ومضات من القلب

انه جيتك اعتذر رغم الجروح
وجرحك انت بكلبي خله اكبر اثر
انه من اعتذر مو قصدي انحنيت
جيت أحرجك حتى ماتلكه عذر
..............................................
علـى كلبي انكســر كلبـي امــن الفراك
وبجة كلبي علية وهـــــم كســر كلبــي
يعني الكـلـب يبجــي والكلـب مكســور
ونطـــــبـكـن عليـــة وتيهــت دربــــي
..............................................
انه مو بس عيوني افرشهه رمل
روحي هيه التنفرش لمن تفوت
كلي حاله اشلون ليودع حبيب
خفت اجيك وكبل ما ودعك اموت
.............................................
شفتك كاعد بنص كلبي مرتاح
دخلت اشلون كلي وهوه مسدود
شي واحد قنعني اشلون طبيت
يمكن هو ماكو وأنت موجود
.............................................

موجديده اعليك لوسكته مشيت
ولاجديـــــــــــــــده اعليك من تنساني
تاني كتلي ..وعالدرب ياما تنيت
ومــــــــــــن كثر ماتاني صرت متاني
انت كل ساعه تجي وبيدك جديد
ولونشدتك كتلي مـــــــــــن صحباني
انت ماعندك كلب عندك قطار
وادري بس انزل تصعــــــــــــد ثاني
.............................................
انه لومي اعله القدر عرفني بيك
خله جدمي وجدمك بنفس الدرب
معركتي وياك خسرانه أكيد
بس هيهات تحتلني و آنه اخسر حرب
............................................
من شفت الدمع سايح عله الخدين
اصدك مااصدك دمع بجــــفونك
طلع كلبك ثلج وانصهرمن الشوك
ذاب من الخجل واستقر بعيونك
............................................

تقبلوا تحياتي

صح السانك اختي الغاليه الفراشه
ومضات جميله جداااا
تقبلي تحياتي

اخجلتم تواضعي بمروركم الراقي..دمتم بخير

صح السانك يافراشه
وعاشت اناملك على هاي الومضات الحلوة