اخوتي واخواتي الاحباء ....
حصل لي موقف بالامس مع شخص احبه كثيرا
فكتبت هذه الابيات من قصيدة طويلة ... ارجو اطلاعكم
ورأيكم الجميل مع شكري الجزيل سلفا
سمعتك من كلت يمكن احبك دوب
وقفل كلبي انكسر وابوابه مفتوحه
وكلتلي ما اصدك راح احبك ليش
معقولة بغرامك تدمل جروحه
وانا الماصدكت منك سمعت اهواك
هم يحجي القلم ويغير اللوحه
وركض نبض الكلب ويبشر الروح
يكوللها الولف كاصد الي بروحه
ونشف دمع العيون الكوّن الشلال
وجبل خدي اخيرا يبست سفوحه
وشفت خضر ورد جي لن نسيمك هاب
وعطر بالكاع دب وذاب الملوحه
يانجم الدلال شلون بيه اتعيل
واني اعرف دلالك لو بعد شيلوحه
تتمرجح لهو وتدري الكلب ولهان
مو كتلك حرام يصير مرجوحه
أجمع بالفرح واطرح حزن وياك
وبالناتج لكيت افراحي مطروحه
ابد مو خالي سرك ليش مكتوم
متكلي شوكت حبك الي تبوحه
انه بكل يوم ادك بابك وارد فشلان
ولا ممكن املها الجيه والروحه
يمحبوبي المحب مايترك اليهواه
وتره العاشك تظل دمعاته مفضوحه
تحياتي للجميع
الشاعر لؤي عباس المهندس
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد