للغالي بس مو مالت ابو علي مالتي ههههههههه

نسولف بيك لاخر لحظه بالليل
وترد من الصبح تشغل فكرنا

شكثر كبلك شفت ماعجبوا الروح
ولا بغيابهم كسروا ظهرنا

منين انجيب مثلك حتى ننساك
ومنو المثلك يعوض لو خسرنا

الشبه كل اربعين حجايه تنكال
واذا واحد يصح جان انتظرنا



تحياتي لكم

وانتي السالمه يااغلى صديقه واعز اخت
زهرة منتدانا نورتي متصفحي يامبدعه

**كلبي ماهوئ غيرك وردلاك**
** اجيك وشايل ابأيدي وردلاك**
** كون اعضام اتعنة وردلاك**
**اذوب بحبك الحد المنية **

اخوكِ
كريم الفتلاوي

ميوشه الراقيه والذواقه شكراً
لهذه الكلمات الرائعه عزيزتي
وجودكِ في متصفحي زادني فخراً
وفرحاً وسروراً وابتهاجاً شكراً
لمروركِ واجاوبج بهذا الزنجيل
*******


حبي انفضح لاجلك صار شعلة
وانة النورت دربك صار شعلة
اشعلة الكلب رايد ؟؟ صار اشعلة


اقفلة الكلب لاجلك ؟ صار اقفلة
ولباب الكلب حبك صار قفلة
اكوم لحسن عينك؟ صار اقفلة


اصد الشمس عنك ؟ صار اسدها
ولبحيرة كلبي حبك صار سدها
يلبوة حسن كلبي .. صار اسدها



الاسد لو شاف طولك صار حرمة
العمرك عمري اتلفة وصار احرمة
احرم شوف غيرك ؟ صار احرمة


اعلة موتت شوفي اعينك ؟ صار اعينك
ويكلبي بنص ضلامك صار عينك
تريد بروحي اعينك ؟؟ صار اعينك


شعين بية كلبك صار اداري
وية ظلك انة ساكن صار داري
حبيبي بروحي اخدمك صار اداري


حديد الكلب لاجلك صار فضة
العتب وياك اختمة وصار افضة
افضلك دمع عيني ؟ صار افضة


ونزل دمعي اعلة خدي وصار جاري
وانة الاجرت كلبك صار اجاري
اجاري عناد روحك؟ صار اجاري


اعلة روحي اتريد اسيرك ؟ صار اسيرك
وكلبي بقفص حبك صار اسيرك
عذابي ايسر جنابك ؟ صار اسرك


حبك حكم كلبي وصار ابوية
وصبغ كل هذا حجيك صار بوية
اسكت ما اعاتب ؟ صار ابوية


عليك اتريد اسلم؟ صار اسلم
ورتقائك كلبي غاية وصار سلم
اسلمة الكلبي بيدك ؟ صار اسلم


تريد بكلبي اقدسك ؟ صار اجلك
واذا انتة الكبر مسك صار جيلك
زحف رايدني اجيلك ؟ صار اجيلك


واجالك زحف كلبي وصار طفلك
وطفي بشفتي نارك صار اطفلك
مقام اتريد ازورك ؟ صار اطفلك


بشعرك طاف كلبي وصار مشرك
وريدي بحبل شعرك صار مشرك
حرام ادكلي تشرك .. صار مشرك


شركت وهسة حبك صار ديني
وذنب حبك خطيتي وصار ديني
شخصك هسة جاني ..وصار ديني !!


شوكت تدريني مشرك ؟ صار مدة
وجرحي بدم غيابك صار مدة
بطولك جرحي امدة ؟ صار امدة


جرحي بكبر طولك صار طولة
وتكلي شوية طولة . صار اطولة
اذا انتة النجم رايد ؟ صار اطولة


حبي شعمرة تسال ؟ صار قبلك
وينار بشفتي ابوسك صار اقبلك
يكلشي بكلشي اريدك صار اقبلك


تريد بظلي اشوفك؟ صار اشوفك
وبشمع عشر الاصابع صار شوفك
اكشف كلبي اشوفك ؟ صار اشوفك


خلص كلبي بيدك صار خالي
وانة الخاويت كلبك صار خالي
تغلط وابقة ساكت ؟؟ صار خاللي


شكلك وانتة ابوية وخال الية



تحياتي لكِ

تسلملي ابو علاوي الورده انت الرائع
والمبدع والراقي بكل شيء شكراً لك
الغالي ابو جواد هذا اطول من حرب
ايران بس قصتك اطول من الحصار هههههه
نورت متصفحي يامبدع تحياتي لكم