فد شي

على الماشافها وﻻيوم يرها!!
اذبلت روحي وعليها الثوب يرها!!
وعلي لمن اديه من ادي يرها!!
وانه يرت النفس صعبة عليه..

خليك بمكاني وعيشلك يومين!!
ومثلك كون اصير وجرب العشرة!!
وشوف شلون تخلص عيشة المطلوب دم!!
واهل المضايف منه تتبرة!!

اقوى من الخمر تأثيرك اعلى الروح!!
انعد عالسكاره وماضكت كطره!!

انه وي شوفتك داس اعلى جفني الليل!!
مو بجدامه داسه بحافر المهرة!!

يالتنعس كبل ﻻيطلع الخفاش؟؟
انه بلياك كاسر خاطر الكمرة!!

بس بالحلوة اشوفك بالفهاوة اتروح!!
واني امرافكك عالمرة والمرة!!

انه من ابجي انشف هدومي مو لخدود!!
انكع حالي حال الطالع بمطرة!!

وثمرك وينه خاطر بالحصاد اتخاف؟؟
نفع مابيك وانه الحاسد الشجرة!!

مااكطع التنبت بيه لو صبير؟؟
فﻻح واحب السالفه الخضرة!!

الطبر بيدي ؟واكولن خاف عش فوكاه!!
لو عاشك اتعنه وبيك خط ذكرى!!

اعلى كد عقلك انطيتك من ردتها حساب!!
بجف طفله احسبتها ايامك المرة!!

وكلت عد للسنه واوفيلك؟؟وعديت؟؟
وخنتني انت كبل ما اوصل العشرة!!

ابالك موش واحد ناس يتمشون !!
مو بس اسمي صاير وجهي متذكرة!!

وجي سنك ذهب تضحك جنت وياي!!
ﻻن تدري بلمعته ايضوج الفقرة!!

ويا ملكة التهود فشلت المطلوب!!
الطلع من الكلب نفس الطلع برة!!

اليشرب ماي بير بطعمه يلكه اسرار!!
وشكض منك لكوك العطشو بصحرة!!

امجتف للخبز ؟؟ بعدين للعباس ؟؟
الوزعته بثوابه وجيتني بعذرة!!

الخريف اعلى الزرع بس شمه مر عالناس!!
اشكد جاملت ناس وجوهم صفرة!!

وانت ولا كلت من دوني وحده ايعيش؟؟
انه بمحجر عشت واتخيلك بسهرة!!

الشمس شدت رتب لجتافي من تانيت!!
بمكاني وعدت من اليمنه عاليسرة!!

تمنيتك تجي لو شخص ثاني وياك؟؟
وبيدك كايده هم موقف اعتبرة!!

النسيم ؟؟العاصفه؟؟
مو فرق عالغركان!!
نفس رايد ايعيشه حتى لو حسرة!!

المات شما تثوب لروحه ميساويك؟؟
وي المعتنيله وباجي يم كبرة!!

يابويه التحبه شينكره مكفاه؟؟
تحس راح من ادينك من يفر خصرة!!

بعيون اليحب بالظهر يقره وداع؟؟
وانه طولك عمر ماشفت بس ظهرة!!

منا وانتهت؟؟ مدري انتهت مناك؟؟
من صديت شوكي بعينك الحمرة..