فجعونه بحيدر فجعونه

ابحيدر يالهادي فجعونه
***
يلهادي فجعـــونه ابحــيدر
ضل خالي اوحزنان المنبر
نـار إمصابه تشب وتسعـــر
بكلوب العتـره المحــزونــه
**
صاح وكبر حـــيدر ربـــــه
فـــزت إينـــادي ورب الكعبه
واعدني طاها بهل الضربـــه
وشيبي من دمي ايخضبونـــه
**
أخبـــرني الهــادي بهااليله
يحجـــيله والدمـــع يهيـــله
يغـــدرونك يلتحمي ادخيله
اوحكك من بعـــدي ينكرونه
**
لــولاده صار ايـــوصيهــــم
ويخبرهم باليجري عـليهــــم
من ها الناس التغــدر بيهـــم
تلاكــه دمـــه او دمــع عيونه
**
دمـــه اتلاكـــه ويــه ادموعه
كربت تطفي وسفه شمـــوعه
والعتره صرخت مفجـــوعه
حيدر جــــن راح ايفكـــدونه
**

عله الحسن حيدر حط يــده
أبني هــــذه إتسمـــه جعــده
ومن السم يتكطـــع جـــبــده
اوبسهام النعشه يـــرمــونه
**
صد لحسين وأجــره العـــبره
جسمه عاري فـــوك الغبـــره
خيــول إعـداه أتهشم صدرهه
على الرمـــح راسه يــرفعونــه
**
صاحـــت زينب يــا والينه
شكد مصايب تجري علينه
ضمهه الصدره وتجري عينه
كبالج عــطشان يــذبحـــونــه
**
يامخدره إوبالطف محتاره
يسبـــوج الكــوم الغــــدار
تناديني اودمعج يتجــاره
يابـويــه سبايه أخــذونــه
**
ساعه ولن اتغيــر حــــاله
صار الليث أيـــــودع أعياله
يوصبهم خــــير إبجــــتالـــه
من أكلي وشربي تنطونــــه
**
العرش إهتزت كل أركانه
والــدين اتضــعضــع بنيانه
الأيـــتام اتـــنادي يحـــمــانه
ابمصابك والله فجعونه
**
نعزي الحجه ونشكي همنه
غــيرك يالمهدي ما عــــدنه
أســــلاف الشــــر اتولتـــنه
يالحجــــــه عـــــداكـــم ذلونه

أسئلكم الدعاء
خادم خدام الحسين
ابو حيدر القسام