قصيدة جميلة مما لامس ذائقتي
اتمنى ان تنال رضاكم
وطلبي منكم ان تكملوها لتتم المتعة
اكعد تعال وخل نتعاتب انه وياك
وخل الناس تحكم لتخليها سكته
سولف كل اللي جرى وصار
وبعد ماتسولف هم رد سولف انته
وشماعندك سوالف طلعها يفلان
وكلهم لاجل هالسوالف انه عفته
ماعندك عذر صدكني مقبول
وزرع العشك بلا ذنب دسته
ولا عندك سبب وتهجرني يفلان
وبلا عذر بنيان العشك هدمته
وماعندك سبب وتبتعد عني تروح
ورد العشق ياحيف بجفاك ذبلته
شتسولف وشتحجي بعد شتكول
تكول انه الغلطان من الاول عرفته؟
شنهو البدر مني غلط بس كول
حتى تكول لهذا السبب فاركته
ماعندك عذر مقنع ومقبول
بس طبع الغدر بيك وللعهد خنته
شو ضليت ساكت ماتحجي وك ليش
بس ماعندك حجي وسكتت فد سكته
خل احجي انه لعد وخل تحكم الناس
وتتورج ع المرار المنك اني شفته
جنت اسمعوني زين ياناس
احبه وبحبي حتى العشك جننته
ماقصرت ابد وياه ولا فد يوم
وبدمي العشك يسري وبروحي صنته
ومن نسيم الهوه جنت اخاف عليه
وبنص الكمر مرسوم اله رسمته
ياما تغزلت وكتبت بيه اشعار
وخلصن الجلمات من كثر الشعر الالفته
وان جان مجنون ليلى متعجب وكاتب شكم بيت
الاف من القصايد شعر البيه انا كتبته
جنت اتامل جمال الكون بشفاه
واتذكر الوردات من اشوفن وجنته
جنت اوصف دلال البيه
وكل جلمة تطلع وي نبض الكلب وي دكته
ضميته بوسط الكلب ياناس
ومو قفل واحد بقفلين كلبي قفلته
حبيت التراب اليمشي ويدوس عليه
وبدموع درب العشك وردات انه زرعته
حبيتك وك اكثر من الروح
والعمر لجل رضاك انه نذرته
تاليتك تقابل الزين بالشين
وبسيف الغدر كلبي وك ليش كطعته
اذا عايل احجو انتو ياناس
وخل واحد يكول الخاين انته
ماخنتك ابد والله ولا يوم
انته الخنت زادي والملح خنته
انته الكطع حبل المودة يفلان
انته البيدك ذبحت كلبي ودفنته
خل تحجي هل وادم ارضه بكل حكم يحجوه
مو تطبق بيه حكمك الاصدرته
انته الخصم وميصير تحكم يوم
وان صار الخصم حاكم يحكم اكيد لمصلحته
وقبل لا تحكم علينه الناس
اريد اسمعك كلام مني ابد مسمعته
بعد ما افكر بعشكك ولا لحظات
ماريد اتذكر المايسوه وتذكرته
بطلت احبك واسولف بيك
خسرت كلشي بحياتي والسبب انته
ومن اليوم تلكاني غير انسان
بس مو مثلك اصير يدور بس على مصلحته
راح اعشك عشك ثاني اكيد وارتاح
وابقه انته وحدك بلاعشك تبقه بحسرته
محد يحبك مثلي ويخاف عليك
انته كسرت حبي الك وبغدرك تره ضيعته
ومحد يحب الخان العشره بيوم
احصد الشوك البيدك انته زرعته
ولكم اجمل تحياتي
أســــــــــــــــــــــير الحب
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري