خاف احجي ويكَولون سّب الحكومة
كفاره يطّي النوب يرهن إهدومة
ذب شصّك وبعدين تصفي القضية
لو سجن سبع إسنين لو تطّي ديّة
مرت علينا إسنين بس نسمع أخبار
بلكَي إنقلاب إيصير والطاغي ينهار
ما قصّر الله إبهاي ودّه النغل بوش
داس إبطن صدام وتفلش الحوش
خابرت أمي إبساع يايمه وينج
باجر نرد للبيت خل تكّر عينج
هلهلت يم الباب وإلتمت الناس
مبروك ألف على الخير راح إبن المداس
من غبشه كَبل الناس راحت على السوكَ
جابت حضن صمون عود إنّه ريّوكَ
شعلت بخور النوب وتبخر الدار
عام ونص إمتانين والقوري بالنار
أيسّت والأيام طالن عليها
وردت مثل ماجان تصفج بأديها
فرحتنه بالتغيير طلعت حلم
نوم مثل السراب وراح مايبكَه للدوم
كَلنه الفرج والخير والحظ إجانه
مثل الي راد إكرون كَصوا إذانه
كَالوا بعد سنتين ونوزع إبيوت
تاليها حتى المات ما عنده تابوت
كَيّفنه كَلنه نصير مثل الإمارات
ماي وضوه وتبليط مو بس قرارات
حجّتهم إستقرار مامش بالبلاد
تانونه عشر إسنين ونضّوي بغداد
ننتظر عشر إسنين نحمي إعلى جوله
نتعارك إعلى إبريج ما عدنه لوله
جا ولكم شتردون غير المسيرات
يتنفس الجوعان حي بعده ما مات
رحمه العلم سواه مجلسنه لونين
إقماشه من باريس وفلوسه بالدين
إمبارك وعالخير هاي العداله
صبح ومسه يغنون عالبرتقاله
إلنوبه خاف التين من يسمع إيغار
وبساحة الفردوس يحتج على الصار
نومتنه هاي إهنا للجمري يهواي
لمّن يرد إردود ويغرب الماي
تحياتي للجميع
أســـــــــــــــير الحب
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد