أغار عليك من قلبي

أغار عليك من قلبي والعيون
لذالك انه حاير وين أشيلك

وحقي ما أجيلك انه معذور
أغارعليك مني وما أجيلك

دخيلك ربي من الموت ما اصيح
من زعلك صحت ربي دخيلك

تتكلب علي بس ما بدلك
أبدلك بيش بس انته بديلك

تتباها بجمالك انته معذور
على الأجيال بيك أتباها جيلك

عليل بحبك انه وحيل مرتاح
لأن كامو يسموني عليلك

إذا مرات أفكر أشتكي عليك
أجيك ركاض من عندي أشتكيلك

مو أحلاهم انته بس دخت بيك
وهما الأحلى بس محد حلالي

وحب من طرف واحد حبي وياك
واكل الناس بس حبك مثالي

ولحد الأن بس انته اقتنع بيك
ولحد الأن بس انته عالبالي

إذا يحجون ما أسمع شيحجون
وإذا تسكت أسمعنك ياغالي

شرجي وتخنك الريه وأشم بيك
واكل الريه يمعوده شمالي

وإذا تاكل بكلبي وما اخليك
أحس مقصر ومدري شجرالي

عليك أبجي وعلي تضحك وأزكيك
واكول شكد حنين شكد بجالي

اكلك غالي وتغلس واحاجيك
وتلبسني واكلهم كلي غالي

أحبك غير أحبك غير أداريك
غير انته الذي تبهذلي حالي

الله عليك

كلمات روعه

احسن يامتالق

ابو علي الورد


لك اجمل تحياتي

الله الله الله قصيدة بمنتهى الجمال

عاشت الايادي

تقبل مروري