دارمي كوم

حبيبي الزائر الغالي العزيز
اهلا وسهلا بيك صارت قديمة نفرشلك العينين والرمش خيمة
تبين انك غير مسجل في سجلاتنا....لاتدوخ رجاءا التسجيل السريع لايكلفك سوى دقيقة واحدة
استمتع معنا وشاهد الاقسام الخفية الممتعة....اقرا ما تشاء واكتب ما تشاء...فالمنتدى منكم واليكم..مع التقدير.
اخوكم رعد الاسدي
دارمي كوم

دارمي/ابوذية/موال/شعر/شعبي/قصائد/قصص/شعر فصيح/خواطر/ /نكات

انت الزائر رقم

ادعمونا في الفيسبوك

ساهم في نشرنا في الفيسبوك

المواضيع الأخيرة

»  دارمي اعجبني
الجمعة مارس 25, 2016 9:41 pm من طرف احمد جابر

» دارمي يموت
الأحد مارس 13, 2016 2:19 pm من طرف احمد اعناج

» ترحيب
الأربعاء يناير 20, 2016 4:16 am من طرف جاسم

» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة

» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي

» انه بدونك طفل
الإثنين مايو 25, 2015 7:02 am من طرف شاعرة الحنين

» ابتسم
الأحد مايو 17, 2015 4:11 am من طرف كاظم موسى قسام

» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام

» شجرة دارمي كوم
الأربعاء مايو 13, 2015 6:31 pm من طرف abbaslife1

» دارمي وقصته الحزينه..
الأربعاء مارس 04, 2015 11:10 am من طرف احمد اعناج

» عضو جديد
السبت ديسمبر 27, 2014 11:55 pm من طرف الكفاري

» صوت الظليمه ((كعده))
الأربعاء نوفمبر 26, 2014 8:13 pm من طرف خالد محمد مهدي الحجار

» رجوع السبايا (( أربعينيَّه))
الإثنين نوفمبر 24, 2014 1:19 pm من طرف خالد محمد مهدي الحجار

» مجلس لزيد الشهيد عليه السلام
الأحد نوفمبر 23, 2014 5:32 pm من طرف خالد محمد مهدي الحجار

» ردّينه ردّينه يبن أمي ردّينه
الأحد نوفمبر 23, 2014 1:32 pm من طرف خالد محمد مهدي الحجار

أفضل 10 أعضاء في هذا الأسبوع

أفضل 10 أعضاء في هذا الشهر

أفضل 10 أعضاء في هذا المنتدى

بلاد الزوار

free counters

اجمل ما قيل في الحب

اجمل ما قيل في الحب

    احله دارميات الكم حبايب ومتعبون بالتجميع لان هنه مينعدن

    شاطر

    الحنووووون
    عضو جديد
    عضو جديد

    ذكر
    عدد الرسائل : 5
    العمر : 28
    الطاقة :
    0 / 1000 / 100

    الجنسية : عراقي
    تاريخ التسجيل : 01/10/2010

    احله دارميات الكم حبايب ومتعبون بالتجميع لان هنه مينعدن

    مُساهمة من طرف الحنووووون في الإثنين أكتوبر 04, 2010 6:02 pm

    لاتگطع اترجاك
    سمعني كلمة
    والله الهوه بلياك
    مايسوه اشمه
    ==============
    لاتظن يوم انساك
    يالمني بيه
    ماي انته ومباريك
    بثنين اديه
    ===========
    سهران افكر بيك
    ماشايف النوم
    وتخيلت مرسوم
    وجهك بالنجوم
    =============
    ينراد اخلي اعيون
    بعيوني ذني
    حته اگدر ابچي اعليك
    من تمشي عني
    ================
    هدني التعب يفلان
    والهم أكلني
    من غيبتك لليوم
    محد فگدني
    ================
    نمت آنه عالتبريد
    حسبالي أغفه
    نار المحب بحشاي
    ماترضه تطفه
    ==============
    أصفن واعد انجوم
    وايدي اعله خدي
    هم غربة هم افراگـ
    هم ولفي ضدي
    ==============
    للدوم اظل وياك
    يالطيبك ايفوح
    ولخوتك ماعوف
    لو تطلع الروح
    ==============
    غيرة وكرم واخلاص
    كلهن صفاتك
    واتعب شوصف بيك
    يالطيبة ذاتك
    ==============
    صدگني آنه اوياك
    روح بوسط روح
    گبلك أحس بالآه
    لو إنته مجروح
    ==============
    تدري شوكت أنساك
    وبگلبي اتهون
    من تسمع آنه اهناك
    بالنجف مدفون
    ==============
    حسبالك آنه انساك
    يالتسوه كلشي
    تسوه العدل والمات
    والتوه يمشي
    ==============
    عبوة وزرعني الشوگـ
    صرت اعله دربك
    واعذرني لو طگيت
    فجرني حبك
    ==============
    تدري شوكت أنساك
    ياأغله الاحباب
    لمن يجيني الموت
    واتغطه بتراب
    ==============
    لعيونك الحلوات
    صدگني أشتاگـ
    ماأصبر بلياك
    واتحمل افراگـ
    ==============
    كون الجمال البيك
    أتمنه بيه
    حته آنه من اشتاگـ
    أصفن عليه
    ==============
    غالي وعزيز اهواي
    وفراگك اهموم
    وعيوني لو تنساك
    أعميها للدوم
    ==============
    حاير شحط للعين
    وامنعها منكم
    صبح وعصر وغروب
    تسألني عنكم
    ==============
    عيون البشر حلوات
    بس عينك احله
    خظرة وتسلب اعقول
    لو تحط كحله
    =============
    ظلمة وتريد الناس
    توصل للبيوت
    بس آنه اريد الگاك
    هالساعة لو موت
    ==============
    گالولي اجاك العيد
    چا ليمته اتهيد
    عيد اليمر بجفاك
    ماينحسب عيد
    ==============
    تدري آنه گبل العيد
    عاشورك اوياي
    حاسمها لو مو عيد
    ماتضحك اشفاي
    ==============
    يم بيتي بيتك كون
    واشمرلك العين
    تشبعها منك شوف
    وتردها بعدين
    ==============
    صايم على فرگاك
    غيرك فلا اريد
    أفطر أنه بملگاك
    وك شوفتك عيد
    ==============
    أتعارك اويه النوم
    بلكي اغفه وانساك
    تاليها صورة وصوت
    إبحلمي الگاك
    ==============
    باخر نفس مخنوگـ
    واتمنه اشوفك
    واعذرني بس الموت
    يجبرني اعوفك
    ==============
    نامت اگلوب الناس
    بس گلبي گاعد
    والضغط من فرگاك
    كل ساعة صاعد
    ==============
    للموت اضل وياك
    ماابدل الراي
    وافدي الجسد والروح
    لليوفي وياي
    ==============
    بالگلب ساكن دوم
    مايمكن انساك
    يهجرني حته النوم
    من يمر ذكراك
    ==============
    إرهابي ليش اصير
    مو إنته حباب
    فجرت گلبي اشبيك
    سويته عطاب
    ==============
    الخوة شحت حيل
    صارت قليلة
    لكن وحگ عيناك
    خوتنه اصيلة
    ==============
    ليل وشتى وبردان
    ماتدري حگك
    ماأدفى حته بنار
    أدفه امن اشبگك
    ==============
    أصفن واحاچي الروح
    وين احنه چنه
    هم ترجع الأيام
    ويلتم شملنه
    ==============
    ناذر نذر لو جيت
    وتشوفك العين
    أگعد أجدي اسبوع
    اباب الحسين
    ==============
    سيطرة بدرب اهواي
    وهمية أنصب
    حته امن اشوفه ايفوت
    أخطفه وأهرب
    ==============
    شريان الك بالروح
    يمشي بغزارة
    وحبك بگلبي دوم
    ماتطفه ناره
    ==============
    مل مني حته الليل
    والگمر شاهد
    بس بيك افكر دوم
    للفجر گاعد
    ==============
    مذنب أظل بهواك
    كون انته قاضي
    تحكمني بالإعدام
    صدگني راضي
    ==============
    اتريله الك بوسات
    تحملها العيون
    حضر خمس عمال
    بس اليفرغون
    ==============
    أخطب بنص الناس
    والساحة تشهد
    وافرض حضر تجوال
    لو غثك احد
    ==============
    صدگوني مامرتاح
    يالروحي عدكم
    لو أدري هيچ اشتاگـ
    ماعاشرتكم
    ==============
    الروح اذا تنساك
    ميتة اعتبرها
    وبيسرتي ويمناي
    أحفر گبرها
    ==============
    مسكنك روح الروح
    ياشمعة العين
    ومن كل خطر يحميك
    مولاي الحسين
    ==============
    للصحبة أهدي الروح
    وعيوني الاثنين
    والعمر فدوة ايروح
    للصاحب الزين
    ==============
    دايخ وافكر بيك
    وعن بالي متروح
    أمشي وردمني الباب
    حسبالي مفتوح
    ==============
    صابر على فرگاك
    گلبي اليريدك
    والصبر يالمحبوب
    مفتاحه بيدك
    ==============
    لاتسأل اعله الحال
    خليها سكتة
    تسأل على المكتول
    والكاتل انته
    ==============
    لو ممشة عشر اسنين
    أمشيها واكثر
    ماأتعب وماجوز
    من حب الاسمر
    ==============
    روحي بسرير الموت
    تنشدني عنك
    وتگلي ليش اهواك
    متبري منك
    ==============
    يالبلگلب مشتول
    وبروحي مزروع
    افراشك النبضات
    وغطاك الظلوع
    ==============
    ياجوري يانعناع
    يانبع صافي
    لاخر نفس بالروح
    ليك ابقه وافي
    ==============
    غير الوفه يهواي
    ماعندي غاية
    وآنه اعله عهدي اوياك
    حد النهاية
    ==============
    كون الفرح ينباع
    واشريلك العيد
    يالشوفتك عيدين
    عيد احله من عيد
    ==============
    أسأل أضل اعليك
    حد گطع الانفاس
    غالي وتضل بالروح
    تاج انته عالراس
    ==============
    تبقه انته تاج الراس
    تبقه انته راقي
    يالريحتك بغداد
    واسمك عراقي
    ==============
    كون الحبيب ايصير
    بالحمزة دنگة
    وبحجة الزوار
    كل ساعة اشبگة
    ==============
    صح البشر حلوين
    بس الك ميزة
    تدخل گلب تهريب
    وبليه فيزة
    ==============
    أتمنه هالطلاب
    كلهم ينجحون
    چيفن حبيب الروح
    ويه اليدرسون
    ==============
    گتلك تفضل فوت
    كل قصدي للبيت
    رأسا دفعت الباب
    وبگلبي طبيت
    ==============
    تمثال الك بالعين
    شايلته الجفون
    نافورة منه وبيه
    دمعات العيون
    ==============
    من غبتوا ولهاليوم
    أحلامي بيكم
    وصدگوا مثل هوار
    أبچي عليكم
    ==============
    ظلمة ودرب عاثور
    والدنيه تمطر
    لغيرك فلا تانيت
    بس الك أنطر
    ==============
    طيفك نبض بالعين
    كل ليلة ضيفي
    بعيونك الحلوات
    هم يمر طيفي
    ==============
    أهلا وسهلا بيك
    صارت قديمة
    أفرشلك العينين
    والگلب خيمة
    ==============
    اشما تگول الناس
    عندي انته الاول
    سو كلشي بالدلال
    ياحلو مخول
    ==============
    دم الگلب بجفاك
    فاض من العيون
    مو حب طبيعي اهواك
    بيك آنه مجنون
    ==============
    أنشد عليك الروح
    مدري اشتگلي
    مدري انته نص الروح
    مدري انته كلي
    ==============
    لاتظن يوم انساك
    لو يوم اعوفك
    صدگني ابيع الروح
    بس كون اشوفك
    ==============
    كون المحبة اصير
    مثل السياسة
    حته اليخون ابساع
    ينگطع راسه
    ==============
    كلمن يگول انساك
    گله انته مجنون
    هو الگمر ينشاف
    من غير العيون
    ==============
    كلمن ينام الليل
    مايعرف ايحب
    آنه بحلات النوم
    وعيوني اتصب
    ==============
    لو گلبي عافك يوم
    سويته تكه
    وللمكتب استدعاء
    بالبطة اصكه
    ==============
    يهتز يريد ايطيح
    گلبي اعله فرگاك
    لايرضه جرحي ايطيب
    لايرضه ينساك
    ==============
    دورت بالصفنات
    وحده انته منهن
    لمن صفنت النوب
    صرت انته كلهن
    ==============
    دورت كل الناس
    ماكوا بحلاتك
    والعسل كله ايروح
    فدوة لصفاتك
    ==============
    ريت الأصابع هاي
    إيصيرن اشموع
    مشعولة لجلك دوم
    للأبد متموع
    ==============
    حط حرس حط اسلاح
    حط قوة يمك
    لازم أجيك اليوم
    أوصل واشمك
    ==============
    الصحبة صحبة موت
    لتظن اعوفك
    ماتدري آنه اشلون
    مشتاگـ اشوفك
    ==============
    كون انگلب صمون
    واسكن فرنكم
    وكل ماتمسني النار
    أصرخ أحبكم
    ==============
    بالحلم شفتك طيف
    چذبت العيون
    نايم وافكر بيك
    من اگعد اشلون
    ==============
    كلمن يگول انساك
    صدگني چذاب
    حبك جرح بالروح
    ينزف ولاطاب
    ==============
    الدهر لو وازاك
    خذلك معلمة
    جيبك تترسه افلوس
    وابنك تعلمه

    كون الدمع ينشال
    وبعيني اخليك
    وكل ماأحن واشتاگـ
    أبچي وأحاچيك
    ==============
    أخسر عليك الروح
    ماضني خسران
    للخوة كلشي ايهون
    ياأغله إنسان
    ==============
    كون آنه ابيعن غاز
    بس للأحبه
    وكل ماأمر اعليه
    أترسله دبه
    ==============
    لوغبت عن العين
    أحسبها شدة
    واحرگـ بدمع العين
    وجه المخدة
    ==============
    مشتاگـ الك مشتاگـ
    وبگلبي حسرة
    بيه كسر يهواي
    وانته التجبرة
    ==============
    بالليل افز فزات
    وابچي اعله حالي
    كله بسبب فرگاك
    اشگد انته غالي
    ==============
    من كثر مامشتاگـ
    تيهت نفسي
    أجرت الامريكان
    حسبالي تكسي
    ==============
    من كثر مامشتاگـ
    واشتهي الجيه
    أجرت الامريكان
    حسبالي كية
    ==============
    تدري شكثر تشتاگـ
    لطيوفك العين
    ابكثر ماتشتاگـ
    زينب للحسين
    ==============
    تبقه بوسط هالروح
    تبقه انته ظلعي
    ولو أحسب الغالين
    إنته اغله ربعي
    ==============
    مو من مرض ونيت
    من كثر الفراگـ
    صدگني گلبي اعليك
    كل لحظة يشتاگـ
    ==============
    والحجر واهل البيت
    والكفل أخته
    والله امن اعد اعزاز
    أولهم انته
    ==============
    رمش برمش شديت
    مانامت العين
    تسهر والك تشتاگـ
    مطلوبة الك دين
    ==============
    الولد لوفطموه
    يبچيله يومين
    بس انته من اتغيب
    أبچيلك اسنين
    ==============
    الدهر لو وازاك
    طگلك اجگيره
    شتگدر تسوي اليوم
    شنهو التغيره
    ==============

    الدهر لو وازاك
    إزرع طماطة
    وازرع بصفها اخيار
    واشبع زلاطة
    ==============
    كونك امرايه اصير
    ومعلگينك
    وكل ماأمر اعليك
    عيني بعينك
    ==============
    نوم المخدة ايلوگـ
    للباله خالي
    ومنين اجيب النوم
    وانته اعله بالي
    ==============
    بجاه الله والعباس
    وبجاه الحسين
    يحفضك رب الكون
    من نظرة العين
    ==============
    صح انته عني ابعيد
    من تحسب امتار
    لاچن وسط هالروح
    مبنيه الك دار
    ==============
    وحدك سكنت الروح
    وحدك معشش
    بگليبي دور زين
    دور وفتش
    ==============
    بالگلب بالشريان
    بنص روحي اخليك
    حزب الله يرضون
    نصر الله اسميك
    ==============
    ضلمة ودرب عاثور
    وهم حظر تجوال
    أوصل واجيك ازحوف
    واشكيلك الحال
    ==============
    إنته التضل بالروح
    والباقي فلسين
    حبك نبت بحشاي
    أقسم بالحسين
    ==============
    كون الگلب ينصاغ
    محبس ودزه
    يبقه إلك تذكار
    لجل المعزة
    ==============
    فخخت روحي اليوم
    كل هذا لجلك
    ولو مارضوا ينطوك
    أنفجر بهلك
    ==============
    كون انته هسه اهنا
    كون انته يمي
    كون انته بالشريان
    توزعلي دمي
    ==============
    متعجبه النسوان
    براغب علامة
    داخل حسن يسواه
    ويسوه عمامة
    ==============
    أهمس بإسمك دوم
    فضحتني الاحلام
    بطلت حته النوم
    وبليلي مانام
    ==============
    آسف يبعد الروح
    تعذرني ريتك
    عندي ظروف اهواي
    بس مانسيتك
    ==============
    الگلب ماينساك
    بس هذا عيبه
    صدگني من فرگاك
    طلعتله شيبه
    ==============
    هاك اخذ كلشي اتريد
    شتريد اخذ هاك
    هوه العمر فلسين
    يسوه ابلياك
    ==============
    أهلا وسهلا بيك
    حيل الگلب صاح
    لو ماتلزمه اضلوع
    من فرگتك طاح
    ==============

    وينك حبيب الروح
    مشتاگـ اضمك
    صح امشي بين الناس
    بس روحي يمك
    ==============
    إنته احله كل الناس
    ياهو احله منك
    حته الجمال اليوم
    يسألني عنك
    ==============
    صبح وعصر وغروب
    وبهدوة الليل
    وبكل دقيقة الروح
    تشتاگلك حيل
    ==============
    كون انگلب طلقات
    وادخل بگلبك
    واكتب على الشريان
    دمرني حبك
    ==============
    ظلمة وحظر تجوال
    وامريكي بالباب
    ولو تنگلب طلقات
    أتعنه الاحباب
    ==============
    ظلمة وحظر تجوال
    واليطلع ايموت
    بس اليحب اهواه
    يتحده ويفوت
    ==============
    ظلمة وحظر تجوال
    والبطة تفتر
    واليطلع ايصكوه
    لو جده يحظر
    ==============
    ظلمة وحظر تجوال
    والشرطة تفتر
    أوصل واجيك ازحوف
    يالمعدنك در
    ==============
    كون الگلب بي باب
    تگدر تشوفه
    ولو شفت غيرك بيه
    حگك تعوفه
    ==============
    ثاري البنات اهواي
    مثل الچفافي
    بيهن تخون ابساع
    وبيهن توافي
    ==============
    ثاري البنات اهواي
    مثل الطماطة
    بيهن تخيس ابساع
    وبيهن زلاطة
    ==============
    أگعد بتالي الليل
    وادعي بصلاتي
    ياربي بعد اهواي
    شلي بحياتي
    ==============
    من گلبي اخذ لحمات
    خافنك اجوع
    ولو مالگيت اشياش
    شيش بالضلوع
    ==============
    صح انته عني ابعيد
    بس على بالي
    واقرب إلي من الروح
    حبك يغالي
    ==============
    للموت اضل اوياك
    مايوم املك
    مابيه حيل افراگـ
    من هسه اگلك
    ==============
    تمرضت عشر امراض
    واسهلهن السل
    ولو بعد عشر امراض
    منك فلا مل
    ==============
    گلبي اللي چان بخير
    وبخير نبضه
    من فرگتك سكراب
    بالسوگـ اعرضه
    ==============
    بين الگلب والروح
    إهنا أخليك
    واكتب خطر ممنوع
    محد يمر بيك
    ==============

    ناسي ونسيت الناس
    بس مانسيتك
    ولوغبت عن العين
    بالدم لگيتك
    ==============
    روحي وعيوني اوياك
    والگلب يمك
    يمشن سوه بشريان
    دمي اويه دمك
    ==============
    لوتدري هاي العين
    شمسويه بيه
    كل نظرة بيها اليوم
    شفت المنية
    ==============
    من الصبر مليت
    والصبر ملني
    ماأگدر بلياك
    يمك دخلني
    ==============
    الگمر من وجناك
    شع وتنور
    وحته الورد والياس
    منك تعطر
    ==============
    مو مشكلة النفطات
    ولا مشكلة الماي
    مشكلتي ياهالناس
    ماشايف اهواي
    ==============
    أسأل عليك الناس
    وين انته غايب
    الگلب من فرگاك
    شاف المصايب
    ==============
    أتمنه اصيرن طيف
    بالليل اجيكم
    حته ابقه طول الليل
    حارس عليكم
    ==============
    كلما يمر الليل
    والنجم يظهر
    أذكرك واشتاگـ
    واتمنه تحظر
    ==============
    روحي اويه روحك دوم
    شذرة اويه محبس
    مصيوغه الك مخصوص
    الچفك وبس
    ==============
    بالجنة من طبيت
    الحور اجني
    صحت آنه اريد اهواي
    شلي بهذني
    ==============
    عطشان اظل عطشان
    واروه اعله شوفك
    بطرانه هاي الناس
    يردوني اعوفك
    ==============
    أهلا وسهلا بيك
    واكثر بشوفك
    ولتفكر آنه بيوم
    أگدر أعوفك
    ==============
    أهلا وسهلا بيك
    واكثر بملگاك
    والگعده تحله اهواي
    من نگعد اوياك
    ==============
    أهلا وسهلا بيك
    واكثر بالوياك
    والگلب گبل العين
    فز وتلگاك
    ==============
    روحي سفينة شوگـ
    وانته هواها
    ولو فكرت تنساك
    تغرگـ عساها
    ==============
    مرتبط گلبي اوياك
    والنبض منك
    هم تظن يوم انساك
    واتخله عنك
    ==============
    حسبالك آنه انساك
    والكعبة غلطان
    جوه الجلد موجود
    يعني انته شريان
    ==============
    إشتعل گلبي بنار
    چي ماأشوفك
    أنعل أبو الينساك
    لابو اليعوفك
    ==============
    كلما أريد انساك
    تاخذني سكته
    بالدنيه احب اثنين
    بس الله وانته
    ==============
    لاتظن يوم انساك
    لو يوم اعوفك
    صدگني ابيع الروح
    بس كون اشوفك
    ==============
    كون المحبة اصير
    مثل السياسة
    حته اليخون ابساع
    ينگطع راسه
    ==============
    كلمن يگول انساك
    گله انته مجنون
    هو الگمر ينشاف
    من غير العيون
    ==============
    كلمن ينام الليل
    مايعرف ايحب
    آنه بحلات النوم
    وعيوني اتصب
    ==============
    لو گلبي عافك يوم
    سويته تكه
    وللمكتب استدعاء
    بالبطة اصكه
    ==============
    يهتز يريد ايطيح
    گلبي اعله فرگاك
    لايرضه جرحي ايطيب
    لايرضه ينساك
    ==============
    دورت بالصفنات
    وحده انته منهن
    لمن صفنت النوب
    صرت انته كلهن
    ==============
    دورت كل الناس
    ماكوا بحلاتك
    والعسل كله ايروح
    فدوة لصفاتك
    ==============
    ريت الأصابع هاي
    إيصيرن اشموع
    مشعولة لجلك دوم
    للأبد متموع
    ==============
    حط حرس حط اسلاح
    حط قوة يمك
    لازم أجيك اليوم
    أوصل واشمك
    ==============
    الصحبة صحبة موت
    لتظن اعوفك
    ماتدري آنه اشلون
    مشتاگـ اشوفك
    ==============
    كون انگلب صمون
    واسكن فرنكم
    وكل ماتمسني النار
    أصرخ أحبكم
    ==============
    بالحلم شفتك طيف
    چذبت العيون
    نايم وافكر بيك
    من اگعد اشلون
    ==============
    كلمن يگول انساك
    صدگني چذاب
    حبك جرح بالروح
    ينزف ولاطاب
    ==============
    الدهر لو وازاك
    خذلك معلمة
    جيبك تترسه افلوس
    وابنك تعلمه
    ==============
    مفخخ صرت بهواك
    صرت انتحاري
    تفجيري بالريموت
    بيدك قراري
    ==============
    بدلالي اضمك حيل
    وبوسط الضلوع
    من عنده تاكل زين
    لو مسك الجوع
    ==============
    لاتظن حي وانساك
    وانسه الليالي
    جثه آنه بالتابوت
    وانته اعله بالي
    ==============
    أقره وافكر بيچ
    وانسه امتحاني
    وبيچ انتي مدري اشلون
    الله ابتلاني
    ==============
    گصصني ذبني بطين
    واسحگ عليه
    تصرخ تصيح اهواك
    كل وصلة بية
    ==============
    أتمنه عندي اجناح
    وكل ساعة امر بيك
    معذبتني هاي الروح
    بس تسأل اعليك
    ==============
    ياجوري يانعناع
    يانبع صافي
    لاخر نفس بالروح
    ليك ابقه وافي
    ==============
    غير الوفه يهواي
    ماعندي غاية
    وآنه اعله عهدي اوياك
    حد النهاية
    ==============
    كون الفرح ينباع
    واشريلك العيد
    يالشوفتك عيدين
    عيد احله من عيد
    ==============
    أسأل أضل اعليك
    حد گطع الانفاس
    غالي وتضل بالروح
    تاج انته عالراس
    ==============
    تبقه انته تاج الراس
    تبقه انته راقي
    يالريحتك بغداد
    واسمك عراقي
    ==============
    كون الحبيب ايصير
    بالحمزة دنگة
    وبحجة الزوار
    كل ساعة اشبگة
    ==============
    صح البشر حلوين
    بس الك ميزة
    تدخل گلب تهريب
    وبليه فيزة
    ==============
    أتمنه هالطلاب
    كلهم ينجحون
    چيفن حبيب الروح
    ويه اليدرسون
    ==============
    گتلك تفضل فوت
    كل قصدي للبيت
    رأسا دفعت الباب
    وبگلبي طبيت
    ==============
    تمثال الك بالعين
    شايلته الجفون
    نافورة منه وبيه
    دمعات العيون
    ==============
    من غبتوا ولهاليوم
    أحلامي بيكم
    وصدگوا مثل هوار
    أبچي عليكم
    ==============
    ظلمة ودرب عاثور
    والدنيه تمطر
    لغيرك فلا تانيت
    بس الك أنطر
    ==============
    طيفك نبض بالعين
    كل ليلة ضيفي
    بعيونك الحلوات
    هم يمر طيفي
    ==============
    أهلا وسهلا بيك
    صارت قديمة
    أفرشلك العينين
    والگلب خيمة
    ==============
    اشما تگول الناس
    عندي انته الاول
    سو كلشي بالدلال
    ياحلو مخول
    ==============
    دم الگلب بجفاك
    فاض من العيون
    مو حب طبيعي اهواك
    بيك آنه مجنون
    ==============
    أنشد عليك الروح
    مدري اشتگلي
    مدري انته نص الروح
    مدري انته كلي
    ==============
    گالولي اجاك العيد
    چا ليمته اتهيد
    عيد اليمر بجفاك
    ماينحسب عيد
    ==============
    تدري آنه گبل العيد
    عاشورك اوياي
    حاسمها لو مو عيد
    ماتضحك اشفاي
    ==============
    يم بيتي بيتك كون
    واشمرلك العين
    تشبعها منك شوف
    وتردها بعدين
    ==============
    صايم على فرگاك
    غيرك فلا اريد
    أفطر أنه بملگاك
    وك شوفتك عيد
    ==============
    أتعارك اويه النوم
    بلكي اغفه وانساك
    تاليها صورة وصوت
    إبحلمي الگاك
    ==============
    باخر نفس مخنوگـ
    واتمنه اشوفك
    واعذرني بس الموت
    يجبرني اعوفك
    ==============
    نامت اگلوب الناس
    بس گلبي گاعد
    والضغط من فرگاك
    كل ساعة صاعد
    ==============
    للموت اضل وياك
    ماابدل الراي
    وافدي الجسد والروح
    لليوفي وياي
    ==============
    بالگلب ساكن دوم
    مايمكن انساك
    يهجرني حته النوم
    من يمر ذكراك
    ==============
    إرهابي ليش اصير
    مو إنته حباب
    فجرت گلبي اشبيك
    سويته عطاب
    ==============
    الخوة شحت حيل
    صارت قليلة
    لكن وحگ عيناك
    خوتنه اصيلة
    ==============
    ليل وشتى وبردان
    ماتدري حگك
    ماأدفى حته بنار
    أدفه امن اشبگك
    ==============
    أصفن واحاچي الروح
    وين احنه چنه
    هم ترجع الأيام
    ويلتم شملنه
    ==============
    ناذر نذر لو جيت
    وتشوفك العين
    أگعد أجدي اسبوع
    اباب الحسين
    ==============
    سيطرة بدرب اهواي
    وهمية أنصب
    حته امن اشوفه ايفوت
    أخطفه وأهرب
    ==============
    شريان الك بالروح
    يمشي بغزارة
    وحبك بگلبي دوم
    ماتطفه ناره
    ==============
    مل مني حته الليل
    والگمر شاهد
    بس بيك افكر دوم
    للفجر گاعد
    ==============
    مذنب أظل بهواك
    كون انته قاضي
    تحكمني بالإعدام
    صدگني راضي
    ==============
    اتريله الك بوسات
    تحملها العيون
    حضر خمس عمال
    بس اليفرغون
    ==============
    أخطب بنص الناس
    والساحة تشهد
    وافرض حضر تجوال
    لو غثك احد
    ==============
    صدگوني مامرتاح
    يالروحي عدكم
    لو أدري هيچ اشتاگـ
    ماعاشرتكم
    ==============
    الروح اذا تنساك
    ميتة اعتبرها
    وبيسرتي ويمناي
    أحفر گبرها
    ==============
    مسكنك روح الروح
    ياشمعة العين
    ومن كل خطر يحميك
    مولاي الحسين
    ==============
    للصحبة أهدي الروح
    وعيوني الاثنين
    والعمر فدوة ايروح
    للصاحب الزين
    ==============
    دايخ وافكر بيك
    وعن بالي متروح
    أمشي وردمني الباب
    حسبالي مفتوح
    ==============
    صابر على فرگاك
    گلبي اليريدك
    والصبر يالمحبوب
    مفتاحه بيدك
    ==============
    لاتسأل اعله الحال
    خليها سكتة
    تسأل على المكتول
    والكاتل انته
    ==============
    لو ممشة عشر اسنين
    أمشيها واكثر
    ماأتعب وماجوز
    من حب الاسمر
    ==============
    روحي بسرير الموت
    تنشدني عنك
    وتگلي ليش اهواك
    متبري منك
    ==============
    يالبلگلب مشتول
    وبروحي مزروع
    افراشك النبضات
    وغطاك الظلوع
    ==============
    للدوم اظل وياك
    يالطيبك ايفوح
    ولخوتك ماعوف
    لو تطلع الروح
    ==============
    غيرة وكرم واخلاص
    كلهن صفاتك
    واتعب شوصف بيك
    يالطيبة ذاتك
    ==============
    صدگني آنه اوياك
    روح بوسط روح
    گبلك أحس بالآه
    لو إنته مجروح
    ==============
    تدري شوكت أنساك
    وبگلبي اتهون
    من تسمع آنه اهناك
    بالنجف مدفون
    ==============
    حسبالك آنه انساك
    يالتسوه كلشي
    تسوه العدل والمات
    والتوه يمشي
    ==============
    عبوة وزرعني الشوگـ
    صرت اعله دربك
    واعذرني لو طگيت
    فجرني حبك
    ==============
    تدري شوكت أنساك
    ياأغله الاحباب
    لمن يجيني الموت
    واتغطه بتراب
    ==============
    لعيونك الحلوات
    صدگني أشتاگـ
    ماأصبر بلياك
    واتحمل افراگـ
    ==============
    كون الجمال البيك
    أتمنه بيه
    حته آنه من اشتاگـ
    أصفن عليه
    ==============
    غالي وعزيز اهواي
    وفراگك اهموم
    وعيوني لو تنساك
    أعميها للدوم
    ==============
    حاير شحط للعين
    وامنعها منكم
    صبح وعصر وغروب
    تسألني عنكم
    ==============
    عيون البشر حلوات
    بس عينك احله
    خظرة وتسلب اعقول
    لو تحط كحله
    ==============
    ظلمة وتريد الناس
    توصل للبيوت
    بس آنه اريد الگاك
    هالساعة لو موت
    ==============

    لاتگطع اترجاك
    سمعني كلمة
    والله الهوه بلياك
    مايسوه اشمه
    ==============
    لاتظن يوم انساك
    يالمني بيه
    ماي انته ومباريك
    بثنين اديه
    ==============
    سهران افكر بيك
    ماشايف النوم
    وتخيلت مرسوم
    وجهك بالنجوم
    ==============
    ينراد اخلي اعيون
    بعيوني ذني
    حته اگدر ابچي اعليك
    من تمشي عني
    ==============
    هدني التعب يفلان
    والهم أكلني
    من غيبتك لليوم
    محد فگدني
    ==============
    نمت آنه عالتبريد
    حسبالي أغفه
    نار المحب بحشاي
    ماترضه تطفه
    ==============
    أصفن واعد انجوم
    وايدي اعله خدي
    هم غربة هم افراگـ
    هم ولفي ضدي
    ==============

    جبار
    عضو مشارك
    عضو مشارك

    ذكر
    عدد الرسائل : 35
    الطاقة :
    50 / 10050 / 100

    تاريخ التسجيل : 28/11/2008

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف جبار في الإثنين أكتوبر 04, 2010 10:27 pm

    عاشت ايدك يالحنون
    صدك ما ينعندن
    ما شاء الله موسوعة كاملة مال دارمي
    مشكور ما قصرت كفيت ووفيت
    نرجو منك المزيد

    أسير الحب
    عضو مجلس ادارة
    عضو مجلس ادارة

    ذكر
    عدد الرسائل : 3585
    العمر : 31
    العمل/الترفيه : مهندس كهرباء
    المزاج : متفائل وطموح ومرح
    الطاقة :
    70 / 10070 / 100

    الجنسية : ابن الرافدين
    تاريخ التسجيل : 21/07/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف أسير الحب في الثلاثاء أكتوبر 05, 2010 3:42 am

    شنو من انت ؟؟؟
    دارميات روعه والله وكلهن طاكات
    عاشت ايدك اخي العزيز الحنون
    بس نصيحة مني الك حاول تقسطهم علينا
    أحسن مما تنطيهن كلهن لأن كثرتهن تفقد جمالهن
    وتخلي القاريء يتعاجز يقراهن كلهن
    فكلما تقلل تكون قرايتهن ادق واحلى


    تحياتي لك عزيزي
    الشاعر أســـــــير الحب


    _________________

    ابوسيف العويسي
    عضو مجلس ادارة
    عضو مجلس ادارة

    ذكر
    عدد الرسائل : 5588
    العمر : 46
    العمل/الترفيه : شاعر شعبي
    المزاج : ترف ومتفائل
    الطاقة :
    70 / 10070 / 100

    الجنسية : عراقي ابن بابل
    تاريخ التسجيل : 16/08/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف ابوسيف العويسي في الثلاثاء أكتوبر 05, 2010 4:03 am

    تسلم العزيز الحنون
    مبدع وعاشة ايدك






    تحياتي
    ابوسيف العويسي


    _________________




    حسن الموسوي
    عضو جديد
    عضو جديد

    ذكر
    عدد الرسائل : 10
    العمر : 37
    الطاقة :
    0 / 1000 / 100

    الجنسية : عراقيه
    تاريخ التسجيل : 06/10/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف حسن الموسوي في الأربعاء أكتوبر 06, 2010 11:39 pm

    تسلم العزيز الحنون

    عاشق الوهم
    عضو ذهبي
    عضو ذهبي

    ذكر
    عدد الرسائل : 2608
    العمر : 36
    العمل/الترفيه : مصور
    المزاج : حسب الاجواء
    الطاقة :
    70 / 10070 / 100

    الجنسية : عراقي وافتخر
    تاريخ التسجيل : 29/06/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف عاشق الوهم في الأربعاء أكتوبر 06, 2010 11:50 pm

    عاشت ايدك وتسلم على هذا المجهود تحياتي لك

    عالساعدي
    عضو جديد
    عضو جديد

    ذكر
    عدد الرسائل : 4
    العمر : 59
    الطاقة :
    0 / 1000 / 100

    الجنسية : عراقي
    تاريخ التسجيل : 15/10/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف عالساعدي في الأربعاء أكتوبر 27, 2010 3:15 am

    شكرا الك اخي العزيز على هل مجموعه الجميله من الدارميات ---تقبل تحياتي
    عقيل الساعدي

    جاسم
    عضو مجلس ادارة
    عضو مجلس ادارة

    ذكر
    عدد الرسائل : 2204
    العمر : 43
    العمل/الترفيه : صيانة حاسبات
    المزاج : حزين على وطني
    الطاقة :
    70 / 10070 / 100

    الجنسية : عراقي
    من هواة الشعر الشعبي
    تاريخ التسجيل : 18/04/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف جاسم في الجمعة أكتوبر 29, 2010 5:06 am

    سلمت يداك اخي الغالي


    لك مني اجمل التحيات

    حيدر الحلفي
    عضو جديد
    عضو جديد

    ذكر
    عدد الرسائل : 1
    العمر : 36
    الطاقة :
    0 / 1000 / 100

    الجنسية : iraq
    تاريخ التسجيل : 05/11/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف حيدر الحلفي في الجمعة نوفمبر 05, 2010 6:50 am

    وللك مشكوررررررررررررررررررررر حبي

    زهرة البنفسج
    عضوة ذهبية متميزة
    عضوة ذهبية متميزة

    انثى
    عدد الرسائل : 876
    العمر : 39
    الطاقة :
    0 / 1000 / 100

    الجنسية : عراقيه
    تاريخ التسجيل : 04/08/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف زهرة البنفسج في الجمعة نوفمبر 05, 2010 4:16 pm

    تسلم وعاشت ايدك اخي الحنون
    صدك ماينعدن
    نتمنى تواصلك معنا


    تحياتي لك
    زهرة البنفسج

    اخت الجميع
    عضو فضي
    عضو فضي

    انثى
    عدد الرسائل : 267
    العمر : 31
    العمل/الترفيه : طالبة
    المزاج : متفائلة ومرحة واجتماعية
    الطاقة :
    50 / 10050 / 100

    الجنسية : عراقية
    تاريخ التسجيل : 18/07/2010

    رد: احله دارميات الكم حبايب ومتعبون بالتجميع لان هنه مينعدن

    مُساهمة من طرف اخت الجميع في السبت نوفمبر 06, 2010 6:35 am

    عاشت ايدك الحنون والله ماشاء الله صدوك مينعدن
    تحياتي اخت الجميع

      الوقت/التاريخ الآن هو الجمعة ديسمبر 09, 2016 9:26 pm