قصيده بعنوان جذابه لقد قطعت انياط قلبي هذه الكلمات

جذابه
لتكولين أحبك أنتي جذابه ..؟
ولاتبجين...جرح كلبي جمر مايبرد أصوابه
ما صدك بعد بدموع عينج هاي
غابه أنتي ...
وبعد هيهات أعيش انه بوسط غابه
لتحلفين...أنه وكلبي تعاهدنه
وقفلنه الباب..
وتحالفنه بعد ماينفتح بابه..
يجذابه...
صدك رف كلبج الغيري...
وحجيتي وياه...ومن عينج ترس عينه
وصحيح أبدين شوكي الكتب قرأنج
كفرتي ورحتي يم دينه...
غازلتيه...
كتبتيله رسايل شوك
أحبك هم حلفتيله
هم أنته الهوه الأشتمه كلتيله
طلعتي وياه...
باس أعيونج الحلوات
سولفلج ضحكتيله..
سهرتي وياه..سولفتي
شعر بالليل عالحب ..عالغزل..عالشوك
هم مثلي قريتيله...
هم (خصلات) من شعرج هديتيله...
هم نمتي أعله جتفه...
هم شكيتيله..
هم ( باباتي) كلتيله
هم كلتيله أحبك هم ضحكتي وياه
هم غازل الشفه الجنت أغازلهه
هم كلتيله عمري هم كعدتي وياه
هم كحل العين الجنت أكحلهه
هم كلتيله روحي
هم مشيتي وياه
هم عدل الكذله الجنت أعدلهه..
هم كلتيله ماأنساك
هم كلتيله كون أكظي العمر وياك
هم كلتيله ماأسوة ..انه بلياك
جذابه....يجذابه

حبيبي انت ماازعل منك بس ضجت عليك لان بجيت مااحب انزل
دمعة احد شكراً لمرورك بس هذا واقع للبعض وشي حقيقي
اختي زهرة المنتدى انتي الاروع وكلامكِ صحيح معظم ناسنه
عايشين بالجذب ومنشوف منهم غير بس الاذيه لكن الله
بالمرصاد شكراً لمروركِ وتحياتي لكم احبتي

انت الاروع ابو سيوفي الغالي اسعدني مرورك شكراً لك
تسلمين اخت مي اذا كنت متميز باختيار المواضيع فهذا
من فضلكم وتقييمكم مواضيعي شكراً لكِ وتحياتي للجميع