زيــنـب هـالمسه زيــنـب ****** يويلي شلون حــالتـها
تحجي بحزن ويه حسين ****** وعــلخــد تهل دمعـتها
كعدة حايره الحره **** بنت المرتضه حيدر
تحجي ويه ابو اليمه حسين **** وكلبها من الحزن جمر
تكله حسين يبن امي **** علينه اجتمعت العسكر
نيتها يبعد اختك ****جنها ناويه عله الشر
تكله والدمع يجري ** خويه يابعد عمري ** يبن حيدر حرت بامري
علينه لو صبح باجر **** شنهي الكوم غايتها
شنهي غاية العدوان **** يبنمي لو أجه باجر
من هل الكوم روحي تلوب **** يخويه والكلب حاير
أشوف العسكر من بعيد **** يجــمع خاين وغادر
ريته لا أجه عاشور **** ولا هل يومه العاشر
ريته ما أجه هاليوم ** وأشوف وجه هاي الكوم ** يبن الطاهره لمظلوم
اهل كوفان معروفه **** خويه الغدر عادتها
يبن المرتضه نادت **** اهل كوفه غدرها امجيد
تراهي غدرة بحيدر **** وأخوك ومسلم الصنديد
ونكرت بيعتك يحسين **** وهواها صار ويه يزيد
يبنمي خايفه منهم **** وكلبي من الوجل ميهيد
دلالي كثرة حسباته ** زادت وسف دكاته اخاف اتزيد لوعاته
ماهي رجال يبنمي ***** راية شر رايتها
خويه وخايفه انصارك **** بالشده يعوفونك
وخافن لو صبح باجر **** بين العده يخلونك
يخويه وساعة الشده **** تنادي ومايسمعونك
وتظل وحيد يامظلوم **** حاير شابحه عيونك
تحاجيه بكلب مجروح ** مرعوبه تراهي الروح ** عن عيني اخاف تروح
وتبكه خلافك العيله **** حال الضيم حالتها
صاح حسين يازينب **** يبت حيدر علي الكرار
هذوله ارجال اهل شيمه **** وما بيهم نذل غدار
رجال البايعت حيدر **** لبن بنت النبي انصار
تضحي رواحها لحسين **** لون الحرب باجر دار
موقفهم يشيل الراس ** أنصار وأهل نوماس ** يا زينب يخت عباس
يختي الوفه عادتهم **** ونصر الدين غايتها
دمعت عينها الحره **** وكالتله ينور العين
يخويه الجيش هذا الاف **** وأنتم واحد وسبعين
لون صار الحرب باجر **** وحوطتنه العده صوبين
اوصاب اصحابك المكروه **** وانته تصوبت يحسين
يبنمي أظل وحدي ** ولا والي يظل عندي ** وعداكم تصل حدي
ويحركون الخيم يحسين **** وأختك تشب خيمتها
لطمت علوجه زينب **** ونادت ريت خويه افداك
وحيده وحايره أبكه **** يبن الطاهره بلياك
يخويه وخايفه اطفالك **** تسحكهم خيول اعداك
تناديك الحرم يحسين **** أخذنه للحرب وياك
تروح وبعد ما ترجع ** أشوفك علثره مكطع ** أنادي عليك ما تسمع
وتبكه حايره العيله **** بعد وليان ما عدها
تعنت يم أبو فاضل **** زينب والدمع سجاب
للخيمه طبت اونادت **** خويه يبن داحي الباب
أجيتك من اخوك حسين **** ومن الحزن كلبي انعاب
يخويه الخوف من باجر **** يراوين شجم امصلب
صاحت ياضوه عيوني ** وحدي لا تخلوني ** أخاف الكوم يولوني
آنه زينب يخو زينب **** وحيده ولا ولي عدحا
ناداها ابو فاضل **** يبت حيدر على هونج
لانبجين يمخدره **** عزيزه دمعة عيونج
أحميج بنظر عيني **** وضحي الغاليه دونج
يازينب آنه موجود **** اشحده اللي يصل دونج
يخت عباس لاتبجين ** تفديج بنظرها العين ** الرايه اوسيفي بلجفين
وأخلي الكوم بفعالي **** منها يضيع مكصدها
كفوا والله من ابن حيدر **** عباس وثلث تنعام
أعرفك ياكمر هاشم **** عزيز النفس ما تنظام
أشهد أسد بالحومه **** شبه عودك علي مقدام
كلبي خايف ومرعوب **** يخويه تغدر الأيام
أخاف الدهر يغدرنه ** وبيكم خويه يفجعنه ** ومنه اللي يرجعهنه
من بعدك يبو فاضل **** زينب من يساعدها
خادم أهل البيت
ابو حيدر القسام
عضو جمعية شعراء ومنشدي المنبر الحسيني
ذي قار
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري