((يالميمون))
*******************
عليك يهون يالميمون // ترجعلي بدمع لعيون
عدل والينه لو مذبوح
عفته بياكتر مطروح
*******--------------*********
راجع والسرج خالي الظليمه تصيح بصهيلك
تراني منشده بالــــي شسولفلك وشحݘيـــــلك
تشوف عيوني همّاله حالي عنّي يرويـــــــلك
هم واحد بقه يمَّه
بي جم جرج جم لݘمه
يلميمون هم بي روح ** عفته بياكتر مطروح
**------------------**
ݘم سهم بسهم منصاب ݘم جرج بجرح ياذيـــه
ترد والدمعه عالحافر سابح بالدمه مخلّيــــــــه
يمهر حسين أخذ دمعي ووصل لعد راسه أرويه
خبر لمثلث أحݘيلي وحݘي شبي بعد مابيــه
مايدري الجره اعله اخته
بآخر نفس ودعتــــــــــه**دمه عالثره مسفوح
**-------------------**
عينك شفات المنظر مثل ماشافت عيوني
جارت كربله عليَّه وگوم يزيد فجعوني
يالميمون وحدي بقيت من أخوتي عافوني
غريبه وناس ماترحم لرحموني لراعوني
أعاين ونظر الحالك
گلّي وينــــــه خيّالك
خلّينه لعدَّه نروح ** عفته بياكتر مطروح
**------------------------**
داست خيلهم لخيام عگب مارضِّته الصدره
ريحانة رسول الله وأمَّه الزاكيه الزهره
مخضَّب بالدمه ومنحورجثَّه موسّده الغبره
بأشد حالة عسر صرنه أنتهت رحله وبدت سفره
لاظل والي يرعانه
ولاجف يرفع ألوانه
جثثهم طيب منها يفوح ** عفته بيا كتر مطروح
**----------------------**
واحد مابقالي اليوم من آصحاب العبه الخمسه
زماني مارحم حالي يوميه عليّ يقســــــــــــــه
راح حسين من عيني خالد ذكره ماأنســــــــــــه
هذا الطاغي وجرامه طبه متأصِّل برسّــــــــــه
لكن ذكر ابو السجاد
يوميه بفخر ينعاد
واياته عليه تنوح ** عفته بياكتر مطروح
******************************
عالثره ظل مذبوح))))
*************
عالثره ظل مذبوح ** ماظلّت بيّه الروح-
منذبح ظامي **مسلّب ودامي
***************
شنسه من مصاب حسين ** اذكر ݘم سهم صابــه
جروحه ورمّن گلبـــــــي ** عصرات ألم تنتابـــــه
ماعوف الونين ونوح ** تبقه عيونـــــــي سجّاجبه
يصرخ هظمي عالمظلـوم ** آ يحسين ومصابـــــه
ماأنسه ذاك اليـــوم
حرمّت عيني النوم
وانظر گدّامي **مسلّب ودامي
**********
جنت كل لحظه ألــي لݘمه ** اعاني ألامه وجروحه
يكوم ويوكع كبالــــــــــــي **وشوفه ينازع بروحــه
تالي توسد الغبــــــــــــــره **بعد مانشفت جروحـــه
ماݘنّه اخوي الطـــــــــــاح ** آنه الطحت مذبوحـــه
ريت أندفن ويّاه
ماعيشن بليّـــــاه
سودّت ايامي ** امسلّب ودامي
**********
بعد ياموقف الانســـــــاه **أنظره شلون صابه الغم
رجع من من جثة العباس**وشوف عيونـه سالن دم
عل صدره ألابو السجـــاد** مصايب الدهرتلتـــــــــم
أنحنه ظهره وتعب حيلـه **ألاخر نفس يتألــــــــــــم
الرايه طاحت من طاح
والشمر بينه صـــــــاح
حرگوا خيامي ** مسلّب ودامي
**********
اعاين ونظر الحالــــه ** گبل مالحال يتغيــــر
گوّه ينكل جدامــــــــــه** بين الجثث يتعــــــثّر
ساعه أمودّع الانصــار** ساعه أمودّع الاكـبر
طبع المصطفى ورسمه** نايم عالثـــره أموذر
أيرد للخيم مكسور
وعيونه دم أتفــور
دموعه آلامي **مسلب ودامي
**********
ݘم موقف يمر بيّــه ** يحيّر الرايد أيوّصفــه
ݘن جفوف متحنيَــه ** وعلكنه الشمعه للزفّه
حاوطها الفرح خايف** من نسمة هوه تطفــه
لاكن حكمة الاقــــدار** أصرّت بيّه تتشفّــــــه
تالي انطفت لشموع
والحنه دم ودمــــوع** ضاعت أحلامي ** امسلب ودامي
**********************************
((زين العباد ودفن الاجساد ))
*************
راجع زين لعباد// وحده الدفن لجساد
ثلاث ليالي خلآها// أمانه الباري يرعاها
----------------------------
رجع لجساد أهله وخوته وناسه
الغيره ردِّتَه ألهم ردَّه نوماسه
عليل ومايعينه حيله أنفاســـــــه
عيونه أبيضت أو شيبَّب شعر راسه
أبسهم الحزن مالوم
من عم وبو محروم
بحزن آلامه واراها
-----------------------------
أثر دمعاته خلَّن علخدود أخدود
جان أبحيل ابوه أو أخوته مسنود
نظرلن كوم محتاره ودمعها جبود
فرَّت منَّه ناداها ليَمّه أتعــــــــــود
أنا السجاد عينوني
بني أسد لاتعيفوني
بطيبة كلبه ناداها
-----------------------------
يكلَّه الساع يمّك والضعن ساري
بكلبي نار أبد ماتنطفي نـــــاري
شحجيلك يبويه عني وخبــــاري
دمعي من مهجتي عليك دم جاري
حال الظيم حالتنــــــه
غربه صعبه غربتنه
الحرم لاوالي يرعاها
----------------------------
وديعة عمِّي عرسه صاير أمكدَّر
المنيّه سيوفها من زفِّتــــــه أمطبَّر
وعضيدي حزام ظهر لكبر الاكبر
بحصيره وياي شيلوا جسمه لموذَّر
أبهيده يل تشيلونــــه
أبصف حسين خلونه
جاهه صار من جاهه
---------------------------
كصد ت عالمشرعه وتصيح ياعمّي
وآ عباس وين جفوفك التحمي
ضربت هامتك مانشفت وتدمـــــــي
عفت زينب تندبك خوي لو يمّي
أريد ن جفَّه يحميني
لأرض جدّي يوديني
ماظن أخته ينساها
-----------------------------
دفنها للجثث كلمن رسم كبره
بحركة كلبه وهمومه الملت صدره
دمعاته جمر أو يوقد العبــره
تمنَّه روحه تتوسدها للغبــــــــــره
أبد ماطابت جروحه
الشدد أتحملت روحه
بذاري الغبره غطّاها
***************
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد