آه ياليلة الاول //شهر الاحزان
********
موكب العزَّه لفاهه الكربلـــــــه ثابت قراره
هيَّه هاي آخــــرمحطّه ينتهي ويبدي مساره
نصبوا خيــــام الحرايروكلمن أعلن بقتداره
يموت مرَّه أثنين ميّه حب ابواليمه الصداره
كل أهل نخوه وعزيمه// وقوَّة أيمان
**********
أنتظار الموت باجـــــــرأمل عد أهل الحميَّه
يرسمون ألنه الملآحم بحزن ودموع الرزيَّه
الموقف أيمر بصعوبـــه يسهل بدرب المنيَّه
ارواح نذرتهه الشجاعــــــه ماتحب ذِلَّه أبيَّه
للعهد لاما تخونه // الدهر لوخان
**************
بدور من نسل الهواشم كتبت بدمهه عهدهه
توصف بأجمل معاني وعالثره ثبتت ودهه
الموت ويَّه حسين غايــه حتَّه للجنه تردهه
وتركب ويــاه السفينه ألف هنياله الصعدهه
عالسراط العبره سهله // وياه بأمان
**************
باجر أيصبّح عليهم وياه سهم الموت حاضر
فرحــة الكــل هـل المنيَّه حتَّه للجنّـه تســـافر
نيَّه وحده وكّلب واحد تصيح كلهه وين باجر
فزعت رجال المواقف بفخر وبعزَّه تكابـــــر
مايخاف ألّي يحبه // كان من كان
************
تستعد حتَّه الحراير والاطفال بكل صبرهه
الموت حد سيفه لفاهم والظلام أيسد فجرهه
وزينب الحرَّه الابيَّـه اليسر مايرحم خدرهه
والدمع من دم تهلَّه حبال متحضره اليسرهه
الموت ويَّه حسين راحه // الدهر خوَّان
**************************************
آه ياليلة الثاني // شهر الاحزان
************
وطه بجدامــــه الشريفه أرض وعده للعقيده
أطَّه كلمن ألــه رايه رجال موت العز تريده
وحصَّن خيامه بشرفهم باجر الثوره المجيده
وكَف حارسهن الحادي يمنته يمين الصميده
رايه تعله للمعالي // عله الازمان
***********
حسين لمَّن وصـل طفَّه سـارت وياه المنايا
تريد تخلص ويَّه عهده تاخذ أرواح الرزايا
أتعرفه مايبخل بدمَّه وتمشي بدروب السبايا
أيقدملهه عزاز كَلبه تضحيه الدرب الهدايه
بزفَّه للجنه سويه // صحبه خوَّان
***************
وصل ومصمم ضميره يحيي دين الله بدماءه
دنيَــه جـور وظلـم وكحـه منهه يعلن البراءه
حتَّــه آخــرنفس صــامد للعهــد أكّــد وفــاءه
لجل حق الضاع بيهه واثــق الخطــوه بفداءه
دمَّه أحياه الشريعه // طفَّه برهان
***************
ثبَّت أركان الرساله حسين وفّاهه الامانـــه
تلث ليالي نوره ساطع والجسددامي بمكانه
طبع عد أهل المرؤه عهده مايعرف خيانـه
خلَّـد التاريـخ أسمه انعيش يوميــــه بزمانه
فجر ثوره علِّمتنه // معنه أنسان
****************
يبقه ذكره بالضمائر والكَلوب أيحن دمعهه
بسـهم المثلث سبانــه شيعتــه مصابه فجعهه
يبقه يوم الطف مناره عله الدنيه وكل خدعهه
نهجه درب النور واضح وضَّح بدمَّه شرعهه
لجله نحييهه الشعائر // فجر الاديان
*********************************
الإثنين أكتوبر 01, 2018 4:17 pm من طرف أسير الحب
» شعر
الإثنين أكتوبر 01, 2018 4:15 pm من طرف أسير الحب
» والدي الحبيب
الجمعة أبريل 08, 2016 12:44 am من طرف اوف يا حظنك حبيبي بلاء
» ابوذيات للحلوين
الجمعة أبريل 08, 2016 12:41 am من طرف اوف يا حظنك حبيبي بلاء
» دارمي يموت
الأحد مارس 13, 2016 2:19 pm من طرف احمد اعناج
» ترحيب
الأربعاء يناير 20, 2016 4:16 am من طرف جاسم
» ابو ذية
الجمعة ديسمبر 11, 2015 2:01 am من طرف ظافر الظافر
» فضل قراءة قل هو الله احد في ايام رجب
الأحد نوفمبر 29, 2015 9:02 pm من طرف الملکة
» بمناسبت قرب عيد رمضان المبارك
الجمعة يوليو 17, 2015 3:34 am من طرف ابوسيف العويسي
» انه بدونك طفل
الإثنين مايو 25, 2015 7:02 am من طرف شاعرة الحنين
» ابتسم
الأحد مايو 17, 2015 4:11 am من طرف كاظم موسى قسام
» غضل قراءة قل هو الله احد في ايام رجي
الأحد مايو 17, 2015 4:00 am من طرف كاظم موسى قسام
» شجرة دارمي كوم
الأربعاء مايو 13, 2015 6:31 pm من طرف abbaslife1
» دارمي وقصته الحزينه..
الأربعاء مارس 04, 2015 11:10 am من طرف احمد اعناج
» عضو جديد
السبت ديسمبر 27, 2014 11:55 pm من طرف الكفاري