تموتني بجمالك لمن تفوت

لا تطلع حبيبي هواي بالصيف
لأن من الشمس خافنك اتموع
تفر بالسنه مره الشمس عالناس
وعليك اتدور كل ايام الاسبوع
الك بستان عمري اشكال الوان
تگطع ما يعجبك كلشي مشروع
واجيت استغربت ما گاطع اي شي
ومنرديت اثاري النفس مگطوع
تموتني بجمالك لمن اتفوت
وتضل روحي تون وتصيح وتلوع
واگولن اشتريك ابيش ما جان
والگه بلا سعر لك اني مبيوع
بيدك تذب بيه النار وتزيد
وتشب بيه المواگد بين الضلوع
واجيت بأيدي احرگك واخذ الثار
وثاري بأيدي عالگ عشرالشموع
كلامي تسمعه كل الناس وتخاف
وما اذكر سمعت بيوم موضوع
بس انت عكس .. حجيي تخلي
وعله حجيك اگلك صارمسموع
العسل صافن عليك وصچّم اشفاف
انه بأذني سمعته بصوت موجوع
گال لشفتّك اخرب عالوياج
دحني اعله العسل موكاتله الجوع
الشي من ينمنع ترغب اله الناس
يعني اصل المنع بالرغبه مطبوع
بس انه رغبتك وانت مسموح
عجب رايد عليه تصيرممنوع
الك عندي گلب ما عاشگ انسان
ولا نزّل ابد عد غيركدموع
اخذه وبي ضمان ايام وسنين
اذا گبلك عشگ يا الغالي مرجوع

ههههههههههههههههه هاابو سيف اختلفنه على كيفك
شكراً لمرورك ياراقي اما الاخت مي شبسرعه اتضامنتي
انتي وابو سيف عليه شنو محضره نفسج ماصدكتي احد حجه
عليه يابه انتم على كيفكم هي شبيها الدنيا بس
معذورين صرتوا شياب اني روحي شبابيه انتم خلص وقتكم
تحياتي لكم احبائي لاتزعلون من كلامي