((صرخة الماء))
*****
صاح الماي // بعالي الصوت // ياناس ودّوني
يم حسين // كَبل الموت // أرويه خلّونــــــــي
هذا أبن فاطمه
أبن حامي الحمه
صاح الماي // صاح الماي
************
أطك جرفيني وأشربه حتَّه أتبارك بشفته
وغسل الدم وهموم وكَلبه أروِّيه ومهجته
آني لسمه الله خلقني ومن يكَول عليَّه خنته
كطراتي لجله أتكونَّت
كطره أعله كطره أتجمعت
حته الشريعه اتحزّمت
توصل الحد خيمة أخته
عهدي اليوم // أبد منساه // لجروف جفّينه
نور الكون // آنه وياه // خالقنه بارينه
نورعرش السمه
أبن حامي الحمه
صاح الماي // صاح الماي
************
فرحت من عباس أجاني حضنت جفّينه وجوده
بفرح راح أوصل خيمهم والعده أتعدَّه حدوده
حسين من يتهنَّه أهنه بكَلبه أعرف وبصموده
عباس منّي ماشرب
كمت آنه أفور من الغضب
تالي عرفته للسبب
من وفه الحادي بوعوده
أعذرني // ياوفّاي// بجودك ماظلّيت
ياعباس // ياحمّاي // منّي متروّيت
بجفَّك الغامنه
أبن حامي الحمه
صاح الماي // صاح الماي
************
ياغيوم السمه وينج روحي لخيامه بمكاني
أمقيَّد آني بالعاكسر جروفي هم ظلَّت تعاني
زخّي مطرت صيف ألهم وسولفي عنّي وشجاني
للكاع أشكَهه ونحره
وألحكَه سبع الكنطره
لاجن شوصفه للجره
بطيحته سهم ورماني
طاح حسين // كَلبه أنصاب // لو أوصل يمَّه وأرويه
الماي ينوح // شمعه ذاب // أحتار الياجرح أيداويه
روَّه فيض الدمه
وبن حامي الحمه
صاح الماي // صاح الماي
************
للعطش صرخات تصرخ واليداويهه صبرهه
موبعيده أطفاله عنِّي أكَدر أرويهه وأسرهه
والشمس ويّاي تطلع يمشي ويّايه فجرهه
نوصل لعد سور الحرم
ونجيب ويّانه العلم
ونروّي أطفال وحرم
وحاير أنصير الخدرهه
نواسيهه // وتواسينه // بطيحة أبو اليمه
بالدمعه // الحزينه // والوافه أله الذمه
بجَّه حته السمه
أبن حامي الحمه
صاح الماي // صاح الماي
************
راح أبقه بحسره والهم وروجي دمعاته اعله جسمه
حاله ماأكدر أوصفه عله وجه الشمس رسمه
ريت أتبخر ولاظل بحب ابو السجاد أَسمه
الريح لو بيَّه تهب
ومن بين جرفيني أنسلب
ماشرب منّي الياذنب
وآني متسجل بأسمه
اشرب ماي// ياعطشان // بلّغ سلآماتك
صيح الثار// بالاحزان // أرفعه راياتك
بطلعته الحاسمه
أبن حامي الحمه
صاح الماي // صاح الماي
********************************************
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد