اعلان ثوره ضد الحبيب (طلايب يعني ههههههه)

راح ابتعد عنك راح واكفر بيك
واعلن ثورة ضدك واصبر بدونك
بيان اعلنت فوري واضطراري وياك
على قلبي وعيوني اليوم ينسونك
فلتسقط رموشك واذا جنهة سيوف
فليسقط جمالك.. تسقط عيونك
فليسقط عطر شعرك البي مجنون
الذوبني ونهاني وصرت مجنونك
وخدودك الجنهة من الخجل بركان
ولونك والشمس ماينعرف لونك
يسقط سجن شوكك ولك مو مليت
مامرة رحمت بحال مسجونك
شفتني لوحدي وانت جمالك جيش
واحتليت قلبي الماكدر دونك
راح ادخل حرب صبرك بدون سلاح
واشمت بيك كل المايكدرونك
واجبرك تنسحب متعذب ومكسور
واشلع ضحكتك من لمعة سنونك
والا راح افجر دمع عيني عليك
واحركهن اسرارك واذبح ظنونك
انا نطيتك عمر شمعة عذاب وليل
بس كلي الخذوك شراح ينطونك؟
فجأة اتغيرت.. لاعذر لاتبرير
ثواني بلا سبب كدرو يغيرونك
لا وكفت بعينك سالفة انة وياك
وبنعمة عشكنة كفر ماعونك
لا ذكرى عزيزة لاحلم عشناه
لا وكفت بعينك دمعة عيونك
ولو اني شربتك عسل ماظل بيك
ومااندم عليك شمايشربونك
ولو تينك بدي اثاره موجودات
وليهسة بدية اثارهة غصونك
وبعد وردة بركبتي اللون الاحمر ذاك
واسأل شفتك لو تيهت لونك
بس قلبي شيقنعة ويسكت ويرتاح
قلبي الخان بية وما رضى يخونك

ميوشه المهم هو يعرفني احبه ويعرف حتى اذا
احجي عليه لمصلحتها لتخلين عينج علينه
اذا صارت مشكله راح تصيرين خصمي موتكولين
ماكلت وبالنسبه للشباب ضحية للمجرمات
لتحجين علينه اوك لتعلنين الحرب بس اني اعرف
ليش هيج سويتي لكن يجي وقتها سيطه الج ميوشه

والله انتي ام الطلايب وقناصه وعينج بالمكان
اني لو عيوني تشتغل جان ضربت حاسبتج
هسه منريد الحاسبه حادث زغير بالسياره
يعني مقدار كسر ايد لو رجل واذا تروح
وحده من عيونج هاي يرادلها ذبيحه حتى
ولو يصير نسشانج اقوى لان تك عين ههههه

تحياتي لكِ هباوي الورده ام الطلايب

شكراً لمرورك اخي العزواي مشتاقين وين هالغيبه
تحياتي لك حبيبي

هلا ومية هلا بالعزيزه الغاليه
على قلبي نورتي الموضوع اختي
تواجدكِ يزيدني شرفاً شكراً لكِ


تحياتي لكِ عزيزتي

يابه والله موقصدي ابو ساره الطلايب ماخلتني
اشوف اعذرني يمعود ولو هي اخر ايام الي بالمنتدى
انشاء الله بعد متشوفوني بس انت حقك اجيبلك
مشيه افرش اني بخدمتك بالتامر بيه اسف مره اخرى


تحياتي لك

اولاً ارحب بك اجمل ترحيب اخي العزيز
واتمنى ان تتواصل معنا وتشاركنا في
مواضيعك ونتمنى لك قضاء اجمل وامتع
الاوقات معنا في بيتك الثاني وعائلتك
الاخرى عائله منتديات دارمي كوم
فاهلاً وسهلاً بك وشكراً لمرورك نورت الموضوع


تحياتي لك