ألمكارم بيك أشوفنهن وراهن
ويركضن ألك ماتركض وراهن
ازامط بيك وتباهه وأرأهن
وعرفك شهم ماتنسه الخويه
ليالي السود كثرن والتمني
وحلمنه شوكت يخلص والتمني
واحسن انه منك وانته مني
واحسنك خبط مخبوط بيه
وحك حضن الحضني وجان مهدي
حبي لغير شخصك ابد مهدي
لو شرطه وحراسه وجيش مهدي
جذب والله يبعدونك عليه
بس مني التريده يصير بالفور
طفيلي وادري بيك تموت بالفور
يهودي ومن تواعد وعد بالفور
توصل للصدك تكلب عليه
تعال وكول احبك قلهه والله
احسه اختنك صدري وقل هوه الله
كمت اقره واردد قل هو الله
احد الله الصمد جتني المنيه
بيادر شوك اصيرن لونمنك
حبيبي الورد ماخذ لونه منك
شفايف هيج عندي لونمنك
ابيع الربع بوسه بخمسميه
لاذ بكلبي شوكك وانتقل بي
صعد للراس حبك وانتقل بي
احب شلون غيرك وانته قلبي
انه بكلي احبك مو بديه
هذا الدم رضاعه،،،لو عسل بيك
ألوع وكون تصبح،،،لوعه سل بيك
قمر دين شفتك،،،لو عسل بيك
لو حامض حلو لو سمسميه
عذب راقي اللطافه،،،لاطفت بيك
لابالماي ناري،،،لاطفت بيك
لايباليقضه شفتك،،،لاطفت بيك
لكيتك نفس رايح راد بيه
غبت تدري بغيابك،،،ون سحبنه
وتندمنه اعله حبك،،،وانسحبنه
راح انساك صدك،،،وانسه حبنه
وأتوب من العشك وانسه القضيه
خطيه الروح ماشافت،،،راحه إلهه
خطيه الروح جم صاحب،،،راح الهه
خطيه الروح المضيعه،،،رحلهه
وثلاثتهن احس بيهن خطيه
وحگـ شامة اخدودك،،،بل وشفتك
بجمالك منته رحمه،،،بلوه شفتك
ولك طرگـاعه خدك،،،بلوه شفتك
ومصيبه بضحكتك طاحت عليه
نصبت واسلاك عينك،،،جامعتنه
ويلحظه الماردتهه،،،جامعتنه
دريت بيوم تدخل،،،جامعتنه
القسم واهل القسم تاخذ تحيه
الك حاجب شوصفنه،،،والك عين
ولك بسهام ترميني،،،ولك عين
ولك هود ولك بطل،،،ولك عين
ولك مو دوم تتمرجح عليه
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري