قصة حب على شكل دارميات
ااكو فد شخص ينتظر بنية تروح تجيب مي من النهر..يومية..وبهذا اليوم قرر يحاجيها...وكال..
حني يبنت الناس مرة على حالي***صدكيني آنة اهواج وانتي بخيالي
ردت عليه..وكالت..
لاحن ولااهواك ماعرفك آنة***لاتحجي بعد وياي كافي ميانة
رجع المغرم وكال..
ما اكدرآنة انساج صرتي انتي روحي***وبلمسة ايدج هاي تذبل جروحي
جاوبتة البنية بهذا الرد..
امشي يخوية وروح والعن ابليسك***مو سلعة آنة وجاي ياخذني جيسك
جاوبها المغرم..
مو سلعة انتي ادريج انتي حياتي***واتمنى يمج كون يحصل مماتي
كررت البنية كلمة خوية وجاوبت..
كافي يخوية وروح وابتعد عني***تلكة بنات هواي حتى احلى مني
كال المغرم..
من بين كل الناس كلبي يريدج***وسلمت هاي الروح ياحلوة بيدج
بدت تمل كلامة البنية وردت..
أيس يخوية وروح لاتاذي كلبك***ماريدك وماريد ياخذني حبك
رجع صاحبنة المغرم..وجاوب..
هيجي يبنت الناس صعبتي امري***دمرتي حلم الروح ضيعتي عمري
ضاجت البنية حيل وجاوبت بعصبية..
ماريدك وماريد كربك الية***آخر كلامي وياك حبتك حية!!!
رجع المغرم بعد الصدمة...وكال..
اقبل كلامج هاذ بس ما اعوفج***يومية اجيج هنا ويومية اشوفج...!!!!
رجع المغرم يمشي على اعصابة
ورجع يتمنى قبولها........بس هالمرة منو بدا يحجي؟؟؟؟
هية بدت بالكلام...وكالت...!!!
ها خوية شو رديت شنهي القضية......مافاد حجيي وياك ذيج المسية
جاوبها المغرم بلهفة...
رديت الج مشتاك صدكي يحلوة........عتني عليج الشوك مو بيدي كوة
طلعت البنية بعد كل هالهوسة تحب الصراحة!!! وكالت...
سولفلي قصتك كول حلوة الصراحة.....انتفع بيها هواي واشعر براحة
سولفلها صاحبنة المغرم بصراحة تامة وكال.....
حجيي الصريح وياج آني هويتج........واليوم اجي خطاب واتعنة بيتج...
من سمعت بيها خطوبة البنية.....لانت شوية....وكالتلة كلمة...عيني!!!!
هالكد يعيني تفيض شوك ومحبة......طيب وعلى الاخلاق كلبك تربّة....
خطية مغرمنا.......بدة ينتظر الرد الصريح....وكال...
ها يابعد هالروح ما جاوبيتي.......كافي شلاع كلوب كولي رضيتي...
جاوبت البنية...
والله رضيت اهواك اسرني حبك.......واتمنى اعيش وياك واتمنى كربك
جاوب المغرم بعد كل هالعذاب....فرحان ومرتاح...وكال...
همي يحلوة انزال من هالمودّة.........غيم الحزن والآه بيدج تعدّة...
ضحكت هية وكالت...
يلة دشيل الماي خلينة نمشي......صرنة اهل واحباب وانتهى كلشي
ارجوا ان تنال اعجابكم
والله يكون بعون كل عاشق وولهان
يعني المثل حالاتي
تقبلوا تحياتي وسلامي
سمير الجغيفي
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري