مجموعة قصائد

تبارينه الذمم و الحب طويناه ..
و شمرنه الذكريات حجار بالبير
ما دام النهر ضيك عبرناه
و كلمن خلي يذكر صاحبه بخير
صدك عدنه هدف بس ما وصلناه
مشي الحفاي نمشي اعله البسامير.

وطن ما بيك كلشي ونفتخر بيك
بس الصيت عن الله والعيون
سومر لا تكلي وبابل واور
ما الهن طعم عد اليموتون
بشارعنه ارملة وعدهه اربع ايتام
شوكلهم (حضاره) من يجوعون


طـــــــــزبالعافني والماعرف معناي
خــــــــله بطيش عقله وابد مااهتم
واليعتقد انــــــــــــــذل بعدمامولود
فوك الققم اســمي من المهد خيم
مكشوف الوجه ماعندي سبع اوجوه
ومـــــــافديوم اجيت الصاحبي ملثم
اتنازف كــــــــرامه من الجدم للراس
تــــــــــــــرد كلها وراي واني اتقدم
مــن طبعي صريح وبالحجي معروف
دواوين البراســــــــي شلون اتلعثم


خلي خطواتچ خيوط تروف جرحي؟؟
صيري عصفوره على صبحي!!
خل نعيش الحب مثل ورده وفراشه... وننسه شي اسمه الجرح..
خلي نهدم بيدنه اصنام الخيانه؟
ونبني كعبه..
من المحبه..
يطوف بيھا احساس صادق لابس اللهفه حرم!!