وطن مهجر

لسوء الحاله اضطررت الى تهجيره



للم متاعك وطنــــــــــــه وعنه نروح

ليش بــــاقي اسمك وطن بس بالجذب



وانته يــــالجرحك صفه بطول السنين

وحيل تعــــــــــبان وتعب بيك الشعب



ولاتعود الدنيــــــــــــــــــه مابيه امان

وتره وكــــــــــتك خاين وكلش خرب



وخاف مــــاتدري انخبط ماي الفرات

وراح جــــــــــــان الكبل يسمه عذب



ولزمو التنور تجــــــــــــار الحروب

وصــــــــارو اطفالك لخبزتهم حطب



ويــــــاوطن اخذ الدرس وامشي بعيد

واحسب الخطوات من تمشتي الدرب



وعــاين اوجوه الزلم واقره الشريـف

ولاتســــــــــــلم عصمتك بيد الغرب



وضمد اجروحـــــــك بديك ومن يفيد

قسموك ومن يـــــــــــــجازيك التعب



طلب شــــــــارون الكلب وي العيون

وسلفنوه لبــــــوش مخصوص الكلب



ولاتلوم النــــــــــاس عن كل اليصير

نــــــــــــــاس تعبت بعد مـابيه حرب



بعض منهم كـــــــلف جرحه مايطيب

وبعض منهم حيل طـــــــايحله السلب



والبقو بس الأرامـــــــــــــــل والأيتام

بــــــــــالبواجي احتارو وياهو السبب



من صـــــــــــباح الله لحد ضلمة الليل

لعب ميلحكون وشعدهــــــــــــــم ذنب



ولو تصح بس ساعــه من عدهم فراغ

وشوف بـــــــــال الطفل يالعبه اليحب



والله مــــــــــــــــاتصور شلعبو اكـــيد

كسرو كلبــــــــــــه وهدم حــــيل العلب



كلــــــــهم اسطرو جن مجلس عـــــزاء

وفاتحــــــــــه مسوين لنهم من جـــــذب

احسنت اخي العزيز مبدع والله بس عندي مشاركه اذا تسمحلي
نكول لكل شخص خان وطنه فهو خسران

خسر كلمن ضميره مايوجهه
وخسر كلمن شمعته مايوجهه
وخسر كلمن تبـــده مايوجهه
وخسر كلمن خسر ذني سويه

تقبل مروري وتعديل المساهمه
تحياتي لك