك اليتيم وللفرح ملهوف
    تعاندني السطور لو ردت اكتب
    ويطوف اسمك غفل مابين الحروف
    اصد للروح الكاهه تسولف بيك
    ولن رسمك بروحي وبالخيال يطوف
    بعيد وعل البعد مجبور
    واشوف العين حيرانه بدمع مذروف
    لملمت العمر وتعده بيه الريل
    وماظنيت جلمة فرحة عيني اتشوف
    من شفتك نصبت من الحزن افراح
    وبليلي الصبح وية الكمر صار اضيوف
    لجن من توعد وتخلف
    اظن ليلك فرح وانا بليلي الكمر مخسوف
    ++++++++++++++++++++++++++++++
    انه بكلبي سوالف ماتلمهه اسطور
    وارد احجي بصراحة وياك عل المكشوف
    مو طبعي النفاق ولا حجي الوجهين
    ولو احجي الصدك مااعرف انه الخوف
    تعارفنه وحجينه بطيبة النية
    ورتنه السوالف والحجي معروف
    اريدك تفهم المضمون مو كلمن
    يدك الباب نوكفله ونمدله اجفوف
    ولاكلمن تبسم لو ضحك
    النه يصير ابينه مالوف
    تره الينظر فصال الثوب
    من تفصاله يعرف اصلي لو مريوف
    انه الحبيت روحك كبل لاشوفك
    وصغتلك بالكلب سجة اعله مد الشوف
    وصرت انت الفرح للروح
    مثل شوك اليتيم وللفرح ملهوف
    تعاندني السطور لو ردت اكتب
    ويطوف اسمك غفل مابين الحروف
    اصد للروح الكاهه تسولف بيك
    ولن رسمك بروحي وبالخيال يطوف
    بعيد وعل البعد مجبور
    واشوف العين حيرانه بدمع مذروف
    لملمت العمر وتعده بيه الريل
    وماظنيت جلمة فرحة عيني اتشوف
    من شفتك نصبت من الحزن افراح
    وبليلي الصبح وية الكمر صار اضيوف
    لجن من توعد وتخلف
    اظن ليلك فرح وانا بليلي الكمر مخسوف
    +++++++++++++++++++++++++++
    يظل حبي
    يظـــل حبي ويظــل ودي الج للمـــوت لأن حبــج عســــل يســـــري بشــرايـيــني
    لأن حبـــــج سحـــر متعـــانق وي الروح يهـــز كلبــــي ويشــع نوره برياحينــــــي
    ينور ظلمـــــة الدنيـــا وســــواد الليــــــل أتيــــه بالســـــمة وحبــــــج يدلــــــــــــيني
    جنت ضايع بالحزن وبنص بحر غركان أدور عالـــــــجرف محـــــــــــد يودينــــي
    مشــيت بهالارض وحــدي آنــــه حزنان ولا واحــــــد وصــــــل يمــــي ويواسـيني
    سطـــعت من الظــــلام بوجـهج الي ينور نبــــض كلبــــي بأســـــم محــــبوبة ينبيني
    أحبـــج والعشـــــك موبالحـــــجي ينكــال تعــــــالي للكلــــــب شــــــوفي ســـواديني
    حــرت وتحــــيرت تاه العقـــــــل والراي شــــــسولف عن هــــــــواج شـــكد يكفيني
    أنــــه من ياكـــــتر أبدي بالحــــجي وياج شكـــــولن والقــــــــلم رافـــض يماشـــيني
    لأن جنــــة عدن حبـــــج زهــــت بورود تفيـــــــض بهـــــالعطـــر وبداري مــاليني
    صــــرت تاجر فرح ومضـــحك الباجين وبعـــــت كل الفــــــرح لهـــلي ومسـاكيني
    صــــرت طايش مثل طـــفل هوا فرحان لأن حبـــــح كدر بالفــــرحة يرمـــــــــيني
    أحس شخــصج ملاك ومنعــــــجن وياي صـــــرت مومـــــن بشر طاهر أنه بطيني
    لجـــن همـــي كبر والفرحة ماهي اتطول تعـــــودت اعله وجـــهج والبـــــعد سابيني
    سبــاني من الــبعد حبــج يمض بحشـــاي وانــــه من الفركة ما ينشـــف دمع عـــيني
    يمحبوبي الكلب يــــنزف عشـــــك مجنون اعله كل لحــــــظة الكلب عنج يحــــاجيني
    يناشـــدني واصــــيرن ســــاكت وحيران أديـــرن بالوجـــــه لمـــــــــن ينـــــاغيــني
    كلت بلكــــــت يمل من شوكه الج وايهود ولايــبــقه بعـــــــذاب الفــــــركة بالـــــيني
    لكيـــته بكل وكت صايـر قطــــب بركان يهيــــــــج بلوعتـــــــه المســعورة جاويني
    أحبـــج والمصـــيبة شوكت أشــبع الروح اذا هي اشتــــــــهت بوســــــة وتداعيــــني
    تداعــــيني أمد ايدي اعله كل اعـضــــاج عســــــاها من اللمـــــس تشـبع نظر عيني
    الــــج ياوردة صـــدكيني أظــــل ممنــون لأن من كل جــــــرح عطـــــرج يـداوينـي
    ++++++++++++++++++++++++++++++++++++++++++++++
    بچيت ..
    ودمعِّت عينك على الراح
    يادمعة الترد يفلان ماشين
    نشفهن ادموعك .. خاف العيون
    تعمه وماتشوف ..
    اليمها باقين ..
    عليمن تبچي ..؟؟
    هن اهواي الجروح
    وانت لكل جرح ينرادلك عين ؟!
    عمه يعگوب ..
    يوسف واحد الراح
    شچم يوسف فگدنه ..
    واحنه صلفين
    شوف اشگد صلافة ..
    ابهاي الايام
    نضحك من نشوف الناس ..
    ميتين ..
    علمنه الحزن ..
    نضحك للهموم !!
    ويمر بينه الفرح ..
    دمعة مجانين ..
    يامرخص عمرنه ..
    الجاي والراح
    شخذنه من الوكت ..
    بس تعب السنين
    اخذنه الشيب ..
    واحنه ابلف الگماط
    وتجاعيد الوجه ..
    صارن نياشين ..


    تحياتي





    ابوسيف العويسي
    عضو مجلس ادارة
    عضو مجلس ادارة

    ذكر
    عدد الرسائل : 5588
    العمر : 46
    العمل/الترفيه : شاعر شعبي
    المزاج : ترف ومتفائل
    الطاقة :
    70 / 10070 / 100

    الجنسية : عراقي ابن بابل
    تاريخ التسجيل : 16/08/2010

    رد: جميع القصائد اخواني واخواتي بالمنتدى المتميز ونقلها عنهم بموضوع مختصر تحياتي

    مُساهمة من طرف ابوسيف العويسي في السبت أكتوبر 02, 2010 5:44 pm

    حياك الله اخي
    الغالي الحنوووووون
    على هذه المساهمه
    الكثر من رائعه
    وتسلم اخي











    ابوسيف العويسي


    _________________




      الوقت/التاريخ الآن هو الجمعة ديسمبر 09, 2016 3:40 pm