أ شترسم يا قـلم من صوره تبديها * بيد الشوكَـ للمحبوب تهديها
***
أرتباك أصبح أبين القـلم والتفكير * القـلم ينتظر وحي الفكر بيه ايسير
وعلى حيره الفكر محتار بالتصوير * ما يدري بيا صوره اليجي بيها
***
أستمد الفكر من وحي الموده الراي * وفلم من الصور يعرض على عيناي
هاي الصوره يا صوره الردت من هاي * أخذ منها اليكَع تفكيرك أعليها
***
أريد أمعن أبكل الصور وأطلع * يا صوره العليها ناظري يوكَع
أريد أختارها أبكيفي أجل وأبدع * صوره التسحر الناس أبمعانيعا
***
ألمحتها وأغشت الناظر أبظي الخد * وتصلَب بالفراسه كَلبي وأجلد
مع هاي الفراسه والعزم والجد * المفاصل ترتعش حين الأصد ليها
***
سبحانه المصوره صحت سبحانه * أكمل صورته والقدره برهانه
الفواتر ناعسه وللقتل يقظانه * بالأم والأبو العشاكَـ نفديها
***
جذبتـني أبحسنها والحسن جذاب * وجنها أتحسست بالدهشه كَلبي أنصاب
أخذتها العواطف علي والأهداب * من يكَدر يصل ليها أو يدانيها
***
غدت تكسر جفنها أتريني أكَرب * أشوف الطرف ناعس لاجن أتهيب
نبل الهدب أمني أو غده عكَرب * زلفها اليحرس الوجنه أو يباريها
***
تباوكَني غدت بالشوف مكَصدها * تشاهد حالتي وخلها تشاهدها
أهاب الحارس اليحرس على خدها * المنيه أبلسعته منهو اليدانيها
***
أبأنابلها غدت تحبس عجاربها *أمين أخشى بعد هَميت أجاربها
ماصد لنها تتحرك ذوايبها * أفاعي أعله الصدر وأخشى من أفاعيها
***
تنظر ما تحسسني أبنظرتها * أجفلت شافتني وأبدت عطف بشرتها
غدت تجمع ذوايبها أو شمرتها * فوكَـ أمتونها وعن عيني تخفيها
***
بعد ما ظل خطر ما بينها أو بيني * كَمت أنظر محاسنها أبكل عيني
أحذر من تشيل الجفن ترميني * وأنه أبشرهة جفنها كَمت أداعيها
***
دع جفني تناوبني أبلطف أنعس * أنظر للمحاسن زين وأتفرس
الثغر وصفين يجمع دورة المحبس * وخمرة عاشكَـ أبنشوته أو صافيها
***
قبلت الثغر عامد بلا ترديـد * وعليها طحت متعشكَـ ملاك الغيد
أيدي أعله النهد صارت وثاني أيد * أعله ركَبتها تساقيني وأساقيها
***
من ظميتها الصدري الكَلب يلهب * ومن تقبيل خدها ردت أشافي الصب
جفلت والعركَـ من خدها يتصبب * غدت تمسح رشح الخد بياديها
***
أنشدتها عن عركَـ خدها الغده يرشح * نادتني أبعواطفها وأهي تمسح
أناء الورد خدي والظرف ينضح * أشمابي والظروف أنضحت ما بيها
***
أنشدتها عن عمرها أبنشوتي أوسكري * كَالت أربعه أو عشره بلغ عمري
أحسن كل علامه أنهود البصدري * ألتمسها أو بالمس لتجور راعيها
***
أربعه أم الملاك أصبحت حصتها * من صوت النبي داود نغمتها
ومن لقمان حكمتها أو صورتها * من يوسف أو عفة مريم أعليها
***
وعلي صبن أربعه أبنارهن معطوب * حسرة يونس أنظرها أو صبر أيوب
وحسرة اَدم لجنته أوحزن يعكَوب * هاي أربعه أو ذيج أربعه أتساويها
***
حلت بالدليل أو غيرها متحل * يعاذل كَوم دوك أعذل أشما تعذل
سخافة راي روح أمن الجسم تفصل * ما يفصلها غير الذي أمسويها
***
ما تدري أبدليلي بيمن أتولع * وعلى كرسي الحشه يا هيكل أتربع
يوسف لو أنامل بالحسن كَطع * هاي أتكَطع أكَلوب أشيجاديها
***
غدت تتنقل او حست أبغايتها * وجدم ما يستقر ألها أعله فرحتها
ما أدري غدت تركَص أبنشوتها * يولا نار كَلبي تحت رجليها
***
عارضني العاذل مادره أبكَصدي * وينشدني على الهفه الغدت عندي
كَتله صغت صوره من ذهب جبدي * خطها القلم وألصاحبها أوديها
***
غده يعذلني أو صديته أبيدي * أخترت هالصوره ناديته بكل جهدي
ودي تنقبل يا عاذلي ودي * أتجاه الصوره البارزه أبناديها
***
ماتدري أبها الصوره الغدت تلمع * صورة علم وأبمعناها تترفع
مجموع الصور تحتاجها أوتخضع * الهيبتها أو محاسنها أو معانيها
***
ماجيت أبقياس أو شبه من فنها * ولا أسبق أبها الصوره أو محاسنها
أجت هالصوره تترجه الطف منها * لرباب العلم تحمل تهانيها
تحياتي لجميع
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري