Tweet
تهيم العين لجلك،،،وآنه احبك
بكثر دگـات گـلبي،،،انه احبك
اسكت الناس واصرخ،،،أنه أحبك
احبك حيل صدگـ مو بديه
مسودن وارسم بجدمك وخط فاك
وسبحانه الرسم جفنك وخط فاك
لصيرن مجرم بحبك واخطفاك
واخبصهه عليك الداخليه
اخوزر بابكم عالراح عطاب
وشسولف عن جرح ملجوم عطاب
احترك دمي ودليلي عليك عطب
وسابع جار شم شعواط بيه
مثل طفله وبجت روحي عله امهه
تحن تشتاك ثق حبك علمهه
دوله الروح بغيابك علمهه
نزل للگـاع يالماتمر بيه
بسته ومن بست خده علي من
وظنه ماعرفته من علي من
جاي ايگـلي ماحبك عليمن
جاي يبيع مالاتي عليه
عفتني وتدري بعيوني يرن بيك
عفتني وتدري فنجاني يرن بيك
عفتني وتدري بعروگـي يرن بيك
عفتني وگـولبت دنياي بيه
الك حاجب شوصفنه،،،والك عين
ولك بسهام ترميني،،،ولك عين
ولك هود ولك بطل،،،ولك عين
ولك مو دوم تتمرجح عليه
شعرك قوم شدالي،،،وحل قوم
وسألتك يلا جاوبني،،وحل قوم
أشفافك تين يمعود،،،وحلقوم
لو تين وعسل ذبن سويه
احبك وانته عاقل،،،وانته بهلي
واعيشن انه بهلك،،،وانته بهلي
شوف شراح اگـلك وانتبهلي
احبك يله وخر هاي هيه
كمين الحب لغيره،،ماكمنه
زعل مره ونقصنه،،،ماكمنه
اخم بالكوفه كلها،،ماكو منه
حته شويه اقل ماصح بديه
علي من سيف هجرك،،شن ويعني
واذا ارد انوي هجرك شنو يعني
اخسرك؟؟ولجهنم،،شنو يعني
يايوم ألزمت حملي بديه
گـبل جم يوم اكو دمعه،،سلتني
ليش انه عله خدودك،،سلتني
گـلت إلهه اكو حاله،،سلتني
المهم طحتي بعد معليج بيه
سهم سكمك سباني،،،سله سله
سهم ساعد سلامك،،،سله سله
سهم ساهم سهاني،،،سله سله
ساليتك سلوتك سلوه اليه
خطيه الروح ماشافت،،،راحه إلهه
خطيه الروح جم صاحب،،،راح الهه
خطيه الروح المضيعه،،،رحلهه
وثلاثتهن احس بيهن خطيه
نور الناس هالطافي،،،علك بيك
وكلبي شوف يمعود،،،علك بيك
احطلك من ابو فاضل،،،علك بيك
يحفظك هو ابو فاضل اليه
الدنيه ماتجلك،،،من تجلهه
ولاتركض تجيلك،،،من تجي الهه
تره العيشه مذله،،،من تجي الهه
لأن محتاج تبقه وللمنيه
زماني إيجيب بالحسرات وأيعيد
عليه ومايضبط إحساب،،،وايعد
طبكت بجيتك الأحزان،،،وي عيد
الفطر والعاشر انجمعن سويه
زماني الجان نازل،،،عله مني
وعلني وماهديته،،،عله مني
انه امصايب المرن،،،علمني
اموت وماأمد جف للبريه
الكلب ظل اهو وحده،،،ورباه
يتيم وماأله واحد ،،،ورباه
منو مثلي اخذ جرحه،،،ورباه
وكبرنه اعله القهر احنه سويه
بس مني التريده يصير بالفور
طفيلي وادري بيك تموت بالفور
يهودي ومن تواعد وعد بالفور
توصل للصدك تكلب عليه
» شعر
» والدي الحبيب
» ابوذيات للحلوين
» دارمي يموت
» ترحيب
» ابو ذية
» فضل قراءة قل هو الله احد في ايام رجب
» بمناسبت قرب عيد رمضان المبارك
» انه بدونك طفل
» ابتسم
» غضل قراءة قل هو الله احد في ايام رجي
» شجرة دارمي كوم
» دارمي وقصته الحزينه..
» عضو جديد