هذه القصيدة على طور الرادود باسم الكربلائي حفضهُ الله
وردآ على يهاجــــــــــــــــر
يمريم اقارن بينچ وبين
چفيلي ويه عيسى وذبحة احسين
احسبي موجرح واحد ولاطبرة
انه ضهري انحنه ويصعب علي جبرة
************************
اذا النخلة الج هزة رطبـــــهــــــا
انه ابسدها السهم عيني ضربها
اذا انتي گعدتي ابفي كــــربـــهـــا
انه ابخيمة دوت وشلون اطـــبها
يمريم رضيعج ماتچوى ؟؟؟؟ ورضيعي على النبلة تلوى
ابسهم من حرملة يامريم ابنحرة
******************
يمريم عيسى مرسل مادريتي
وهو من الله حكمة ومارضيتي
ثلث تيام غبتي وما اجيتي
تخافين اعلى روحج وستحيتي
يمريم علي تتفرج الناس ؟؟؟ محنتي عجيبة اتشيب الراس
من كتر الكتر فروني متيسرة
*****************
يمريم نوح ربج يوم نجاه
من فاض البحر والماي اذاه
بس احنه عطاشا وماشربناه
ولاشربة للااكبر بلل اشفاه
يمريم اجه يم والده احسين شكاله ؟؟؟ العطش ضل يهمل العين
چاوينه البحر منه ولاگطرة
***********************
يمريم ادري ابراهيم جدي
يكل لنار اه يانار ابردي
انه مثله صرت بلحومه وحدي
احترگ صيوان خدري وحرگ ولدي
العساچر يمريم حاوطتني ؟؟؟ اشاجف بدية وماحمتني
ولتني الناس بلصيوان والجمرة
*******************
لو شفتي القاسم يوم عرسة
بهدوم الحسن عمه يلبسة
چايمكن شهكتي ومتي هسه
اهو اوحيد الرملة وباع نفسة
انحنه احسين وبچه ايكله يعمي ؟؟؟ وصاني ابوي وهسه امي
بچه احسين ويحبه ابراسة وبصدرة
*************************
لون چنتي ابمچاني وشفتي اخته
گمرهاشم يمريم مــــــاعرفــــته
لكيت اعصابتي الشدها ابرگــبتة
سـكــت عني چفيلي من ندهــتـــه
شلت اچفوف اخوي وعاتبتهن؟؟؟ لون بيدي يمريم ركبتهن
شوطكني الشمر چي لايذة بكترة
********************
ذني اجروحي كلهن صح تمسني
اشرايچ بلشمر يوم الرفســــني
شتم والدي وبيدة يمـــــــــسني
دفعني عن اخوي ورد فرسني
لكيتة يحز براس الحسين؟؟؟ يمريم شفت شوف انا بلعين
يذبحة من الگفة ويشتم الزهرة
احسبي موجرح واحد ولاطبرة
انه ضهري انحنه ويصعب علي جبرة
بقلمي المتواضع
كاظم الناصري
ومله محسن داخل الشمري
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري