ااجمل الابيات

((ادعوكم لقرائة اجمل الصور الشعرية))
حسنج كَمر ...لو شمس ...
لو فرحه لو زفّه
خليني حدر الزلف ...
ترجيه
أرد أغفه
ذياب كزاز ابو سرحان
===============
يـَبني شوفك يبعث الماي الزلال بعودي و أحيا
وانه ميتة
أبيض عيونك لبن صدري
وسواد عيونك الليل اللي عد مهدك بجيته
للكبير مظفر النواب
===============
گلتي إوداعة الله إو دنجتِ للگاع...
مدري اشطاح من عيني إو عميت ابساع
عبد الكريم القصاب
===============
اشتهيتك
گاع تشرب ملحة اجنوني اوتخضر تين برّي!!
تين الولاية غشيم اوطبعه فاهي..
وانته ياشيرة اسوالف
اتعســّل الحنظل لون جسته ابحلاتك
نوفل الصافي
===============
اشتهيتك مشتها الغركان
لجفوف التتناوش ايده
محمد الغريب
===============
ليش تموت ... ليش تموت
مو انته الفقر امنيلك تابوت
كامل سواري
===============
هذا الليل وانته بكل حلاتك جيت
متنمر عشك شايل خلك صياد
ومحمل قصايد واحنة باول بيت
هاشم العربي
================
اشرب ، ذليل الما سكر بالخمر !
سمّ الشراب وعلّته يا هلي
هو اليداوي المبتلي بالعلل
ومثلي بزماني ما شفت مبتلي
آنه الغريج الما يهمّه البلل
صاحب الضويري
===============
يلي طولَكْ غَفْوَة النثيه بتعَبْها.. بنومْ أصابعها الطويله وبالسَهرْ
أزهي لو تزهي دهرْ
بيّ من ضَيمَكْ دَهَرْ.. ضَيمَكْ دَهَرْ
خِذني يَشْگرْ لا تردْني
صفگة إجناحين خذْني
علي الشيباني
===============
ولك من طاح اخوي بنهر تمساح
اجيتا بزود خيلي اسرع من الريح
ودفعني من حظنتا وطلع كذاب
متأمر علي ويا التماسيح
بهاء الكاظمي
===============
ليلــة العرسان بيهه شكد حـلال
واني وانته ماكدرنه نعيش ساعات الزفاف
وتنرسم فرحه بوجهنه تذبل اشفاف الحزن
خربـت اندافة عرسنـه
وهلهل الشامت كطن
كافي ياطـــير الكناري تمرعد بروحي دخـن
ضياء المياحي
================
هوة بروحي من أطلعه ألموته يتنفسون
بس عاندت روحي وبيه ضميته
مشيت وخيط واهس جلب بمكفاي
ثكلي و مستحاي لجدمي هديته
علي رشم
===============
روحي مثل الگاع لو مرها المطر
تمطر وفه وخير ومحبه
لكن الدنيا السفر
ولنحبهم مانسيناهم نسونا وسافرو
مسافرين وعيني مشدودة لدربكم
غازي ثجيل
==============
عنـــدي ذيـــب إبــراسي مــا أمن أنـام
وليلــي إشنــقه بخيـــط مـــن ثـوب الصـبح
وأسرج خيول الصبر وبجرحي اصـول
وصلــب ظهـــري ومـــايهم بيـــه الـــــرمح
وعكس كل الناس جرحي ابــــسره بير
بدلـــوة السجيــن كــل ســــــاع أنفـــــــضح
باسم الخاقاني
==============
طبع كهوه اشماتعظني النار حيل
آخذ من النار محمود الصفات
روحي أبوهه الضيم وأمهه المستحيل
وهي وسنين الكحط ولدن خوات
أنا مغرم بالثكــــال من الحمول
وصلب عودي وهالجتاف معركات
عطا السعيدي
==============
البلبل الما صدح
خم ريشه تلكه جروح
نعمه مطر
=============
اصل الشمس فانوس
جان ابيتنه
كظم خبط
==============
وشفت عصفور ميت كل جرح مابي
حرت هاي المنيه شلون واصلته
شلت راسي وشفت بالشجره عش محروك
كلت هذا السبب والحركه كاتلته
سمير صبيح
==============
صوتك من تسولف حقي اذوبن بيه
ماجنك تسولف جنك اتغني
الشاعر نائل المظفر
==============
امن احلف بيك لتضن جلمة التنكال
احبك ثق وراك هواي كايلهه
حلفان الشجر بيناتنه العصفور
مو اقصد محبتك عود اجاملهه
محمد خشين
==============
ياحبيبي الناس مدري شمالهه تباوع وراي
يمكن أمن اكشخ وجيك أتبين الطعنه بكفاي
عباس طالب
==============
يل مشيت .. الخطوة سيف ودرب الموادع رگبتي
وروحي سكة متيهه خطوات القطار
بكل طريق تشوف شمعــة .. تخلي دمعه
وتعرف اليحرگ سنينة ايموت بس يطلع نهـار
زياد البصراوي
==============
ياحكومة راسي ........ياراسي الفقير
شوكت تصفن عالشعب واداري شعبك
عالاقل يعرف مصيرة
انه احبك وادري هاي الكلمة يم اذنك زغيرة
عقيل العرد
==============
ماعندي حمل يطشر بريح
اجودر وين ماذبتني دنياي
وسط الناس اضحك ضحك خالين
بس وحدي من ادمع انكلب ناااي
غني محسن
==============
ماتجي اباحلامي اكللهم مريض
لو اكلهم صوجي اسهر ما انام
عيب اذا اكلهم لكاله ابن الحلال
بعينهم اطلع واصير ابن الحرام
امجد الدراجي
==============
يل عفتوني ولسه هدومي
من افركهن تطلع ريحتكم
صح ماعندي وياكم صوره
بس مرات من اشتاكلكم
بس الزك كلبي على الحايط
تطلع عالحايط صورتكم
حمزة مطر
============
تعال بكل وكت مر اطعن وروح
من جرح العشك ثق صاير اشباع
يجيني الليل اركب دمعتي اخيول
وسباق ايصير ياهي التوصل ابساع
عطشان الجرح رويني لجمات.....
تعطش كاع جرحي اتشور الكاع
علي خلف
=============
حجوا عني بكثر ماجان فرعون
يذبح من بني اسرائيل رضعان
عباس العبادي
==============
ولا تشيد قصــر يـم خيمـة فقير
وحرمة عاجر لا تراويهه الجهال
ولا تبوس ابنك اذا يمك يتيم
تجرح الحرمان بوسات الدَلال
المهم گلبك, شنهي مال وشنهي لون
المسلمين هواي ويأذن بلال
حسين السيد نور
==============
انه احجيلك واعرفك مو امين
والحبيبة كلبي وديت الحجي
رايد ابجي وانت تنقل بس كلام
فدوة حاول بلكي يوصلهه البجي
يوسف الساعدي
==============
كبل كلشي كبل بس هسه لا وين
هزت ايدك اسمعهه بذاني
علي الشمري
==============
ختيلان العب ويه الطيوف
اسلي بروحي حدما بلكي الاكيك
عله جيت الشماته ورادو جروح
اراويهم العندي لو اتانيك
محمد وجيه
==============
من ايغيب وجهك يلفي الغراب
واذا موجود تلتم العصافير
علي نجم
==============
ملحت الوكت ماغزرت الايام
ولا وكفت بعينك خبزتي السمرة
حلاتي الغزرت بالبلبل وماطار
ماعاف القفص جي كضتة العشرة
سعد الزبيدي
===============
وما ودعتك اني ابيوم المشيت
رفعت ايدي بتعـب كل همي ارجعك
اريد اومي تعـال ورجفت الايد
.من كد ما قوة ضنوني اودعك
رائد ابوفتيان
===============
كلمه التستفزني البيها توديع
بغيابك كلشي يسكت ينطق بجاي
بمشاويرك تروح السكته تقصير
وراك اخجل اطشن طاسة الماي
احضر دمعه زينه وعين جناز
وعونه احتاج واحد يلطم وياي
عادل السعيدي
================
ولتكلي أنتظر راس الشهر وتعود
ياراس البقه وماشاب من شهره
ميت وبنعش بيه أنته مامريت
يمته أتمرعليه بفرحة الزهره
سعود الخفاجي