منين اجيب العافيه واركض وراك
وبيّه حيل ألبس قيافه واستعد
ومن تمر عل الباب ألم كل الزهور
آنه وياهن نقدملك ورد
وجبه حسنك طبت وماضن تعود
خلّصت كلش بعد ما تنوجد
بكثر ما خايف عليك من النفاذ
ما أبذّر شوفتك كَمت اقتصد
اسأل امك كون شنهو تريكَيت
مو لأن بطران بس عندي قصد
شلون زبده تريكَت وانته الريوك
آنه ما شايف زبد ياكل زبد
كون (ابن سينا ) عدل جان استفاد
واستغل حسنك دوه الكل العلل
يجوز لاسباب (الضغط) يلكَه الحلول
بس مجرد نظره منك ينعدل
مو بعيده( السكّر) بشفتك يطيب
راح يتوازن اذا ضاك العسل
خوب هاي بنظرة اعيونك تطيب
النشله والقالون والدم والشلل
للاسف ما مكتشف كنز الجمال
انشدهنه بوصفك وطال الجدل
وبالنتيجه امبارك اعلينه الخيال
شغلة انشوفك بعيده اعله العقل
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد