عدنا لك يامنتدانا الحبيب

السلام عليكم
الاخوه الاحبه والاخوات العزيزات بعد الانقطاع عن بيتنا
الثاني ولا داعي لسبب الانقطاع احبتي الاعزاء لقد كتبت هذه
القصيده المتواضعه الى منتدانا الغالي ولقد قام الاخ العزيز
والشاعر المبدع كاظم السعيدي بتعديل بعض الاخطاء فيها ومن
خلال منتدانا اقدم له شكري وامتناني


صدك مانعوفك ابد لا والله
بس تعرف ظرفنه وتعرف البينه
انسحبنه وتدري حجه وهنه جلمات
وتظل ارواحنه بدونك حزينه

يابيت وتلمنه بساعة الضيج
وننسه همومنه البيها ابتلينه
دورنه على بيت وردنا ننساك
نسينه ارواحنه وتشهد ادينه

من يوم الطلعنه لحد هاذا اليوم
مانكتب شعر وتهسترينه
ودورنه وتعبنه وجذب ماموجود
بيت ايلم شملنه ومالكينه

اتصل جاسم عليه بحزن نص الليل
مهضوم ودمعته بطرف عينه
وابو سيف ويه كاظم جنهم ايتام
مثل اطفال ابوهم كاتلينه


شفت مي ويزهره وشفت وحوراء
الفرح مات ابكلبهن ذابحينه
وهبه اتكلي كريم ابيتنه اشلون
شنهي اشراعنه ابغير السفينه


كل يوم انتخابرنحجي بس بيك
وبالاحلام بس طيفك يجينه
ماجنها ابتعدنه عنك ايام
جن اسنين بعدك نار بينه

رجعنه ونعتذر منك يمحبوب
واحنه بفركتك ثق انتهينه
وبدموع الفرح رجعتنه هل يوم
ومن حكنه اعلى ودك لو بجينه

تظل واكف رمح انت ورعداك
وتدك راية فخر بسمك ورعداك
يرهب صوتك اليصرخ ورعداك
يهز اهل الحقد واهل الرديه


تحياتي لكم احبتي
اخوكم
كريــــم الفتلاوي

الله عليج اختي العزيزه حوريه نورتي متصفحي خيتي
حبيبي ابو جواد انت اخوي وتاج راسي بجهودك صارت
القصيده حلوه لتكول ماسويت شي شكراً لمروركم احبتي

الله عليك ابو ساره الورده
نورت متصفحي بمرورك حبيبي
تحياتي واحترامي لشخصك الكريم

انتي النور يانور شكراً لمروركِ اختي

تحياتي لكِ
اخوكِ
كريم الفتلاوي

الاستاذ الفاضل والاخ الراقي والرائع
رعد الاسدي بوجودك وجهودك سنعمل لرقي
المنتدى وسنبذل اقصى جهد لانجاح منتدانا
فانت خيمة منتدانا وبدون نصبح في العراء
شكري وامناني واحترامي لك على كلماتك
النابعه من القلب والتي تحمل معنى للاخوه
والصداقه الصادقه تحياتي واحترامي لشخصك
الكريم .............
الاخت الغاليه والمتالقه والذواقه وعطر
المنتدى الفواح مي العبيدي نورتي متصفحي
بكلماتكِ الاكثر من رائعه شكراً لمرورك اختي


تحياتي واحترامي لكم