الابوذيات المكتوبه لشعراء من جميع محافضات العراق
(1)الشاعر سمير صبيح
لوسال
انه من الجرح ماخاف لوسال
يرى شامت وخاف اشلون لوسال
سيفك بلجذب لعداي لو سال
علي هد واكولن هد اليه
ياريت
هلي عدواني مو عدوان ياريت
عليه ودم دموع العين ياريت
كلي اتموت كتله الموت ياريت
حيات ابموت محسوبه عليه
الشاعر الراحل رحيم المالكي
ما تسلهه
ابابك روحي وكفت ما تسلهه
وغير ايام سعدك ما تسلهه
شمتاني اسيوفك ما تسلهه
اذا لضيج مر الضيج بيه
ما تلفني
الف دنياي كلهه ما تلفني
عنيد وغير شخصك ما تلفني
عمت عين المنايا ما تلفني
اهز دنيه ومره تلعب عليه
الشاعر حسين الكميتي
ملك لك
لساني ايعجبك بطكهن ملك لك
وزود البيه مو ملكي ملك لك
اذا ربك بعث حارس ملك لك
اخطفك انته والحارس سويه
ولك حس
ردت بلكونه من عندك ولك حس
وجبينك لو عرك بيه ولك حس
ضربتك للعضم وصلت ولك حس
اموت اتريد اموتن هاي هيه
الشاعر غسان المكصوصي
من صاب
مبلل مايهمني المطر من صاب
ميت مايهمني السهم من صاب
هدف وبساحت الميدان من صاب (منصوب)
ثابت يل تريد الطعن بيه
مايه عدنه
الورانه ايضل ورانه مايعدنه
وخسر كلمن بصحبه مايعدنه
اذا جان الخبز عده مايه عدنه
باجر يغص من ينطي اميه
الشاعر جبار رشيد
ووجهاك
هاك اشعل كلب كلبي ووجهاك
اعله حاله راح اعلمنك ووجهاك
بشالك من تلف شعرك ووجهاك
تلف روحي مثل لف المنيه
من شغلكم
مشغولين بيمن من شغلكم
ولو مو شغلي هذاه من شغلكم
بعد ماراح ابجي ومن شغلكم
اموتن راح وخصمهه القضيه
الاسماء كثيرا ولالبوذيات كثيرا
ابوذيات لشعراء عراقيين
وهد ماي
جبل والصخر ملبوسي وهد ماي
وعلي هد بعطش يكتل وهد ماي
صعب ياوكتي تفليشي وهد ماي (وهدمي)
حتى من اطيح اوكع عليه
شألك
ماشاء واضنه اليوم شألك
وعلى راسه احس الكلب شالك
على شعرك لون ذبيت شالك
تذب علروح طركاعه وبليه
واختم الموضوع بأبوذيه للشاعر الكبير (ابو سعد)
من ساك
منهو الكدرك يازين من ساك
يبو عود البلعرك من ساك
انه بحدر المنايه وكلت من ساك
بنهر جاسم وطيفك عصف بيه
ارجو ان تنال رضاكم
تحياتي الى كل الشعراء العراقيين
واتمنى لهم الموفقيه
اخوكم صائد الفراشات
اعمل بصمت ودع عملك يتكلم
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري