لاترحل بعد موتني فد نوب!

لاترحل بعد موتني فد نوب!
كمل فضل غدرك طلع الروح!
بعدني ارفس ولك لتشوفني الناس!
كمل ذبحتك وبراحتك روح!
وانكر لمن حملك جدد جتافي!
وشلت حملك رغم ماحملي مطروح!
ومو انا السهرلك بالك تكول!
ولو تدري الخلك لن ضيمي مفظوح!
صعد تعبي على اطراف الحياطين!
وغده شر القميص يتعب السطوح!
تعال اذبح النوح بسيفك الحاد!
واذا رايد تجيني تسكت النوح!
جيب خيوط لاتمسحهة بجفوف!
عندي عيون كامن يبجن جروح!
واصيحن مو وجع بس جسمي متروس!
تحطهن وين بطل بسك تضيف!
عدد ذرات جسمي محمل جروح!
عدا الضميتهة وسويتهة ارشيف!
وزوابع وسط راسي اتطشر افكار!
يطب مرتاح يطلع ضايج الطيف!
وكتك بس شتا ويتوسد شفاي!
يلم حسرات صدري ويكمل الصيف!
واجذب لو كلت ماحاول انساك!
لأن طبع الركب تتجنب السيف!
نحرت الصحرا ادور راحة البال!
ووصل وني لخييم جبروني امر ضيف!
وكلت للراحه روحي ووني ياروح!
اهي كملت ربابه وعاشرت ريف!
الرائع رائد ابوفتيان