الى
محبي الأبوذية
والزنجيل
أهدي هذه الابيات المتواضعة
عسى أن تنال رضاكم
وي كلهه ارهم لجن وياك بس مرهم
يلبسمار حسنك نبت بعداك بسمرهم
متنطرينك تجي و تتعدة بس مرهم
مر شوف شنهو الحصل كسر بجمع كل هلك
ياليمك انته انتهت روحي وصفت كلهه الك
فدوة آنه اروحن الك وي كل هلي وكل هلك
بس كون اعرفك تحب شخصي وردت وصله
لاسحك جمر فركتك واجوي الكلب واصله
اعترف دربك صعب هاك الكلب وصله
وان جان ماتاخذه بس عالدرب وجهه
وانته ادره بيه الوكت نار الهجر وجهه
لاتنتظرني انتخي وكتي الكلب وجهه
ومتصرفن اعله الكلب وبنصه هم بس مله
ولاشفت منه فرح لاني الشفت بسمه اله
منه استعيذ ولذت من عنده بالبسمله
بسم الله من دنيتي بس من بعد لاصفة
لن حاربتني و صرت لامن وصف لاصفة
دلالي بيهه انتهه لا هو الخبط لاصفة
لا هو ميت و لا لمن تحسبه عدل
ولاهو عافك و لا ماشي بطريجك عدل
متعافي كلبك وانه الجنت ارجه منك عدل
تالي طلعت مشتبه وحسابي ماحاسبه
وحسيت طبعك جفه والوفه ماحاسبه
بزلاتك احسب وارد ارجع ادك حاسبه
واجمع شمل فركتك وآنه انتظر وعدي لك
يلمات كلبك ردت بيك انكتل و اعدلك
مال البخت وانتخت روحي انعدل واعدلك
لاروحي جرت عدل لاهي بدرب لافت
بذيالك اتعلكت و الهه النظر لافت
مشلوع كلبي يظل لاهو انكسر لافت
وحرف اسمك اعله الصدر متعلك بزنجيل
جنه اعله كلبي يدك وبكل وكت زنجيل
بكل قوتي اوصفك ردت بس ماكفه الزنجيل
ظل يخبط بدمعتي ظيم الوكت ويحل
ويسكن مصب الدمع طرف الجفن ويحل
لو صار دمعي بشرع حبكم مسيله يحل
للعشك حوبه وعثر كلمن يحل حرمته
ونعله اعله كل بت بشر عنهه الولف حرمته
ما تنكلب لو ولف يتغازل وحرمته
ولا تنعدل لو عفت ولفي وصرت بذات
عاش بكياني وسكن بالروح اظن بالذات
من دون كل هالخلك ليش آنه بس بالذات
من صارت اخت الصدك وصلت بحدهه لحد
وصارت عليً دنيتي بالضيك تشبه لحد
لاني انتخيت ببشر لاشاكي حالي لحد
صح دنيتي اصبحت لامن وسع لاسعه
بس الهه ماهم جدم والهه بدرب لاسعه
لونار وكتي وجمر فركاك الي لاسعه
لجلك اطول خلك روحي القهر تسعة
وما تيهت سجتك دام الجدم تسعة
مو شكل واحد الي بجفاك اظن تسعة
احلف وحك النبي والجان اله يوحي
تاهت عليه الكلب بيك انتلف يوحي
حاير اهلي لون جيت احضرت يوحي
هليت بيك ولون هيج ادري ماهليت
جي لني من عشرتك دوم الدمع هليت
يهلال عمري انتظر شو لسه ماهليت
هلهل عدوي ولا هلبت هلالك بشر
ولاانته طبعك كمر لاني عرفتك بشر
متحذر من الوكت لن طحت بعدة بأشر
طحت بودادك وانه البمحبتك منتلف
وواحد تظل بالكلب ياصاحبي منته الف
عنك تدير الوجه وك دنيتك من تلف
وتشوف من الدمع عينك غدت ماطرة
واسمي اعله بالك لجن بشفاك ابد ماطرة
يابس دليلك جلد صابه العشك ماطرة
جلمود كلبك صخر لاهم يصيبه والم
وتوالم ويه الوكت وبنايباته ولم
بجروح وكتي اظل استر واخيط والم
وانته لجروحك ولا ينفعني بس مرهم
تحياتي
محبي الأبوذية
والزنجيل
أهدي هذه الابيات المتواضعة
عسى أن تنال رضاكم
وي كلهه ارهم لجن وياك بس مرهم
يلبسمار حسنك نبت بعداك بسمرهم
متنطرينك تجي و تتعدة بس مرهم
مر شوف شنهو الحصل كسر بجمع كل هلك
ياليمك انته انتهت روحي وصفت كلهه الك
فدوة آنه اروحن الك وي كل هلي وكل هلك
بس كون اعرفك تحب شخصي وردت وصله
لاسحك جمر فركتك واجوي الكلب واصله
اعترف دربك صعب هاك الكلب وصله
وان جان ماتاخذه بس عالدرب وجهه
وانته ادره بيه الوكت نار الهجر وجهه
لاتنتظرني انتخي وكتي الكلب وجهه
ومتصرفن اعله الكلب وبنصه هم بس مله
ولاشفت منه فرح لاني الشفت بسمه اله
منه استعيذ ولذت من عنده بالبسمله
بسم الله من دنيتي بس من بعد لاصفة
لن حاربتني و صرت لامن وصف لاصفة
دلالي بيهه انتهه لا هو الخبط لاصفة
لا هو ميت و لا لمن تحسبه عدل
ولاهو عافك و لا ماشي بطريجك عدل
متعافي كلبك وانه الجنت ارجه منك عدل
تالي طلعت مشتبه وحسابي ماحاسبه
وحسيت طبعك جفه والوفه ماحاسبه
بزلاتك احسب وارد ارجع ادك حاسبه
واجمع شمل فركتك وآنه انتظر وعدي لك
يلمات كلبك ردت بيك انكتل و اعدلك
مال البخت وانتخت روحي انعدل واعدلك
لاروحي جرت عدل لاهي بدرب لافت
بذيالك اتعلكت و الهه النظر لافت
مشلوع كلبي يظل لاهو انكسر لافت
وحرف اسمك اعله الصدر متعلك بزنجيل
جنه اعله كلبي يدك وبكل وكت زنجيل
بكل قوتي اوصفك ردت بس ماكفه الزنجيل
ظل يخبط بدمعتي ظيم الوكت ويحل
ويسكن مصب الدمع طرف الجفن ويحل
لو صار دمعي بشرع حبكم مسيله يحل
للعشك حوبه وعثر كلمن يحل حرمته
ونعله اعله كل بت بشر عنهه الولف حرمته
ما تنكلب لو ولف يتغازل وحرمته
ولا تنعدل لو عفت ولفي وصرت بذات
عاش بكياني وسكن بالروح اظن بالذات
من دون كل هالخلك ليش آنه بس بالذات
من صارت اخت الصدك وصلت بحدهه لحد
وصارت عليً دنيتي بالضيك تشبه لحد
لاني انتخيت ببشر لاشاكي حالي لحد
صح دنيتي اصبحت لامن وسع لاسعه
بس الهه ماهم جدم والهه بدرب لاسعه
لونار وكتي وجمر فركاك الي لاسعه
لجلك اطول خلك روحي القهر تسعة
وما تيهت سجتك دام الجدم تسعة
مو شكل واحد الي بجفاك اظن تسعة
احلف وحك النبي والجان اله يوحي
تاهت عليه الكلب بيك انتلف يوحي
حاير اهلي لون جيت احضرت يوحي
هليت بيك ولون هيج ادري ماهليت
جي لني من عشرتك دوم الدمع هليت
يهلال عمري انتظر شو لسه ماهليت
هلهل عدوي ولا هلبت هلالك بشر
ولاانته طبعك كمر لاني عرفتك بشر
متحذر من الوكت لن طحت بعدة بأشر
طحت بودادك وانه البمحبتك منتلف
وواحد تظل بالكلب ياصاحبي منته الف
عنك تدير الوجه وك دنيتك من تلف
وتشوف من الدمع عينك غدت ماطرة
واسمي اعله بالك لجن بشفاك ابد ماطرة
يابس دليلك جلد صابه العشك ماطرة
جلمود كلبك صخر لاهم يصيبه والم
وتوالم ويه الوكت وبنايباته ولم
بجروح وكتي اظل استر واخيط والم
وانته لجروحك ولا ينفعني بس مرهم
تحياتي
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد