ياترف بعد ماشيلن قهر ولاهم
لااحنه رضينا بحكمك ولا هم
ارد اصيرن من جنودك وولاهم
ايكون الجنابك حد المنيه
بالحب اركض وراك وجاريك
وجيب بيتي يم بيتك وجاريك
اعزم منطقتك كلها وجواريك
وكلهم جاري محجوز اليه
ربيع انت وانا جيتك رحله
كلبك صفى صف وانا بيه رحله
جيراني اطلعه من بيته ورحله
ونكعد بيته اثنينه سويه
متكفيني بمدحك صفى ولاسمه
ولايبعدني عنك كاع ولا سمه
لااسمي جى بالحب ولا سمه
وانا المتأكد من حبه اليه
لجلك وكفت ناس وساده
وشربوا الكهوه مره وساده
شحطولك افراش جودليه وساده
لو يشيلوهم وتنتجي عليه.
واكلهم حكي اريدنة وثاري
لان يمكم لكوجثتي وثاري
ابنكم هوة كاتلني وثاري
دفني وما يريد يدلي بية
لجلك اعوف الناس وخاصم
وليجابهك اعتبره ند وخصم
كلبي للبيع وانت لك خصم
من عندي ميه بالميه
حبيبي من اشــــوفه ايدير وجهه
احس نيران وسط احشاي وجهه
كلامك بالــــــــــعتب وياي وجهه
حته اعرف كــــــلامك يعني اليه
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد