يمة

سافرت مجبور يمة والسبب مو بيه أني
السبب جيه كلبي طيب كسر جناحي زماني
وانتي تدرين بمعزتج يمة وحدة بغير ثاني
حبج بنبضي يمة من يدك كلبي بثواني
انتي ماي وأني وردة وغير مايج ماسكاني
شحجي يايمة وشسولف دمعي يايمة عماني
نازل أوماوكف سيله جنه تيزاب وجواني
ماأنام بغير حضنج يمة حضنج كل مكاني
والأكل طعمه بغيابج لذته راحت من لساني
أحسد الي صاح يمة وج يمة بعدج أني أعاني
يمة دار الغرب ذلة ودهري للذلة رماني
يمة محد داوه جرحي
يمة بعدج طاح صرحي
يمة خاسر شنهو ربحي
وصار شوفج ليه أماني
بعدي يمة شلون حالج أدري بيج انتي حزينة
وصار حزنج ويه دمعج عالكلب زيد ونينه
بلكي بيج أتصل أني وصوتي يوصل يل الحنينة
يمة أدري فراكي نقمة وأدري بالفركة جريمة
يمة مو بيدي وتركتج وكتي خان ويا حريمة
حتى طيفج مايمرني وكتي من شوفج حرمني
يمة من بين الكرفني ولا هالغربة الأليمة


اهداء الى كل من هو بعيد عن أمه وهو في ديار الغربة علما ان الموضوع منقول وياربي تنول اعجابكم

عاشت الايادي

يسلموووووووووووو
تحياتي الك

اريد الدنيا تصفى وياي بس يوم
واشوفك ياكحيل العين بس يوم
تنوح امي علي وصحت بس يوم
الذنب ذنب الدهر قاسي عليه

تسلم اخي الياسي

تحياتي لك وللجميع

عاشت الايادي

يمة ويبعد الروح يمة ويا يمة
بيتج يظل للدوم منهو اليلمة .