الـــى سين من الناس

بقملي المتواضع ارجو أن تنال اعجابكم مع حبي : قالت وقلت

ـــــ هي قالت ـــــــــــ

ساجمع اوراقي وارتحل

واودع كل احبتي
واغيب عمن احب
وارتب جواز سفري
,وامضيه بدمي
اني لااعود
واقسم اني لااعود
واضع على شاخصة قبري
من البخور الهندي عود
وارتل مدونتي
هنا ارقد
هنا اسعد
لاني سوف لااعود
بغداد في دمي كما(....؟...) في روحي
وعندها أسأل نفسي في يوم ما..... هل تعود يا .....؟!

ـــــ وأنا اجبتها ــــــــــــ
هية كالت وآنة أكللهة العكس
مختنك بالشوك لا حس بيه ولا نفس
أنته كبال عيني حتى وأني أبعيد
وجن صوتك حنين وبي همس
صدك لمن رحت ما كتلي اللة وياك
بس اللة وياي أدري لأن آنة وياك
ياهو الكال أعوفك صدك تحجي ؟
وأذة ألكلك يجذب كلش هواي
أنته العلمتني شلون أبجي
وانته ألعلمتني الفرح يهواي
ولتفكر تموت بغيبتي عنك
حتى أمن القصايد أحذف الموت
أنة العايش لأجلك عمري كله
فك كلبك أليه وأسمع الصوت
يجوز آني أرحلت فد يوم عنك
بس مجبور وكل مجبور معذور
لازم نلتقي وترد ذيج الأيــام
ومحاجينة وفرحنة وشوك واحلام
بس هالمرة من نرجع نجازف
ونعبر عالخجل نمحي المخاوف
نعم ما كلت احبك واني ما كتلك
الحب مو بالحجي مو بالسوالف
الحب عاطفة ولهفة وسهر ليل
وهذن وغيرهن بعد انته أعرف
آنة من حبك صرت مجنون بيك
وما كلتلك خاف لا تهجرني
أظل محتار بمري من ألاكيك
بعز الصيف أبرد يا بعد عمري
وجمر كلي أصير بنص الجويريد
يل كلك محنة أرجوك فسرلي ؟
آنة غيمة وتنتظر منك رعيد
تنزل ألما يحمله ألكاع ونهر
معقولة كلك عاطفة وكلبك حديد؟
موتتني شبيك ماظلي صبر
وعدا كلمة أحبك كلشي ماريد
خطك دوم أحمر شوكت يخضر؟
ومحتاجك تجي .. ومحتاج وصلك
ميت آنة ويحييني وصالك
ماضيك آنة أعرفة انته واصلك
أصلك ما تخون بيوم بيه
ويل عشكتك عشك بس ما بية اكول
خاف لا أكلك وأفقدك للأبد
شجرة كلبي ومثمرة بكل الفصول
هزهة بيدك حبي الك ميحدة حد