((السجاد والصاحب))
********************
الصاحب ** الغايب ** مر وشاف السجاد
مهـــموم ** هل اليوم**يدفن وحده الاجساد
بصدره صبره – بعينه عبره – الهذا امره – عونه وفزعه ينراد
*****************
گصد أرض الغاضريه ** وبيقينه وعلمه يــــــــدري
هنا وگع ابن الزجيــــه ** هنانه صاح انكسر ظهري
يعرف بهاي المصيبــه ** وبألم دمعاته تجـــــــــري
وصوت من عالزينبيه ** الحره تنخه ضاع خــدري
ينهار ** يحتار** ياجثّه العين تشوف
احباب ** غيّاب ** مذبوحه بحد سيوف
وينه عنها ** من دفنها** صوره منها** كل يوم عليه تنعاد
**************
ينشد مخيّم الحـــــــره ** ويسأل انصار ابو اليمه
عن ليالي العشره مرّت** شلون كل واحــد وهمّه
يسمع اخبــــار التسّره **والشمس تكشف الظلمه
خاوة الكـــــــــل المنيّه **والفده لحســـــــين دمّه
آهــــات** ويـــلات **صبحه باجر لوصار
أيطوف ** ويشوف ** أسهام وخيل ونــار
من رحمها ** من ألمها** من هظمها** شده عليهم تزداد
******************** *
كلنه ندري هوَ حاضــــر ** لكن أنصوّر الحالــــــه
روحه بين الجثث تمشي ** وصورة الموقف گباله
وي العليل أيهم گلبـــــــه **يعينه الله وهذا حالـــــه
عينه تنظـــــر عالشريعه ** جسد متگطّعه أوصاله
حسرات ** ونات ** والخاطر ظل مكسور
بونّـــــه ** تمنّــه **ريت وياهم منحــــور
بقتداره ** ياخذ ثاره **بالاشاره ** من زمرة هالاوغاد
***************
علم عد حيدر وصينه ** الف باب البـــاب تفتح
توارثت علمه ألأئمــه ** رادت بهل العلم تنصح
أمَّة الهادي نبينـــــــه ** خانته ولحســــين تذبح
وحق رب العرش أقسم**مثل هل الملّه متربــــح
لحسين ** الدين ** ذمه برگاب الگوم
لحساب ** وكتاب ** يتوّفه بذاك اليوم
بالقيامه ** العلامه** والندامه** ماتنفع كلمن عاد
**************
الصفا والمروى رسمها** بين عباس وأخيّـه
وصيّه من جـــدّه محمد **ليوم نفذها الوصيه
بير زمزم لبو الغيــــــره **ولسكينه والرقيــه
قبلة اصحاب الضمائر ** كربلاء الغاضريــــه
افكار** انوار**أتشّـــــــــ ـع بين الناس
خـوّه **مروّه** دروس حسين وعباس
من رسمها**يرف علمها** ثوره دمها** من ابطال وأفذاذ
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري